Yakobo 2:23 - Deduamiti

²³ Anu imoc fora ande nga mitikibingo edzacnunuma yofi dede, “Abarahang ye Anutu negensinggeu Anutungo yeac ngic dindingac demiec.” (Fing 15:6) Amma yeac yofi degec, “Ye Anutuac ogea.”

Yoak kekehagocac Dzadzahac gboria nga Mitiyegec

²³ Anu imoc fora ande nga mitikibingo edzacnunuma yofi dede, “Abarahang ye Anutu negensinggeu Anutungo yeac ngic dindingac demiec.” (Fingec fingec 15:6) Amma yeac yofi degec, “Ye Anutuac ogea.”

Yakobo 2:23 ပူးပေါင်းရင်းမြစ်များ

Fingec fingec 15:6

Anu Awram ye Kebu negensinggeec imocac amma Kebungo yeac ngic dindingac demiec.

Makekeng 33:11

Anu Kebungo Mosegoc ngic mongngo ogeagoc engemma namma yoacyoac angandape, ifi isoc yoacyoac angkefoc. Amma Mose ye monggoc dzigenema hau memefiha sebigborimedac Nun medaha Yehosuac, ye kporucama mana mi wama imohai kefec.

Mareko 12:10

Mitikibiu yoac yofi oho ohoya fede, ‘Amameme ngic yeneng hoc mong mangana dema ukugec. Nga hoc imocngo amaac hoc wotung amma seria nanude nga nambesande.

Mareko 15:27

Anu yeni godzungic yohockang, mong foiau nga mong kanayau yegoc mariponnu momoc yunugec. Ifi anggec yoac mitikibiu oho ohoya yomoc seriec, “Ye manganameme yenearunac mong, ifi negenggec.” (Yes 53:12)

Ruka 4:21

Figec yeng yofi edeyunuec, “Yoac mitikibiu osoba negendau, imocac fora yaguc hafoangoc fingecngemmede.”

Aposoro 1:16

“Negen negensinggoc tosofocna, negenggec, Yudango ngic hesicyunuu kemma Yesu mendanggegec, yeacnoc Tiri Asungo bicngoc Dawidiac enacfu yoac faiu ohoec, imoc fora fingecbeso, imocac ifi anec.

Roma 11:2

Anutungo ngicngacfora bic meisingyunuma mi wayunuec, kpac. Nga Eria ye hereebiha Anutuac kicfu dekperagima israengicngac yeneac yofi dema numuec, imoc mitikibiu oho ohoya fede,

Roma 9:17

Mitikibiu yoac oho ohoya fede, imocngo Farao yofi edeec, “Ni gearu kucna bangeha bangeha edzacyunubade nga kpacna dekperagigec kenu negendacgecdeac amma miacguai.” (Mke 9:16)

Garata 3:22

Ngicngac Yesu Kristo negensinggema Abrahanggac dedzegeyoac hoanggekecdae, yeni dedzegeac foraya megecde. Imoc fingerudeac mitikibingo ngicngac sasawa angammemengingagoc kopocsicac bageu faiyunuec.

Garata 3:6

Imoc yofi fingerec, Abrahang ye Anutu negensinggeu Anutungo ye ngic dindingac demiec. (Fing 15:6)

2 Timoteo 3:16

Anu yoac mitikibiu oho ohoya fede, imoc sasawa Anutungo asuya fifiu ngicfu kemeec, imocngo yofi meficnunuude, imoc Anutuac enacyoac kpounemmema dederecge anemmeude. Amma mengerenunuma sing dindingac modacnideac garennunuude.

Yakobo 2:24

Anutungo ngic angammemea arennu yeac dindingac deude nga negen negensinggac arennusac kpac, ngeni imoc hendae.

1 Petoro 2:6

Imocac mitikibiu yoac yofi oho ohoya fede, “Negenggec, ni hocwotung mong siriha engena imoc meisinggema Sionnu gununggebade. Ngic mongngo ye negensinggeude, ye gamekpekpeu naric mi enude nga embesande.” (Yes 28:16)