Yakobo 1:14 - Deduamiti

¹⁴ Ngic tembuc tembuc yengenaac songongo ngic faitobannu faiyunuande amma yengena songongo ye wangecma ikoc negen negeng negemma faka hania hania meudeac songo meficgeude.

Yoak kekehagocac Dzadzahac gboria nga Mitiyegec

¹⁴ Ngic tembuc tembuc yengenaac songongo ngic faitobannu faiyunuande amma yengena songongo ye wangecma ikoc negen negeng negemma faka hania hania meudeac songo meficgeude.

Yakobo 1:14 ပူးပေါင်းရင်းမြစ်များ

Fingec fingec 3:6

Ifi deu ngac ye ic imoc henu nenea gombunga amma yeac kicfu siriha gombunga yombong anec. Anu ye yofi negenec, “Ni naric imoc nema negen negentegecgoc ambade.” Ifi negemma ye ic imocac gbomea mong mema nema ewea yegoc nanec ye ifingoc miu neec.

Fingec fingec 6:5

Kebungo bangecfu ngicngac yenenu yeni faka mangana homac meficgegec. Amma ubaherenginau negen negeng manganasac feu imocacsoc faka mangana nasosoc amma kecgec.

Fingec fingec 8:21

Anu Kebungo hosuc homung songeagoc imocnegemma negen negengau yofi negenec, “Bangecngicngac yenisebigboringinaunacngoc ubaherenginau negen negengnginangomangana negensima kecgecde. Ni yeneac amma bangec monggocmi soweckebade. Anu wiac kekecnginagoc sasawa yunuba homegec ifi isoc monggoc mi ambade.

Mataio 15:18

Nga wiac enacfusing ereande, imocngo ine ubahereunac erema ngic ubahere heidzadzu kpeude.

Mataio 15:20

Faka imocngo ngic ubahere heidzadzu kpeude. Nga ngeni maringina mi dzuacma yaka eng negecde, faka imocngo ine ngic ubahere naric mi heidzadzu kpeude.”

Mataio 4:1

Naso imohai Asungo Yesu wangecma mangana minginango ye tobanggeudeac bangeckisiu hesicke kenec.

Mataio 5:28

Neng ine yofi edengunuba, ngic mongngo ngac mong hemma hensongo ammiude, ye hereango serofaka bic andac.

Roma 7:11

Kopocsicngo dedeseriyoacfu singa meficgema ikocfu wangecnuma kpebucnuec.

Roma 7:13

Wiac gombunga, imocngo homecfu mi fainuec, kpac. Kopocsicac hania fingectegerudeac kopocsicngo ine homecfu fainuec. Nga kopocsicngo wiac gombunga mema imocngo nearu homec meficgeec. Ifi anu dedeseriyoacngo kopocsic heficgeu kopocsic ye wiac mangana yombong, imoc fingectegerec.

Efeso 4:22

Hensongongina manganango ubanegen negengngina esea memanganeec. Ngeni faka ifia warac modackecgec amma ngeni imoc wabisia.

Hebiraio 3:13

Mitikibingo “yaguc” ifi demanu ngeni uamemesoc ubaherengina midiemebisia. Kopocsicngo ngenearunac goa ikoc ayemmeu herengina dzegebauac ngeni ifi ambisia.

Yakobo 1:13

Kopocsicac faitobang ngic fingecmiu ye yofi mi debeso, “Anutungo faitobannu fainudac.” Imoc yofiac, wiac manganango Anutu naric mi memaude nga yeng ngic mong kopocsicac faitobannu ifingoc mi faiude, kpac.

Yakobo 1:15

Anu negensongo manganango kpenanggema medac mong meude, ye kpara kopocsic. Nga kopocsicngo hafoa yadiseri amma homec kpenanggema meude.