Yakobo 1:1 - Deduamiti

¹ Ni Yakobo Anutu nga Kebu Yesu Kristo yereac wanacngic kecma kibi yomoc ohoma Isracel kisic 12 bangeha bangeha singsararang kpema kecdae, wenacngerecna ngenearu faiba hade.

Yoak kekehagocac Dzadzahac gboria nga Mitiyegec

¹ Ni Yakobo Anutu nga Kebu Yesu Kristo yereac wanacngic kecma kibi yomoc ohoma Israe kisic 12 bangeha bangeha singsararang kpema kecdae, wenacngerecna ngenearu faiba hade.

Yakobo 1:1 ပူးပေါင်းရင်းမြစ်များ

Esta 3:8

Anu Hamangngo ngictau Dzeksiac deec, “Ngicngac goa haifakangina siriha mong yeneng geac eucererenggac bageu Prowins sasawau kecdae, yeni nenanggoc kpeketahema mi kekec agac kecdae. Nga ngictau geac singyoac mi modacdaeac amma nenanggoc kecgec mi ngereeude.

Makekeng 24:4

Ifi degec Mose ye Kebuac yoac sasawa ohodarec. Ohodacma ama werec wereckenggac yacma tiki haniau kemma arata mong mema Isracelac kisicngina twelf yeneac kpete imocacsoc hoc twelfngoc gunungyunuu nanggec.

Makekeng 28:21

Nga hoc imoc Isracel medacfora twelf yeneac kpacnginasoc mendzicbesonga. Amma twelf anggec hoc tembuc tembucfu kisicfocngina twelf yeneac kpacngina sasawa minginaac kpac hocfu mendzicyunubesena. Hocfu kibi mendzicma kpacngina imocngo meseriandae, ifi fingecma tembuc tembuc tackembeso.

Makekeng 39:14

Hoc buma kuneng imoc Isracel kisicfora twelf yeneac kpacngina tembuc tembuc modacma faigec. Nga hoc tembuc tembucfu kpacngina tembuc tembuc mendzicgec, imoc onga mendzicma imocngo kpac meseriandae, ifi isoc mendzicgec.

Mataio 10:3

Firipo nga Batoromaio nga Toma amma takesimemengic Mataio, Yakobo Arifaioac medac nga Tadaio

Mataio 13:55

Ye amamemengic yeac medacnoc. Nga nonggea kpara Maria amma ye Yakobo nga Yosec nga Simong amma Yuda yeneac dacngina.

Mataio 19:28

ifi deu Yesungo yofi edeec, “Foracngoc, kecma wiac sasawa gboria fingerude, naso imohai Ngicac Medacngo kurumenggac kuc nga kibikperagiaac ngictautatahau tarude. Nga ngic modacnuandae, ngeni ifingoc ngictautatac 12 imohai tacma Israeac kisic 12, yeneac fakangina isinggema desibesandae.

Mareko 3:18

Nga Anderea amma Firipo nga Batoromaio amma Mataio nga Toma amma Yakobo, imoc Arifaioac medac nga Tadaio amma Simong Kananaio nga Yuda Karioto amaunac, yeng kecma Yesu kerereu megec.

Ruka 22:30

Kecma ngeni eucererennau yaka nga doku nema tacgecde. Amma ngeni ifingoc ngictautatac mema Isracel kisic 12 yeneac fakangina isinggema desibesandae.

Ruka 6:15

Mataio nga Toma amma Arifaioac medac Yakobo nga Simong, yeac kpara mong Dzerote.

Yohane 12:26

Nga ngic mong ye kingang kpekpena ambeso negendeu ye ni modacnubeso. Nga ni kecbade, ye imohai ifingoc nigoc kefude. Nga ngic mong ye neac kingang kpeudeu, Mannango ye seseheude.”

Yohane 7:35

Ifi deu yudangic yenaocngoc denegeng amma degec, “Ngic yomoc ye dahai kenu hofocma mi hennideac dede. Ye arengfocnina grik bangecfu sinsararang kpema kecdae, ihai gedang kemma grikngicngac yoac edekpou ayemmeude.

Aposoro 1:13

Yerusalennu kemma ama tacyac angkecgec, imohai emma tacgec. Tacgec, yeneac kpac yofi: Petoro nga Yohane amma Yakobo, Anderea nga Firipo amma Toma, Batoromaio nga Mataio amma Yakobo Arifaioac medac, Simong Dzerote nga Yuda Yakoboac medac.

Aposoro 12:17

Kpidohogec yeng maribarac tuema deracyunudacma Kebungo witicamaunac yungeru maec, imocac yoacsiduc ayemmema deec, “Ngeni siducna yomoc Yakobo nga negen negensinggoc tosofocnina edeyunugec.” Ifi dema meickema monnu kenec.

Aposoro 15:13

Siduc meyemmeec wisickeu Yakobongo yoac yofi edeyunuec, “Tosofocna, deba negenggec,

Aposoro 15:21

Yeni Moseac yoac bic negendae. Nga imoc esea bicngoc yuda yeneng hanahema taonsoc osohakecgec. Amma imoc yofinenggac ifingoc sabata tatac nasoyau kpekpeturang amanginasoc osonegeng angandae.”

Aposoro 15:23

Amma yoackibi mong yofi dema ohoma yemmegec kenggec, “Neni tosofocngina aposoro nga enarango bangec monggac habuunac tosofocnina Antiokia nga Siria amma Kirikia bangecfu kecdae, ngenearu yoackibi yoc faingemmedimbe.

Aposoro 2:5

Anu yudangic homac bangec noboc nobocnac hahayango Yerusaleng taonnu tacgec, yeni Anutuac yoac modacma kecgec.

Aposoro 21:18

Nga wereckengau Paurongo Yakoboac amau hesicnunuu ening. Emma tacmina kpebung yeneac enara yeni hagec.

Aposoro 23:26

“Kraudio Risia neng Ngictau Feriki geac kibi yomoc ohoduae. Wenacngerec.

Aposoro 26:7

Isracel kisi 12 yeni hadzing tofocnac nasoya kpac Anutungo wiac deseriyemmeec, imoc fingecdacbesandeac negensinggema Anutu afehema kecdae. O ngictau Agripa, imocac hania imoc nenahafoc negensinggemaguc yudangic yeneng yoacfu fainudau.

Aposoro 8:1

So, naso imohaingoc Yerusalennu kpebung kecgec, yeni hanahema yunukporac ayemmegec. Ayemmegec ticpac tehema Yudaia nga Samaria bangectoau kendacgec aposoro yeneng ine tacgec.

Roma 1:1

Ni Paurongo kibi yoc ohoma Roma kpebung ngenearu faiduae. Yesu Kristo ye minginna nga ni yeac wanacngic. Yeng kpacnuma segerenuu aposoro ua mema Anutuac siduc gombung dekperagibadeac denenec.

Garata 1:19

Amma imohai kecma aposoro mong mi yenenai. Ni Kebuac munea Yakobosac henai.

Garata 2:12

Yakoboarunac areng goa mi hamagec ye bangec monnunac ngicngac yenigoc yaka nekefec. Nga ngic sebi tosangina herec herecgea arengfora goa hasikegec, imohai ye kengec amma bangec monnunac ngic wayunuma yenigoc monggoc mi tarec.

Garata 2:9

Anu kpebunggac ngic wotunga degec, Yakobo nga Kefa amma Yohane, yeni Anutuac danggunuc fenenec, imoc hentegecma yeni ni nga Banaba nerigoc uba mocgu amma marinira mema yofi degec, “Ngeri bangec monnunac ngicngac Anutu mi negemmidae, yenearu siduc gombung dekperagibesera nga neneng ngic sebi tosangina herec herecgea, yenearu siduc gombung dekperaginide.”

Firipi 1:1

Yesu Kristoac wanacngic Pauro nga Timoteo, nereng kibi yomoc faidipe, imoc Firipi taonnu kpetiac areng sasawa nga kpebunggac enarafocngina amma kpebunggac memefic ngicngacfocngina Yesu Kristogoc kpeketahema kecdae, ngenearu hade.

2 Timoteo 4:21

Nga geng naso mong mi ukuma nomannaso mi ammanu bic habesena. Euburongo wenacngerec degende amma Pudeng nga Rino amma Kraudia nga nengen negensinggoc tosofocnina sasawa, yeneng ifingoc wenacngerecngina gearu faigec hade.

Tito 1:1

Ni Pauro, Anutuac wanacngic nga Yesu Kristoac aposoro. Anutuac meisingfora yeni yeac faka nga sing fora negensinggema negentegecgecdeac fainuec.

1 Petoro 1:1

Ni Petoro, Yesu Kristoac aposorongo meisingfora Ponto nga Garatia amma Kapadokia nga Asia amma Bitinia bangectoau israengicngac singsararang kpema kuric kecdae, ngeneac kibi yomoc ohoduae.

2 Petoro 1:1

Ni Simong Petoro, Yesu Kristoac wanacngic nga aposorongo kibi yomoc ohoduae. Nenang Anutu nga memengerecnina Yesu Kristo, yeri dindingac, imocac amma ngeni nigoc negen negensinggac nadunga mocgu meficgenemmeoc. Imoc wiac engena yombong. Kibi yomoc ngenearu kende.

Yuda 1:1

Ni Yuda, Yesu Kristoac wanacngic nga Yakoboac munea. Anutu Manggacngo ngicngac kpacngunuma heresongogoc hoangngunuande, ngeni seria nanggecdeac Yesu Kristongo garengngunuma kecde, ngenearu kibi yomoc hade.

Yohaneac kpefing 7:4

Anu ngicngac mesunginau kibigoc, yeneac kpetengina 144 tauseng degec negenai. Kibinginagoc imoc yeni Isracel medacforaac habuareng 12, yenearunac sasawa.