Tito 2:6 - Deduamiti

⁶ Ge sebigbori ngic ifingoc garengemegecdeac negen negengngina midima edeyunubesena.

Yoak kekehagocac Dzadzahac gboria nga Mitiyegec

⁶ Ge sebigbori ngic ifingoc garengemegecdeac negen negengngina midima edeyunubesena.

Tito 2:6 ပူးပေါင်းရင်းမြစ်များ

Mitiyegec 148:12

sebigbori medac nga naroang momoc, ngicngac kpengeng nga nambarac,

Yoele 2:28

“Anu imocac ngadeu, Ni Asuna ngicngac sasawa yenearu kpakebade. Kpakeba naroangmedacfocngina yeneng profeteyoac degecde nga ngickpengeng yeneng gaukpefing henggecde amma sebigborifocngina yeneng onga henggecde.

1 Tesaronike 5:6

Imocac goa gau feandae, ifi isoc gau mi febisina, nenang ine ubagbori kecma sebiac songo wadacma garengemebisina.

1 Timoteo 5:1

Ge ngic yada mong yoac edebesonga dema kucgoc nga gereagoc mi ammima ubea midima mangga yoac edeannec, ifi isoc yoac edebesena. Nga medacgbosing yeni dacmunafocga yeneac ubangina midima angannec, ifi isoc ayemmebesena.

1 Petoro 5:5

Sebigbori ngeni ifingoc yadafocngina yeneac bageu memaemema kecbisia. Amma ngeni sasawa fakangina yumeau angemema kecma imoc wamba isoc heigec kemebeso. Imoc yofiac, “Anutungo ngicngac sebiengeng kecdae, yeni wayunuma memayunuude nga memaemema kecdae, yeni danggunuha yemmeude.” (Yneg 3:34)

1 Yohane 2:13

Hanac hanaheaunacngoc kefec nga kecde, manggac ngeni ye bic negemmigecac amma kibi yomoc ohongemmeduae. Nga sebigbori ngic, ngeni mangana mingina bic ferahegecac amma kibi yomoc ohongemmeduae.