Yakobo 5:11 - Deduamiti

¹¹ Ngicngac modzotitia kpac kecgec, yeneac negenni kenehagoc anec nga ngeni Yopac yoac bic negenggec. Ye ebicfu serima kefecac amma Kebungo yearu faka gombunga meec. Kebungo ubamangang kuneng nga wosoefactoagoc fakaya anemmeude.

Yoak kekehagocac Dzadzahac gboria nga Mitiyegec

¹¹ Ngicngac modzotitia kpac kecgec, yeneac negenni kenehagoc anec nga ngeni Hiobeac yoac bic negenggec. Ye ebicfu serima kefecac amma Kebungo yearu faka gombunga meec. Kebungo ubamangang kuneng nga wosoefactoagoc fakaya anemmeude.

Yakobo 5:11 ပူးပေါင်းရင်းမြစ်များ

Nehemia 9:17

Nga geng faka kuhagoc yenearu menec, imoc nigecyunuu ubaseri amma yenang songou sebiengenggoc enara meficyunugec. Amma enara imoc yeneng waraiyemmegec Aigita bangecfu wanac uau kecgec, imohai monggoc dzigenegecdeac negenggec. Anu geng ine kopocsic wawa nga ruaetoa amma wosoefacac Anutu nga herebuga tondzera amma songo fakagango mewakewakeguya, imocac amma ge mi ngadeheyununec.

Nehemia 9:31

Anu ge wosoefac nga ruaeac Anutu, imocac ubamangang ayemmema mi ngadeheyunuma meicyununa homedacgec.

Mitiyegec 103:13

Manggac mongngo nambaracfora yeneac ubea manganeu hoangyunuande, ye ifi isoc ngicngac Kebu eweheimiandae, yeneac ubamangang negemma hoangyunuude.

Mitiyegec 103:8

Kebungo wosoefac anemmema neneac ubamangang negemma ngaba bic mi anude. Ye yoac dedzege amma imoc modackecde, faka imocngo yearu wiac engena.

Mitiyegec 116:5

Kebu ye wosoefac nga faka dindingacac Kebu. Anutuninango ubamangang anemmeude.

Mitiyegec 119:132

Ngicngac geac kpac kunenggaac songo negengandae, ge neneac anggengandeac nearugeng dzigenema neac ubaga manganeu.

Mitiyegec 145:8

Kebungo ubangerec anemmema neneac ubea manganeude. Ye ngaba bic mi anemmeude amma yeng yoac dedzege amma imoc modackecde, faka imocngo wiac engena ande.

Mitiyegec 37:37

Ngic kopocsic mong mi meficgeande, ngeni ye hentegecbisia. Ngic mong ye ikoc nga hamangeha kpac kecande, ye hembisia. Ngic ruaegoc kecande, yeng arengfora yenigoc naso herea kefude.

Mitiyegec 51:1

O Anutu, geng yoac dedzege amma imoc modackecnecac neac ubaga manganeu. Geac wosoefac imoc efea kpac, imocac neng singyoac kpema kopocsic meficgeai, imoc dzuacdacna kpac ambeso.

Mitiyegec 78:38

Yeni kopocsicnginagoc kecgec, forangoc, nga yeng sifu yeneac ubea manganeu manganangina wama mi kpetotieyunuec. Ye naso homac ngabaya dzegema herebuya erebacac imoc kpetarimiec.

Mitiyegec 86:15

O Kebu, ge Anutu ubamangang nga wosoefac mingina. Ge ngaba bic mi annade nga geng yoac dedzege amma imoc modackecnec, fakaga imoc wiac engena. Ge yoac modac modacac Kebu nga faka imocngo wake wakea fegende.

Mitiyegec 86:5

Ge gombunga anemmema kopocsic wanemmenade. O Kebu, geng yoac dedzege amma imoc modackecnec. Nga ngic yeneng hofocgugec geng faka imoc modacma wiac gombunga efea kpac ayemmenade.

Mitiyegec 94:12

O Kebu, ge ngic mong kopocsicac kpemeting amma dedeseriyoacga edekpou ammiannec, ngic imoc ye kenehagoc.

Makekeng 34:6

Anu ye nammanu Kebungo kiwau ferecgema kpacma deec, “Kebu, Kebu Anutu ye ngicngac yeneac ubahodung negemma wosoefac ayemmeande. Ye herebuya bic mi fingerude amma yoac dedzege amma imoc modackecma yoac foragoc kecande.

Danicel 9:9

Kebu Anutunina geng neneac ubaga manganeu kopocsicnina wanadeac numugenduae. Neni geac yoacga nga ubaga kpekefing.

Yoele 2:13

Amma ngeni kopocsicngina heregoc yombong deficgedacbisia nga ngakpingina witiau eng mi kpesuckebisia.” Ngeni Kebu Anutungina yearu dzigenebisia, imoc yofiac, ye ruae nga wosoefactoa mingina amma herebuya tondzera nga songo fakayango mewakewakea. Amma ye kopocsicnina wama ebicfunac mesimesinunudeac efaikecde.

Yona 4:2

Kebu yofi numumiec, “O Kebu ni bangecnau kecmangoc yofi deai, ‘Faka imocnoc fingerude.’ Ni ifi negenaiac amma bic worama Tarsis imohai kembadeac negenai. Anu Anutu, ge wosoefacgagoc nga ngicngac yeneac ubaga manganeande, ge ngaba bic mi annade nga yoac dedzege amma imoc modacyombonggeannec amma memanganeyunubeso negengannec imoc waannec, ni imocnoc negenai.

Mika 7:18

Mongngo Anutu ge isoc mi kecdae, ge maridzomingfocga tosea kecdae, yeneac kopocsic wayemmeannec. Amma herebu naso herea mi mekecma ubamangang ayecayemmeac negenna ngereeande.

Bangec kisiu 14:18

Kebu ge herebugaac kuha garenggekecnec imoc bic mi fingecande, nocac ge yoac dedzege amma imoc modackecnec. Amma ngicngac angammemengina mangana amma goa memanganeyunugec nga singyoac kpegec ge yeneac kopocsic waannec. Nga ge kopocsicngina eng mi wanade. Imoc yofi, manggac yeni angammemengina mangana amma goa memanganeyunukecgec, geng imoc nambaracfocngina nga esangabofocngina yenearu turunga kpounade nga kpoubesannec.

Mataio 10:22

Nga neac kpacac amma ngicngac sasawa yeneng ubango ukungunugecde. Nga ngic mong ye seserigoc kecmanu nasotoa haude, yeng komoc kpebesande.

Ruka 1:50

Kisicfunac kisic yeac ewea heimiandae, yeneac witiu yeac ubamangangngo feengkefude nga feengkecbesande.

Ruka 6:36

Mangnginango ngicngac wosoefac ayemmekecde, ngeneng ifi isocngoc wosoefac ayemmebisia.”

Roma 2:4

Anutungo faka yumea yombong anggemma modzotitia kpac tomaiga naso herea kecande, imoc ngadehenadeu naric mi ande. Nga ubaga merennadeac Anutungo yumea anggende, ge sifu imoc negentegecbesena.

Efeso 1:6

Amma ye Medackerengaac amma ubangerec yombong anemmeecac nenang eweheimima dengerebisina.

Efeso 2:4

Nenang Anutuac sing ferahema kecni ongaasunina homemea anec. Anu ye sifu negennemmema wosoefaha engena anemmema heresongogoc hoannunudeac amma Kristogoc homecfunac nenahafoc megborinunuec. Anutungo wosoefaha ngemmema kopocsicac ebicfunac mesingunuu komoc kpegecde.

Hebiraio 10:39

Nenang ye ngadehema hofeac sing modacma kemenide, imocac areng kpac. Nenang ine negen negensinggoc kecma firang amma ubaonganinagoc kekecseriu ennide nga embesandimbe.

Hebiraio 3:14

Nenang urecfu Kristo seria negensinggema kefing, negen negensinnina siriha imocngo mekecnideu naso wisic wisickeau serima nanni yeng deude, “Ngeni neac ogofocna.”

Hebiraio 3:6

Mose ye kingangkpepe kecma Anutuac uayoac modackefec nga Kristongo Anutuac Medac kecma uayoac modacma yeac amagareng kecde. Amma nenang kengeha kpac kurumenggac wiac menide, imoc wiac engena negemma serima mekecnideu Anutuac amanoc angkecnide.

Yakobo 1:12

Ngic mong faitobannu serima namma ebic tofohoude, ye kenehagoc. Nga ngicngac Anutu songo negemmiandae, yeni kekecac ira yemmeudeac deseriec. Ngic mong ye faitobannu heiserima kefude, ye imocnoc meude.

Yakobo 1:2

Negen negensinggoc tosofocna, faitobang nga ebic hania hania fingecngemmeu imoc sasawa wiac sogac sogaigoc, ngeni ifi negembisia.

1 Petoro 1:13

Imocac meheng kpeheng amma ubanegen negengga isinggema geanggaoc garengememana Yesu Kristoac hahanasoya fingectegeru imohai wosoefaha mehabesande, ge negen negengga yeac wosoefacfu hafoangoc seria faina febeso.

1 Petoro 3:14

Amma yeni dindingac kekecnginaac amma kpendzennu faingunugecdeu, imoc ngeni kenecnginagoc. Ngeni yeneac damu nga kengec mi ambisia. (Yes 8:12)

2 Petoro 2:9

Ngeni imoc hemma Kebuac sing yofi negenggecde, ngicngac Anutu eweheimima yeac enac tofohoandae, yeneac faitobang fingecyemmeu Kebungo imohacnac onggongyunuudeac kuha fede. Nga fakangina manganagoc kecandae, yeni ine witicamau faiyunuu tacmagec yoacfu faiyunuudeac nasoya habesande.