Yakobo 2:13 - Deduamiti

¹³ Ngic mong ye ngicngac ogofora wosoefacgoc mi ayemmekecde, yeac wosoefac faka mong yoacfu mi fingerude. Nga wosoefacgoc kekecngo yoacfu namma firang ambesande.

Yoak kekehagocac Dzadzahac gboria nga Mitiyegec

¹³ Ngic mong ye ngicngac ogofora wosoefacgoc mi ayemmekecde, yeac wosoefac faka mong yoacfu mi fingerude. Nga wosoefacgoc kekecngo yoacfu namma firang anude.

Yakobo 2:13 ပူးပေါင်းရင်းမြစ်များ

Fingec fingec 42:21

Anu yeni yenaocngoc denegeng amma yofi degec, “Foracngoc, nenang kopocsicninagoc. Faka munanina ammiing imocac turunga hanemmede. Ye kpebeso anni wosea damu anec imoc hemma negening nga ye onggonggenideac derecgeu yoara negemma ioc baoc amma waing. Imocac ebic kuneng yomoc medimbe.”

Mitiyegec 18:25

O Kebu, ngic mongngo yoac modackefu ge yoacga modackecnec, imoc edzahanade. Nga mong ye kopocsic mong mi meficgeu geng kopocsic mong mi meficgeannec, imoc edzahana henude.

Mitiyegec 85:10

Anutungo yoac dedzege amma imoc modackecde, faka imoc nga yoac modac modacfaka yereng meficemeec dindingac kekec amma ruae kekec yereng titikokoc angemeecde.

Mika 7:18

Mongngo Anutu ge isoc mi kecdae, ge maridzomingfocga tosea kecdae, yeneac kopocsic wayemmeannec. Amma herebu naso herea mi mekecma ubamangang ayecayemmeac negenna ngereeande.

Mataio 5:7

Ngicngac ogofocngina yeneac ubamangang negengandae, yeni kenecnginagoc, nocac Anutungo ifingoc yeneac ubamangang negenude.

Mataio 6:15

Amma ngeni ngic yeneac kopocsic mi wagecdeu ine Kurumeng Mangnginango ngeneac kopocsic ifingoc mi waude.

Ruka 16:25

Ifi deu Abrahangngo yofi deec, ‘Medacna, ge wiac mong negensibesena. Ge bangecfu kecmana ngicngac yeneng iwai gombunga gombunga bic genggec mekecnec nga Radzaro ine manganasac migec. Yaguc Radzaro yei menomanedae nga geng ine kpendzeng kpekecnec.

Ruka 6:37

“Ge ngicngac mi demanganeyunubesena, yoac imoc modacnadeu ngic yeneng ifingoc mi demanganegugecde. Amma ge ngicngac mi isingyununa nga mi desiyunubesena, yoac imoc modacnadeu ngic yeneng ifingoc mi isinggugecde nga mi desigugecde. Nga ngicngac kopocsicngina wana. Ifi anna yeni ifingoc geac kopocsic wagecde.

Yakobo 3:17

Negen negentegec wihacnac maande, imocngo hanahema negen negenga kpetiac faima monggoc ruae nga faka yumea meficgeude. Imohai ubaseri me ubagori me ikocyoac mong mi fede nga monde monde mi angande.

Yakobo 5:4

Negenggec, uangicfocngina yeni semeng uanginaunac fora kpengemmegec ngeni ua bung yemmebeso wagec, imocngo kiackecde. Nga uangic yeneac kiacngo ifingoc Kebu Kuctoa mingina yeac kedzacfu bic kemeec.