Yakobo 4:6 - Deduamiti

⁶ Anu yeng ferahema wosoefac kuneng anemmeude, imocacnoc mitikibingo yofi dede, “Anutungo ngic sebiengenggoc kecdae, yeni kekecngina memaude nga ubasebingina memama kecdae, yeni wosoefaha yemmeude.” (Yneg 3:34)

Yoak kekehagocac Dzadzahac gboria nga Mitiyegec

⁶ Anu yeng ferahema wosoefac kuneng anemmeude, imocacnoc mitikibingo yofi dede, “Anutungo ngic sebiengenggoc kecdae, yeni kekecngina memaude nga ubasebingina memama kecdae, yeni wosoefaha yemmeude.” (Yoac negen negengagoc 3:34)

Yakobo 4:6 ပူးပေါင်းရင်းမြစ်များ

Mitiyegec 138:6

Kebungo wi yombong kecde, fora, amma ye sifu ngictehec nenang nenenggareng anemmekefude. Ngicngac goa yenanggac nengenggec engena angande, yeng herenginau kecma fakangina negenude.

Mitiyegec 9:12

Ye ngic sac hetinggegec, yeni negengyunuma kopocsicnginaac turunga kpouyemmeude. Ngicngac ebicnginagoc kecma ye kpacgec yeng imoc naric mi nigeckpeude.

Makekeng 18:11

Ni yaguc negenduae, Kebu ye engenatoa, ye nemuonga nga anutu hania hania feracyunude. Imoc yofiac, Aigita yeni sebiengeng amma ngicngacareng yomoc faka mangana yombong ayemmegec yeng yeneac mariunac yungecyunuu kenggec.”

Danicel 4:37

Imocac amma Newukadnetsar neng yaguc kurumenggac Ngictau engena dengerema afehema eweheihei ammiduae. Yeng wiac sasawa ande amma mede imoc fora. Amma yeac sing sasawa imoc yoacfu faka dindingac. Anu goa yeni sebiengeng kecdaeu, ye yeni mamea anggecdeac ayemmeudeacsoc ande.

Mataio 13:12

Ngic mong wiac goa femide, ye wiac homac monggoc migec mekefude. Nga mong ye wiac mong mi mekecde, yearunac wiacbisic mekecde, imoc ifingoc wangecgecde.

Mataio 23:12

Ngic mong ye yengenaac negenu engena angkecde, ye mamea anudeac memagecde. Nga mong ye yengenaac negenu mamea angkecde, ye meenggecde.

Ruka 1:52

“Ye ngictau kucnginagoc, yeni tatacnginaunac meicyunuma ngic kpac kuneng mong mi mekecgec, yeni memiacyunuec.

Ruka 14:11

Ngic mong ye yengena sebi meengande, ye memagecde nga mong ye sebia memaemeande, ye meenggecde.”

Ruka 18:14

Nga takesimemengo ifi deecac Anutuac kicfu ngic dindingac amma amau kenec, imoc edengunuduae. Nga farisaio ye ine kpac. Ngic mong ye yengena sebi meende, yeni ye memagecde nga mong ye yengena sebi memaemeude, ye meenggecde.”

Yakobo 4:10

Ngeni Kebuac kicfu memaemegec yeng miacngunuude.

1 Petoro 5:5

Sebigbori ngeni ifingoc yadafocngina yeneac bageu memaemema kecbisia. Amma ngeni sasawa fakangina yumeau angemema kecma imoc wamba isoc heigec kemebeso. Imoc yofiac, “Anutungo ngicngac sebiengeng kecdae, yeni wayunuma memayunuude nga memaemema kecdae, yeni danggunuha yemmeude.” (Yneg 3:34)