Yakobo 3:14 - Deduamiti

¹⁴ Nga ngeni ubaherenginau keracmangang kuneng amma kichodung negemmanganggoc hoanggedaeu ngenang sebingina meemma ikocgoc kecma yoac foraac yoackpekpe mi ambisia.

Yoak kekehagocac Dzadzahac gboria nga Mitiyegec

¹⁴ Nga ngeni ubaherenginau keracmangang kuneng amma kichodung negemmanganggoc hoanggedaeu ngenang sebingina meemma ikocgoc kecma yoac foraac yoackpekpe mi ambisia.

Yakobo 3:14 ပူးပေါင်းရင်းမြစ်များ

Fingec fingec 37:11

Anu dacfora yeni yeac keracmangang anggec nga mamango ine yoac imoc negeng negenau fau fekefec.

Fingec fingec 38:9

Ifi deu Onan ye ine yofi negenec ni sabac meficgeba neac onga mi anude. Ifi negemma daraac sabac mong mi meficgeudeac negemma ngacaru kenecsoc sebidokuya imoc ngadeau eng kpakekefec.

Mataio 27:18

Yudangic yeni Yesu eng keracmangang ammima yearu faigec, imoc negemmanoc ifi deec.

Yohane 16:2

Ngic yeni kpekpeturang amaac kpae heingemmema ngadeau faingunugecde. Nga naso mong haude, imohai ngic yeni Anutuac ua medimbe dema ngunuhomegecde.

Aposoro 13:45

Sikegec yudangic yeneng yenemma Pauro nga Banaba keracmangang ayecmegec Paurongo yoac deu yeneng yegoc yoacngina engemmama anu yoara kpema desusuic ammigec.

Aposoro 26:9

Amma ni Yesu Nadzaretenac, yeac kpacsiduhaac kuc sing hania haniau memabesare dema yofi anai.

Aposoro 5:17

Faka ifia fingeru womonggarengtoa nga arengfora sadukaio ngichabu, yeneng keracmangang angkecma

Aposoro 7:9

Kisicfocnina yeni munangina Yosefe keracmangang ammima Aigita bangecfu faigec ngic goa yeneng bummema mekenggec. Ihai kecmanu Anutungo yegoc kefecac amma

Roma 1:29

Nga yeneac hereu faka mangana hania hania wake wakea fede, imoc yofi, yeni ngicngac dindingac kpac. Yeni ngabagoc nga kichodunggoc kecma faka mangana amma keracmanganggoc kecandae. Yeni herengina yaru ngic yunukpebuc anggecdeac ayemmeu ngabau eweandae. Yeni ikoc nga ngaba arennu ngic memanganeyunugecdeac ayemmeande amma gubekisang kecandae.

Roma 13:13

Amma wiac wenackperagiu angana ande, imoc modacbisina. Nenang doku seria nene nga kaisero amma sicsauc faka hania hania, imoc mi angkecbisina. Amma ewekpekpe nga keracmanganggoc kekec wadacbisina.

Roma 2:17

Yudangic ngeni ngenanggac deandae, “Ni yudangic dema dedeseriyoacngo nanggenuu kecduae.” Amma ge Anutu negemminec imocac negenna engena angkecde.

Roma 2:8

Nga mong ye yengenaacsac negemma kecma yoac fora mi tofohoande nga sing dindingac kpema mangana modacande, Anutungo yearu herebuya kpakema kopocsicac turunga miude.

1 Korinti 13:4

Heresongogoc hoangemema kekec, imocngo ngic monggac modzotiti mi negenude, ye yumea kefude. Nga imoc keracmanganga kpac kecma yengena yoac homac mi deude amma sebiengeng mi anude.

1 Korinti 3:3

Ngeni uba eseaac siricfu kecdaengoc. Imoc yofiac, ngeni keracmangang angemema yoacngina ngabasiric deendema angemeandae. Ngeni ifi amma ngictehec siric kecma

1 Korinti 5:2

Faka ifi femanu ngeni ine sebingina meengandae, imoc naric mi ande. Ngeni imocac ubahodung negemma ngic faka imoc angande, ye botucnginaunac meickebau, imocngo ine ngereebac.

1 Korinti 5:6

Sebiengengfakangina imoc naric mi ande. Ngeni yis kapianecsac uuhau faigec imocngo uuha sasawa meu sokoande, ngeni imoc bic negendae.

2 Korinti 12:20

Ni ngenearu hama ngenemba ngeni neac songo mi modacgecde nga ngeneng ifingoc neac mi angemmeude, imocac kengecnude. Ngeni gubekisang kecma enacfu faifai amma yoacngina deendema keracmangang nga herebu angemmema sebingina meemma yoackpekpegoc kecma uba mocgu mi kecandae, ngeni siringina ifia hembaiac kengecnude.

Garata 5:15

Nga ngeni ine ngenaocngoc enacngo ingiemema ewekpebuc angemekecma memanganeemebauac garengngina meemebisia.

Garata 5:20

Nemuac eweheihei kekec nga dzinac faka amma ngabagoc tohoeme kekec, ngeni yoacngina ngabasiric angandae nga kichodung nga herebu amma tusucnene faka, gurunegicgoc tohoeme kekec amma mitiareng ikoha hania hania.

Garata 5:21

Imoc keracmangang nga doku seria negec uba mesufu ayemmekecde amma faka goa ifia. Warac edengunuai nga yaguc monggoc gorongina kpema edengunuduae, ngicngac faka ifia modacandae, yeni Anutuac eucererenggac mingina naric mi anggecde nga ambesandae.

Garata 5:26

Modacma sebiengeng me keracmangang angemema mi tobangemebisina.

Garata 6:13

Ngic sebi tosangina bic herecgegec, yeni yenaoc dedeseriyoac mi tofohokecdaengoc. Yeni ine ngeneac negemma yenaoc kpac kuneng megecdeac amma ngeneng sebi tosangina herecgegecdeac homac ayemmeude.

Firipi 1:15

Ni seria namma siduc gombung dekperagibadeac Anutungo fainuec, yeni imoc negemma sing dindingac wosoefacfu Kristo dekperagikecdae. Tosea yeneng ine keracmanganggoc nga ngabau negen negeng kpeengkpema witiau Kristo dekperagidae. Dekperagima neac yofi negensidae: Ye ebic hania hania meficgeminide.

Firipi 2:3

Ngeni kuneng tatacac amma kichodung mi ambisia nga sebiengenggoc mi kecbisia. Ngeni faka imoc wama memaemema ngicngac ogofocngina yeneac kpac miacma ngenang kpac memama kecbisia.

1 Timoteo 2:4

Amma yeng ngicngac sasawa yeni komoc kpema yoara fora negentegecgecdeac ammikecde.

1 Timoteo 6:4

ngic ifia ye hereau sebiengeng fede amma ye wiac mong mi negende. Yeac songo ine manganagoc kekec nga ngic yenigoc nesisic yoac nga negen negeng hania hania deande, faka ifia keracmangang nga ngabasiric amma yoac mangana nga negeung meficgeude.

Tito 3:3

Nga nenang ifingoc warac negen negentegecgoc mi kecma yoac kpeni goa yeneng ikocfu wangecnunugec sing segeing. Amma bangecac hensongo nga negensongo hania hania imocngo witicnunuec. Nenang herebugoc nga ogo yeneac keracmanganggoc kecma ubango ukuemeing.

Yakobo 1:18

Anutu ye songoya nga negen negenaac amma yoac forau yeac nambaracfora fingering kecdimbe. Yeng deu wiac sasawa bangecfu fingecdarec, imocac buma heihei annideac ifi anec.

Yakobo 3:16

Ngeni ubaherenginau keracmangang amma kichodung tusucfaka feudeu ngeni sicsauc kecma memanganeemegecdeac faka hania hania angkecma kecgecde.

Yakobo 5:19

Negen negensinggoc tosofocna, ngenearunac ngic mongngo yoac foraac sing segema sicsauc kenudeu mongngo ye dzigeneudeac deu dzigeneudeu