Tito 1:6 - Deduamiti

⁶ Ngic mongngo dindingac kecma ngac mocguac ewea kecbeso. Ye nambaracfora negen negensingnginagoc kecdae amma yoackpekpe me ihoc bahoc kekec, yoacsiducngina ifia mong mi febeso. Ngic ifia yeng enara naric anude.

Yoak kekehagocac Dzadzahac gboria nga Mitiyegec

⁶ Ngic mongngo dindingac kecma ngac mocguac ewea kecbeso. Ye nambaracfora negen negensingnginagoc kecdae amma yoackpekpe me ihoc bahoc kekec, yoacsiducngina ifia mong mi febeso. Ngic ifia yeng enara naric anude.

Tito 1:6 ပူးပေါင်းရင်းမြစ်များ

Fingec fingec 18:19

Anu yeac esamedacfora nga yeneac esamedacfocngina yeni neac sing modacgecdeac ye imoc edeyunuudeac meisinggeai. Yeni faka dindingac modacma yoacfu faka fora angkecgecdeu ni Awraham yeac wiac deserimiai imocac fora sasawa meficgeyemmebade.”

Malecaki 2:15

Anu Kebungo ngacgoc meturangnguruu mocgu bic anoc, i. Ye ifi anecac ngeri asu nga sebi mocgu anoc. Amma ngeri yeac nambaracfora kpeficyunuecdeac yeng meturangnguruu mocgu anoc. Imocac asuu garengemema enengga sebigbori kecma menec amma dedeseri denec imoc mi kpebesena.”

Ruka 1:5

Yuda bangecac ngictau Herode yeac nasou Abia ua arennunac womonggareng mong kefec, kpara Dzekaria. Yeac enema kpara Erisabete ye Aronggac fingecsahe, imohacnac.

Efeso 5:18

Ngeni waingdoku seria nema ubasufu mi ambisia. Imocngo kekecngina memanganeude. Asungo ine ubanginau wakebeso.

1 Tesaronike 5:14

Negen negensinggoc tosofocnina, neni gorongina kpema yofi edengunudimbe, ngicngac ua wama sicsauha kecdae, ngeni yeni nono edeyunubisia. Nga ubangina mamea kecdae, ngeni demeseri ayemmebisia amma ngicngac goa sebiugeng hafei nga kucmama kecdae, ngeni yeni meficyunubisia. Ifi amma modzotitia kpac yumeau ebicngina tofohobisia.

1 Timoteo 1:9

Ge yofi negembesena, dedeseriyoac imoc ngic dindingac kecdae, yeneac negemma mi faifaia. Imoc ine areng yofia yeneac amma faifaia, ngicngac singyoac ngadehema ihoc bahoc amma Anutu ngadehema kecdae. Yeni kopocsic meficgema kpetiac kekec mi negensima bangecac wiacac songongina anude. Yeni nonggomangfocngina yunukpebuc amma ngicngac yunuhomeandae.

1 Timoteo 3:12

Nga kpebunggac enac tofoc tofoho ngic ye ngac mocgusacac ngic kecbeso. Ye yengena enemmedacfora nga goa yegoc kecdae, imoc gombunga garengyunubeso.

Tito 1:10

Ngicenarafocnginaac bageu kekec waandae, ngic ifia homacngo kecdae. Yeni yoackpekpe amma yoac onea deandae amma ngicngac ogofocngina ikocfu wangecyunuandae. Nga ngic sebi tosangina herecgegec, yenennoc faka ifia angkecdae.