Yakobo 1:17 - Deduamiti

¹⁷ Anutu ye kurumeng kperagiac manggac amma yearu kundung mong mi kpeude, kpac. Yearu kperagia feec nga fede amma fekengkecbesande. Nga yeng wihacnac wiac gombunga nga soronga suenemmeu maude. Ye ubangereha ifi nemmekecde.

Yoak kekehagocac Dzadzahac gboria nga Mitiyegec

¹⁷ Anutu ye kurumeng kperagiac manggac amma yearu kundung mong mi kpeude, kpac. Yearu kperagia feec nga fede nga fekengkefude. Nga yeng wihacnac wiac gombunga nga soronga suenemmeu maude. Ye ubangereha ifi nemmekecde.

Yakobo 1:17 ပူးပေါင်းရင်းမြစ်များ

Fingec fingec 41:16

Ifi deu Yosefngo yofi meremmiec, “Pareco, ni neannaoc debadeacsoc mi ande. Nga ge naric kecnadeac Anutungo yoac turunga edegubeso.”

Mitiyegec 102:27

Nga geng nasosoc siric mocgungoc kecnade nga kecbesannec amma geac kifa kpetega imoc wisic wisickea kpac.

Mitiyegec 122:6

Ngeni ruae Yerusalaimnu feudeac numubisia. “Geac songo negengandae, yeni naric kecma wiac monggac mi obohobisia.

Mitiyegec 136:7

Anutu kperagia kuneng faiyuruec, ye ubangerec memibesonga. Yeng yoac dedzege amma imoc modackecde, faka imocngo fefeseri feengkefude.

Mitiyegec 84:11

Nocac Kebu Anutu ye wenac nga kaso. Ye wosoefac nga eweheihei anemmema ngicngac dindingac kecandae, yeni faka gombunga ayemmema wiac gombunga mong naric mi segereyemmeude.

Mitiyegec 85:12

Fora, Kebungo wiac gombunga nemmeu bangecninaac semeng uango semeng monggoc meficgeude.

Malecaki 3:6

“Ni Kebu ni kechayai siriha imocngoc yaguc kecduae imocac Yacakowac bangecfora ngeni mi kpac anggec.

Bangec kisiu 11:17

Nammagec ni mama gegoc yoac denegeng amba gearu Asu fede, Asu imocac noboha ifingoc yeneac witiu faibade. Ifi anu ngicngacareng yeneac ebic gegoc momoc tofohogec geng imoc tembucga monggoc mi tofohonade.

Bangec kisiu 11:25

Nanggec Kebungo hoeng manau mama Mosegoc yoac denegeng anoc. Amma yeac witiau Asu feec, imocac noboha ifingoc ngicenara sewenti yeneac witiu faiec. Fau witinginau taru yeni imohaingoc profeteyoac degec nga imocac ngadeau profeteyoac monggoc mi degec.

Bangec kisiu 23:19

Anutu ye bangecngic kpac, imocac ikoc mong naric mi anude. Ye bangecngicac medac mi ande, imocac ye monde mondeya mong mi fede. Yeng yoac mong dema faka imoc meude. Ye yoac dema ua imoc mesiude.

Mataio 7:11

Ngeni ngic fakangina manganagocngo sifu nambaracfocngina ubangerecac wiac gombunga yemmegecdeac negentegecdae. Imocac ngeni yofi negembisia, Kurumeng Mangnginango ngeneac faka gombunga imoc homac ferahaude. Ngeni yearu wiac monggac kpesigec yeng wiac gombunga torokpeu torokpe ngemmeude.

Ruka 11:13

Ngic ngeni mangana angandaengo sifu nambaracfocngina ubangerecac wiac gombunga yemmegecdeac negentegecdae. Imocac yofi negenggec, kurumeng Mangnginango fakangina gombunga imoc homac feraheu ngicngac Tiri Asuya yemmeudeac kpesimidae, yeni Tiri Asuya naric yemmeude.”

Yohane 1:9

Anu kperagi fora yombong, yeng bangecfu ngicngac sasawa mekperagiyemmebeso haudeac anec.

Yohane 3:27

Ifi degec Yohanengo yofi merengyemmeec, “Anutungo kurumennunac wiac mi miudeu ngicngo imoc naric mi meude.

Yohane 3:3

Ifi deu Yesungo yofi meremmiec, “Foracngoc, ngic mong ye fingec fingec gboria mi fingerude, yeng Anutuac eucerereng naric mi henude, imoc edeguduae.”

Yohane 8:12

Yesungo monggoc torokpema yoac yofi edeyunuec, “Ni bangectoa bangec imocac ngicngac ngeneac kperagi. Mong ye ni modacnude, yeng kundunggac sing mong mi modarude. Amma ye kekecac kperagi mekefude.”

Aposoro 11:18

Petorongo ifi dema edeyunuu yeni negemma ubangina kuha mau Anutu afehema yofi degec, “Foracngoc, Anutungo bangec monnunac ngicngac ubangina meremma kekecseriac fora megecdeac ifinoc ande.”

Aposoro 5:31

Yaru Anutungo meemma enaramemetoanina nga memengerecnina amma kasonina gununggeu foiau nande. Nga israengic ngeni ubangina dzigeneu kopocsicngina waudeac ifi anec.

Roma 6:23

Imoc yofiac, kopocsicac buma imoc homec megecde nga Anutuac wosoefac, imoc Kebunina Yesu Kristoac amma kekecseri buma kpac nemmebesande.

1 Korinti 4:7

Geac fakaga imoc siriha mong kpac, ge wiac sasawa mekecnec, imoc eng genggena mekecnec. Anu wiac imoc engsac genggec, imocac amma sebiga mi meembesena.

2 Korinti 4:6

Anutungo yofi deec, “Kundununac kperagi fingecna.” (Fing 1:3) Anutu yennoc ubaherenina mekperagikecde. Amma Kristo ye Anutuac kuc nga kibikperagia negentegecde, negen negentegec imocngo yeac kicmesuyaunac hama ubaherenina mekperagiude.

Efeso 1:18

Yeng ubaac kicngina mekperagiu wiac kurumennu ngeneac tomai fede, imoc negentegecbisia. Anutungo ngeni imoc mebesandaeac kpacngunuec. Wiac imoc kuc nga kibikperagiagoc wake wakea fede. Ye ngicngacfora kpetiac wiara imoc ngemmeudeac faiec fede.

Efeso 2:8

Imoc yofiac, ngeni Yesu negensinggegecac yeng danggunuha ngemmema kopocsicac ebicfunac mesingunuu komoc kpegecde. Nga imoc ngenang gombunggac kpac. Anutungo wosoefahaac amma wiac imoc ngemmeec.

Firipi 1:29

Ngeni Kristo meficgegecdeac areng yofi ngemme ngemmea fede: Ngeni ye negensinggema ifingoc yeac amma kpendzeng kpegecde.

1 Timoteo 6:16

Ye mocgungo dzonggo dzongoya kpac nga kperagia manau kecde. Nga kperagi imocac manau ngic mongngo naric mi enude, kpac. Amma kperagi imoc mongngo mi henec nga naric mi henude. Kuha nga eweheihei yearu feecngo fede nga nasoya kpac fekengkecbesande. Imoc fora.

Hebiraio 13:8

Yesu Kristo ye worang nga yaguc amma nasosoc siric mocgungoc kecengkefude nga kecbesande.

Yakobo 1:5

Anutungo pakeng dedea kpac songogoc kecma ngicngac wiac homac yemmekecde. Imocac ngeneac botucfunac ngic me ngac mongngo negen negentegecac kpedadanggeudeu ye Anutuaru numuma kpesimiu miude.

Yakobo 3:15

Negen negeng ifia imocac hania kurumennunac kpac, imoc ine bangecfunac nga uba eseaunac amma hadehade yeneac ua.

Yakobo 3:17

Negen negentegec wihacnac maande, imocngo hanahema negen negenga kpetiac faima monggoc ruae nga faka yumea meficgeude. Imohai ubaseri me ubagori me ikocyoac mong mi fede nga monde monde mi angande.

1 Yohane 1:5

Neni yearunac yoac yomoc negemma ngenearu yofi dekperagidimbe, Anutu ye kperagi nga yearu kundung mong mi fede.

1 Yohane 4:10

Nenang hanahema Anutu heresongogoc mi hoanggeing, kpac. Yeng ine nenang heresongogoc hoannunuma Medaha kopocsicninaac turung sacfusiango kpouudeac sueu maec. Imocngo songoac hania ande.

Yohaneac kpefing 21:23

Nga Anutuac kuc nga kibikperagiango taongtoa mekperagiec nga ramamedahango kperagia anec. Imocac amma taongtoa ye wenac me afokperagi uangira kpac, imohai monggoc mi mekperagiecde.

Yohaneac kpefing 22:5

Imohai tofocnac monggoc mi anude nga kifa me wenacac kperagi imoc yeni uangina kpac, nocac Kebu Anutungo mekperagiyunubesande. Nga ngicngac yeni ngictau ua megec nga mekecgec imocac nasoya wisic wisickea kpac.