Yakobo 1:12 - Deduamiti

¹² Ngic mong faitobannu serima namma ebic tofohoude, ye kenehagoc. Nga ngicngac Anutu songo negemmiandae, yeni kekecac ira yemmeudeac deseriec. Ngic mong ye faitobannu heiserima kefude, ye imocnoc meude.

Yoak kekehagocac Dzadzahac gboria nga Mitiyegec

¹² Ngic mong faitobannu serima namma ebic tofohoude, ye kenehagoc. Nga ngicngac Anutu songo negemmiandae, yeni kekecac ira yemmeudeac deseriec. Ngic mong ye faitobannu heiserima kefude, ye imocnoc meude.

Yakobo 1:12 ပူးပေါင်းရင်းမြစ်များ

Fingec fingec 22:1

Wiac imoc wisickedaru Anutungo Awraham tobanggema yofi deec, “Awraham.” Ifi deu yeng yofi meremmiec, “Ni yomoc.”

Nehemia 1:5

Amma yofi deai, “Kebu kurumenggac Anutu, ge Anutu Engenatoa amma damudamugagoc. Ngicngac geac songo negemma dedeserigango modackecdae geac songoga nga dzadzahacgango yenearu fekecde.

Mitiyegec 11:5

Kebungo ngic dindingac fakangina tobanggeude. Nga yeng ngic Anutu ngadehema mangana megecdeac ayemmeande, yeneac faka momoc tobanggeude. Amma ngic yarefakaac songo negengandae, yeni ubango wayunuude.

Mitiyegec 119:67

Ni kpendzenga kpac kefai, imohai sing segema kengkefai. Nga yofinenggac geac yoac modacbade.

Mitiyegec 119:71

Ge ebic meficgenennec, imoc negemba ngereede. Ge ifi anna geac singyoac haniaac negen negeng mema arenggekecbade.

Mitiyegec 119:75

O Kebu, geac singyoac imoc dindingac nga gennoc yoac modac modac Kebu, imocac ebic meficgenennec, imoc negenduae.

Mitiyegec 5:11

Ngicngac hoanggau hama sufuma kecdae, yeni sogac sogai meficgeyemmema ubangerec ayemmena nasosoc ubangerecac yegec heikecma sogac sogaigoc kecbisia. Geng orongyunuma onggongyununa. Ge ifi anna ngicngac yeneng kpacgaac songo negemma geac negenggec engena anu sogaigecde.

Mitiyegec 94:12

O Kebu, ge ngic mong kopocsicac kpemeting amma dedeseriyoacga edekpou ammiannec, ngic imoc ye kenehagoc.

Makekeng 20:6

Nga mong ye heresongogoc hoannuma dedeseriyoacna tofohoudeu fingecsahe tauseng nga tauseng fingecenggecdesoc, yenigoc yoac dzegeai imoc modackecbade nga modacma kecbesandua.

Dzekarya 13:9

Nga ngicngac kpetengina kpadzi mocguacsoc, yeni silwa dzuacgecdeac gerecfu faigec dzeu seuha isinggeandae me gol tobanggegecdeac gerecfu faigec dzeu isinggeandae ifi isocngoc ngicngacfocna gerecfu yonohoma isingyunubesandua. Anu yeni kpacna kpacbesandae, yeni turunga merengyemmebesandua. Amma ngicngacfocna deyemmeba yeneng yofi debesandae, ‘Kebu ye anutunina.’ ” Kebu ye Anutunina.

Mataio 10:22

Nga neac kpacac amma ngicngac sasawa yeneng ubango ukungunugecde. Nga ngic mong ye seserigoc kecmanu nasotoa haude, yeng komoc kpebesande.

Mataio 25:34

Ifi amma ngictaungo ngicngac foiugeng yofi edeyunuude, ‘Ngicngac Mannaac kenecgoc, ngeni yei hagec. Ngeni amabangecyombongngina megec, imoc bicngoc bangec hanahema fingerecfunac ngeneac negemma faifaia.

Ruka 6:22

Nga ngicngac yeneng Ngicac Medacac amma ngeni ubango ukungunuma demanganengunuma ngadeau faingunuma kpac mangana kpacngunugecde, imoc ngeni kenecnginagoc.

Roma 5:4

Meseriu modzotitia kpac kecma seserigoc nannide nga eucererenggac fora fingecbesandeac negensinggema kecdimbe.

Roma 8:28

Anu yofi negendimbe, Anutungo arenga faima ngicngac negengyunuma kpacyunuu yeni yeac arengfora kecdae. Ngicngac heregoc yeac songo negengandae, yeni negengyunuma kekecnginau wiac sasawa dindingac arenggema meficyunuu ngereeyombonggeude.

1 Korinti 2:9

Imocac yofi oho ohoya fede, “Anutungo wiac kicngo mi hehena nga kedzacngo mi negen negena amma ngic hereau mi negen negenga, imoc arenggema ngicngac ye hoanggema heregoc yeac songo negenggecde, wiac imoc yeni yemmeude.”

1 Korinti 8:3

Nga mong ye Anutu heresongogoc hoanggedeu Anutungo ye negemmiude.

1 Korinti 9:25

Ngic ariacfu kpacngina faiandae, yeni sasawango sebingina hafoangoc efaiudeac arengegecde. Ngic yeneng dzaring dzangge dzanggea ubaheyemmegecdeac ifi anggecde. Nga nenang dzaring dzangge dzanggea kpac ubahenemmegecdeac sebinina hafoangoc garengemenide.

2 Timoteo 2:15

Anutuac hehenu ngereeudeac seserigoc kecma uaga mebesena. Amma yoac fora gbomea tongganang dena gamengo uangic geac witiu mi embeso.

2 Timoteo 4:8

Yaguc kekec dindingacac ira neac tomai faifaia fede. Amma Kebungo faka dindingac ising isingngic, yeng naso imohai ira imoc nenude. Nga imoc nisac mi nenude, kpac. Ngicngac sasawa yeni yeac haha nasoya fingectegerudeac songo negendae, yeng imoc ifingoc yemmeude.

Hebiraio 10:32

Ngeni hanahema Kebuac kperagia megec, naso imohai siduc gombunggac amma uatoa mema kpendzeng kpegec, imoc negensigec febeso.

Hebiraio 11:17

Anutungo Abrahang faitobannu faiu, yeng yoara negensinggema medaha faiu sesegereha ambeso anec. Nga Anutungo medac yeac warac yofi deec, “Isakaarusing geac bangecfocga yombong debesandae.” (Fing 21:12) Medaha mocgu imocnoc ye dzadzahacac areng kefec ye sifu mema sesegereha anudeac deec.

Hebiraio 12:5

Nga Kebungo medacfora meseringunuudeac yofi edengunude, ngeni imoc naric mi nigecngunubeso. “Medacna, Kebungo gumeting anggenu ge imoc mi ngadehebesena nga yeng yoac seria deu ubaga mi mabeso.

Hebiraio 6:15

Anu Abarahang ye naso hereangoc tomai kefec. Amma ubea kuha mi mamanu Anutungo wiac miudeac deec, imocac fora fingeru henec.

Yakobo 2:5

Songo tosofocna, ngeni kedzac kpema negenggec, ngicngac bangectoa bangec yomohai makpekpea kecdae, yeni negen negensinggoc kuneng anggecde amma eucererenggac mingina ambesandae, Anutungo ifi negemma meisingyunuec. Ngicngac heregoc Anutuac songo negengandae, imoc yeneac anudeac deyemmeec.

Yakobo 5:11

Ngicngac modzotitia kpac kecgec, yeneac negenni kenehagoc anec nga ngeni Yopac yoac bic negenggec. Ye ebicfu serima kefecac amma Kebungo yearu faka gombunga meec. Kebungo ubamangang kuneng nga wosoefactoagoc fakaya anemmeude.

1 Petoro 3:14

Amma yeni dindingac kekecnginaac amma kpendzennu faingunugecdeu, imoc ngeni kenecnginagoc. Ngeni yeneac damu nga kengec mi ambisia. (Yes 8:12)

1 Petoro 4:13

Nga ifi fingecngemmeu imohai ngeni Kristogoc torokpema kpendzeng kpema imocac sirihau sogaibisia. Ifi anggec yeng kecma kuc kibikperagiagoc fingectegerude, imohai ngeneac sogac sogaitoa fingecbesande.

1 Petoro 4:14

Nga ngicngac yeneng Yesuac kpacac amma demanganengunuma defagoc angemmegecdeu ngeni kenecnginagoc, nocac yeni ifi angemmegec Anutuac Asu kuc nga kibikperagiagoc, yeng ngeneac witiu tarude.

1 Petoro 5:10

Anutu danggunuc mingina, yeac kuc kibikperagiango fefeseri fede nga yeng ngeni ihai Yesu Kristogoc kecgecdeac kpacngunuec. Nga ngeni kpendzennu naso wegenanec kecekemmagec, yengenaoc mengerengunuma nonggo tacngemmeu seria nanggecde.

1 Petoro 5:4

Ifi kecmagec gareng yadango fingectegecma yeng irangina kuc kibikperagiagoc dzame dzamea kpac ngemmebesande.

1 Yohane 4:19

Anutungo hanahemangoc nenang heresongogoc hoannunuec, imocac amma heresongogoc kecdimbe.

Yohaneac kpefing 2:10

Ge kpendzeng kpenadeac kengec mi ambesena. Mangana mingina yeng faitobannu faingunuudeac negemma ngenearunac goa witicamau faingunuu ngeni uameme 10gac manau ubahodunggoc kecgecde. Goa ngunuhomegecde isoc geng ine yoacdedena modacma seria kecmana kekecac ira gembesandua.”

Yohaneac kpefing 3:19

‘Neng ngicngac damoc ngeneac songo negengngemmeanduae, ngeni demeting nga ngunumengere angemmeanduae. Imocac serima ubaga merembesena.

Yohaneac kpefing 3:21

‘Ngic firang ande, ni emba Mannagoc yeac tatacfu tacandipe, ifi isoc firang andemoc neng ngictau tatacfu tatacna miba nerahafoc tacbesandipe.