Yakobo 3:16 - Deduamiti

¹⁶ Ngeni ubaherenginau keracmangang amma kichodung tusucfaka feudeu ngeni sicsauc kecma memanganeemegecdeac faka hania hania angkecma kecgecde.

Yoak kekehagocac Dzadzahac gboria nga Mitiyegec

¹⁶ Ngeni ubaherenginau keracmangang amma kichodung tusucfaka feudeu ngeni ifingoc ewekpekpegoc kecma memanganeemegecdeac faka hania hania angkecma tohoemema kecgecde.

Yakobo 3:16 ပူးပေါင်းရင်းမြစ်များ

Fingec fingec 11:9

Anu ye amabangec imohai bangecngic yoacngina medzicma mesufuu yeni singsararang kpema bangectoa bangecfu kendacgecac bangec imocac kpara Babel kpacgec.

Fingec fingec 38:9

Ifi deu Onan ye ine yofi negenec ni sabac meficgeba neac onga mi anude. Ifi negemma daraac sabac mong mi meficgeudeac negemma ngacaru kenecsoc sebidokuya imoc ngadeau eng kpakekefec.

Mareko 3:25

Nga amamana mocgungo tohoma ngaba angemeudeu amamana imocngo kpac anude.

Aposoro 19:29

Ifi amma ngic homacngo yenearu torokpema taong wakema dzomu gerehagoc meficgebesonga kpekpeturangsobennu yenahafoc nedzima kendacgec. Amma Makedonianac ngic yohockang Pauro modaroc, kpacngira Gaio nga Aristako, yeri meyuruma kpedziyuru kenggec.

Roma 2:8

Nga mong ye yengenaacsac negemma kecma yoac fora mi tofohoande nga sing dindingac kpema mangana modacande, Anutungo yearu herebuya kpakema kopocsicac turunga miude.

1 Korinti 14:33

Anutu ye sicsaucac Anutu kpac, ye ua arengagoc mema ruaea meficgeande. Kpebung kpetiac, imocac manau ngac yeni yoacngina waickema kecandae, ifi isoc

1 Korinti 3:3

Ngeni uba eseaac siricfu kecdaengoc. Imoc yofiac, ngeni keracmangang angemema yoacngina ngabasiric deendema angemeandae. Ngeni ifi amma ngictehec siric kecma

2 Korinti 12:20

Ni ngenearu hama ngenemba ngeni neac songo mi modacgecde nga ngeneng ifingoc neac mi angemmeude, imocac kengecnude. Ngeni gubekisang kecma enacfu faifai amma yoacngina deendema keracmangang nga herebu angemmema sebingina meemma yoackpekpegoc kecma uba mocgu mi kecandae, ngeni siringina ifia hembaiac kengecnude.

Garata 5:20

Nemuac eweheihei kekec nga dzinac faka amma ngabagoc tohoeme kekec, ngeni yoacngina ngabasiric angandae nga kichodung nga herebu amma tusucnene faka, gurunegicgoc tohoeme kekec amma mitiareng ikoha hania hania.

Yakobo 3:14

Nga ngeni ubaherenginau keracmangang kuneng amma kichodung negemmanganggoc hoanggedaeu ngenang sebingina meemma ikocgoc kecma yoac foraac yoackpekpe mi ambisia.

1 Yohane 3:12

Ngeni Kaing isoc mi ambisia. Ye Satangngo minging ammiu munea kpehomeec. Amma ye yengena angammemea mangana femiec nga muneaac angammemengo dindingac anecac munea kpehomeec.