Yakobo 4:7 - Deduamiti

⁷ Imocac ngeni Anutuac bageau kecma mangana minginaac yoac kpema ngadehegec yeng wangunuude.

Yoak kekehagocac Dzadzahac gboria nga Mitiyegec

⁷ Imocac ngeni Anutuac yoacac bageau kecma mangana minginaac yoac kpema ngadehegec yeng wangunuude.

Yakobo 4:7 ပူးပေါင်းရင်းမြစ်များ

Mitiyegec 66:3

yofi debisia, “Geng wiac angannec, imoc wiac engena yombong, imocac kerectegec andimbe. Ge kucga monggoc, imocac ngabafocga geac bageu kecma ngonducnegecde.

Mitiyegec 68:30

Yang hania hania dokuac haseng manau kecandae, ge yeneac yoac ngabasiric dena kate burumakangiwa yeni habunginagoc kenggec ngic yeneac burumaka medaha kapia botucnginau kecgec ge gorongina kpebesena. Geng yeni memayununa silwa toseatoa mehama gembisia. Ngic sasawa dzikacac songea negengandae, yeni yununa singsararang kpebisia.

Danicel 4:25

Ge ngickekecfunac kisanggugec kekecga tumiatoaac yang yenigoc anude. Burumakangiwa kpindzing neande ifi annadeac anggenggecde. Nga asomeng dzimbongngo sawaunac mama nadzicguu boroc boroc amma kecnade. Ifi kecna kifa sewen wisickeude. Anu kecma yofi negembesannec, Engenatoango bangecngicngac yeneac eucererenggac kunengngina amma garengyunukecde. Ye mong me monggac negenu ngereeude imoc ye miude.

Danicel 4:32

Ngickekecfunac kisanggugec kekecga tumiatoaac yang yenigoc kecnade. Burumakangiwango kpindzing neandae ifi isoc kpindzing nekecnadeac ngombonggugecde. Dzimbongngo sawaunac mama nadzicguu boroc boroc amma kecnade. Nga kifa sewen feracguu kecma yofi negentegecnade, Engenatoango bangecngicngac yeneac eucererenggac kunengngina amma garengyunukecde. Ye Engenatoa kuctoa minginango ngicngac yeneac eucererenggac kunengngina kecma garengyunuma kecde. Ye mong me monggac negenu ngereeude imoc yearu faiude.”

Mataio 11:29

Ngeni hama tofona miacma tofohoma negen negeng nearunac megec. Ni wosonomang nga memaemema kecduae. Ifi anu ubaonganginango kecnegeng meficgeude.

Aposoro 26:19

Ngictauna Agripa, ni kurumennunac onga henai, imoc mi kpeai.

Aposoro 9:6

Imocac ge yacma amau kenna! Ihai kecmana dafi ambesonga, imocac yoac edegugecde.”

Roma 10:3

Amma yeni yenaocngoc sing dindingac meficgegecdeac arenggema uaya mekecdae. Nga Anutungo sing mong bic meficgema ngicngac dindingac deyemmeande, sing imoc ine mi negendae. Ifi amma yeni Anutuarunac kekec dindingac fede, imocac bageau kecgecdeac waandae.

Roma 14:11

Mitikibiu yoac yofi bic oho ohoya fede, “Kebungo yofi dede, ‘Ni kekec mingina. Imocac ngicngac sasawa yeni neac kicfu fafoc heinenggecde amma nedzarang sasawango Anutu kecde, imoc dekperagibesandae.’ ” (Yes 45:23)

Efeso 4:27

Ngeni mangana mingina ama mi heimibisia.

Efeso 5:21

Ngeni Kristo eweheimima yeac amma uba mocgu amma enac tofoc tofoho angemema kecbisia.

Efeso 6:13

Imocac Anutuarunac tebemarikungina nga dzikacac wiac sasawa, megec kemeu dzikacnasou seria nammagec ngaba yeneng naric mi memangunuma woragec ngeni seria nanggecde.

Hebiraio 12:9

Amma bangecfu mangfocninango metinnunugec nenang fakangina ifia negensima ewengina heiing. Nga asu yeneac Manggacngo metinnuu yeac yoara monggoc yombong tofohoma kekec mebisina.

1 Petoro 2:13

Ngeni Kebuac amma kia gawamang, yeneac enac tofohobisia. Imoc ngictaungo kuc sasawa mekecde nga

1 Petoro 5:6

Imocac ngeni Anutuac mariseriaac bageu memaemema kecbisia. Ifi kecmagec Anutungo yengena nasou miacngunubesande.