Yakobo 4:9 - Deduamiti

⁹ Ngeni ubamangang nga ubahodung negemma homac kiacbisia amma dzomocgoc kecdae, ngeni meremma kiacgec nga sogac sogaigoc kecdae, ngeni meremma ubaebicgoc ambisia.

Yoak kekehagocac Dzadzahac gboria nga Mitiyegec

⁹ Ngeni ubamangang nga ubahodung negemma homac kiacbisia amma dzomocgoc kecdae, ngeni meremma kiacgec nga sogac sogaigoc kecdae, ngeni meremma ubaebicgoc ambisia.

Yakobo 4:9 ပူးပေါင်းရင်းမြစ်များ

Nehemia 8:9

Ngicngac yeneng negentegecma wosongina homac heihodungaiu kiac ubahodung anggec, gawana Nehemia, womonggareng nga singyoacac kpoukpou Edzera nga Lewiareng yeneng yofi edeyunugec, “Uameme yomocngo Kebu Anutuninaac kicfu kpetiac andeac amma ngeni kiac ubamangang mi ambisia.”

Mitiyegec 119:136

Ngicngac yeneng geac dedeseriyoac mi modacandaeac kickumanango doku isoc made.

Mitiyegec 119:67

Ni kpendzenga kpac kefai, imohai sing segema kengkefai. Nga yofinenggac geac yoac modacbade.

Mitiyegec 119:71

Ge ebic meficgenennec, imoc negemba ngereede. Ge ifi anna geac singyoac haniaac negen negeng mema arenggekecbade.

Mataio 21:41

Ifi deu degec, “Ua minginango hama uagareng mangana memanganeyunuma yunuhomema waing uaya imoc uagareng goa yeneac mariu faiude. Faiu yeneng imoc garenggema foranasou mingina fora migecde.”

Mataio 5:4

Ngicngac ubahodunggoc kecandae, yeni kenecnginagoc, Anutungo yeninoc meefaiyunuude.

Ruka 16:25

Ifi deu Abrahangngo yofi deec, ‘Medacna, ge wiac mong negensibesena. Ge bangecfu kecmana ngicngac yeneng iwai gombunga gombunga bic genggec mekecnec nga Radzaro ine manganasac migec. Yaguc Radzaro yei menomanedae nga geng ine kpendzeng kpekecnec.

Ruka 6:21

Nga ngicngac yaguc herenginaac homedae, ngeni kenecnginagoc, ngeni yaka nema gebecngunuude. Amma kiac ubahodunggoc yaguc kecdae, ngeneng kenecnginagoc, ngenennoc kecma dzomoregecde.

Ruka 6:25

Nga ngicngac semeng negebec yaguc angkecdae, ngeni sowecnginagoc. Ngeni kecma herenginaac homegecde. Nga yaguc dzomocgoc kecdae, ngeni sowecnginagoc. Ngeni kecma ubamangang negemma kiacgecde.