Yakobo 4:5 - Deduamiti

⁵ Mitikibiu yoac yofi fede, “Ye ongaasu nenang hereu faiu tacde, imocac nenang yeac areng kecnideac homac ammikecde. Ngeni yeac herebu meficgebauac ye mi wabisia.” Yoac imoc eng oho ohoya mi fede, imoc negembisia.

Yoak kekehagocac Dzadzahac gboria nga Mitiyegec

⁵ Mitikibiu yoac yofi fede, “Ye ongaasu nenang hereu faiu tacde, imocac nenang yeac areng kecnideac homac ammikecde. Ngeni yeac herebu meficgebauac ye mi wabisia.” Yoac imoc eng oho ohoya mi fede, imoc negembisia.

Yakobo 4:5 ပူးပေါင်းရင်းမြစ်များ

Fingec fingec 26:14

Anu ye ramaburumaka habuya habuya mekefecac amma enac tofoc tofohofora homacngoc meyunuma kefec. Imocac amma pelistingic yeni hemma keracmangang ammima

Fingec fingec 30:1

Anu Rahel ye ine Yacakowac nambarac mong mi mema eng kefec. Imocac dara Leaac keracmangang amma Yacakow yofi dema edeec, “Ge kogoc mong meficgenembesena, ifi mi annadeu ni homebade.”

Fingec fingec 37:11

Anu dacfora yeni yeac keracmangang anggec nga mamango ine yoac imoc negeng negenau fau fekefec.

Fingec fingec 38:9

Ifi deu Onan ye ine yofi negenec ni sabac meficgeba neac onga mi anude. Ifi negemma daraac sabac mong mi meficgeudeac negemma ngacaru kenecsoc sebidokuya imoc ngadeau eng kpakekefec.

Fingec fingec 6:5

Kebungo bangecfu ngicngac yenenu yeni faka mangana homac meficgegec. Amma ubaherenginau negen negeng manganasac feu imocacsoc faka mangana nasosoc amma kecgec.

Fingec fingec 8:21

Anu Kebungo hosuc homung songeagoc imocnegemma negen negengau yofi negenec, “Bangecngicngac yenisebigboringinaunacngoc ubaherenginau negen negengnginangomangana negensima kecgecde. Ni yeneac amma bangec monggocmi soweckebade. Anu wiac kekecnginagoc sasawa yunuba homegec ifi isoc monggoc mi ambade.

Mitiyegec 106:16

Anu ngic yeneng kporucamangina nangkenec, ihai kecma Moseac keracmangang amma Aharon, Kebuac kpetiacngic, yeac keracmangang ifingoc anggec

Mitiyegec 37:1

Ngic Anutu ngadehema mangana megecdeac ayemmeande, ge yeneac modzoga mi tibeso. Nga faka mangana angandae, ge yeneac keracmangang mi ambesena.

Bangec kisiu 11:29

Ifi deu Mosengo yoac yofi meremmiec, “Ge neac keracmangang annec imoc mi ngereede. Kebuac ngicngac sasawa yeneac witiu Asuya faiu yeni profete ambau, imoc negemba ngereebac.”

Bangec kisiu 23:19

Anutu ye bangecngic kpac, imocac ikoc mong naric mi anude. Ye bangecngicac medac mi ande, imocac ye monde mondeya mong mi fede. Yeng yoac mong dema faka imoc meude. Ye yoac dema ua imoc mesiude.

Yohane 10:35

Nga ngic Anutuac enacyoac bicngoc mekecgec, yeneac Anutungo deecfu, ‘Ngeni anutuareng.’ ifi anu Anutuac yoac mitikibiu fede, imoc netohonideac singa mong mi fede.

Yohane 19:37

Mitikibiu yoac mong yofia fede, “Nembaracnugec, ngic imoc yeni kicnginango nembesandae.” (Dzek 12:10)

Yohane 7:42

Mitikibiu yoac yofi oho ohoya fede, “Ye Dawidiac dzominga Beterehennunac, imoc Dawidiac ama yombong.”

Aposoro 7:9

Kisicfocnina yeni munangina Yosefe keracmangang ammima Aigita bangecfu faigec ngic goa yeneng bummema mekenggec. Ihai kecmanu Anutungo yegoc kefecac amma

Roma 1:29

Nga yeneac hereu faka mangana hania hania wake wakea fede, imoc yofi, yeni ngicngac dindingac kpac. Yeni ngabagoc nga kichodunggoc kecma faka mangana amma keracmanganggoc kecandae. Yeni herengina yaru ngic yunukpebuc anggecdeac ayemmeu ngabau eweandae. Yeni ikoc nga ngaba arennu ngic memanganeyunugecdeac ayemmeande amma gubekisang kecandae.

Roma 9:17

Mitikibiu yoac oho ohoya fede, imocngo Farao yofi edeec, “Ni gearu kucna bangeha bangeha edzacyunubade nga kpacna dekperagigec kenu negendacgecdeac amma miacguai.” (Mke 9:16)

1 Korinti 6:19

Anutungo Tiri Asu ngemmeu mekecdae, ye ubaherenginau kefu sebingina imoc yeac womong, imocac ngeni ngenaoc ubasebinginaac mingina kpac.

2 Korinti 6:16

Negenggec, Anutuac womong nga nemuonga botucngirau yoac dedzege naric mi feude. Imoc yofiac, nenang Anutu kekehagoc, yeac womong. Anutungo imocac yofi deec, “Ni amagerecna yenearu mema yenigoc kecbade. Kecma yeneac Anutu amba yeneng ngicngacfocna anggecde.” (Sese 26:12; Yer 32:38; Edz 37:27)

Garata 3:8

Nga Anutungo bangec monnunac ngicngac, yeni negen negensingnginaac amma dindingac deyemmeude. Ye imocac siduc gombung warac Abarahang edeec nga imoc mitikibiu yofi oho ohoya fede, “Ngicngacareng bangeha bangeha kecgecde yeni geac amma kenecyunudacbesandua.” (Fing 12:3; 18:18; 22:18)

Tito 3:3

Nga nenang ifingoc warac negen negentegecgoc mi kecma yoac kpeni goa yeneng ikocfu wangecnunugec sing segeing. Amma bangecac hensongo nga negensongo hania hania imocngo witicnunuec. Nenang herebugoc nga ogo yeneac keracmanganggoc kecma ubango ukuemeing.