Tito 1:2 - Deduamiti

² Yoac imocngo kekecseri meficgeude, imoc negensinggedimbe. Anutu memengerecnina yearu ikoc mong mi fede, yeng hanac hanaheaunacngoc kekecseri menideac enarango deseriec.

Yoak kekehagocac Dzadzahac gboria nga Mitiyegec

² Yoac imocngo kekecseri meficgeude, imoc negensinggedimbe. Anutu memengerecnina yearu ikoc mong mi fede, yeng hanac hanaheaunacngoc kekecseri menideac enarango deseriec.

Tito 1:2 ပူးပေါင်းရင်းမြစ်များ

Bangec kisiu 23:19

Anutu ye bangecngic kpac, imocac ikoc mong naric mi anude. Ye bangecngicac medac mi ande, imocac ye monde mondeya mong mi fede. Yeng yoac mong dema faka imoc meude. Ye yoac dema ua imoc mesiude.

Mataio 25:34

Ifi amma ngictaungo ngicngac foiugeng yofi edeyunuude, ‘Ngicngac Mannaac kenecgoc, ngeni yei hagec. Ngeni amabangecyombongngina megec, imoc bicngoc bangec hanahema fingerecfunac ngeneac negemma faifaia.

Mataio 25:46

Nga yeneng kopocsicac turunga kpendzeng nasoya kpac kpekecbesandaeac kenggecde. Nga areng dindingac yeneng kekecseriu enggecde.”

Mareko 10:17

Yesungo kembesonga kemmanu ngic mongngo yearu nedzikemma yeac kicfu fafoc heima kpesimiec, “Kpoukpou gombunga, ni dafi amba kekecseri imoc neac ambesande?”

Mareko 10:30

yeng turunga mi obohoude. Amma ye wiac wadac, imocac turunga naso 100 monggoc meude. Ngicngac yeni naso yomohai ama nga daramuna amma nonggonasia nga nambaracfora amma amaua migecde, imoc sisic ammima kpekporac ammimagec mekefude. Nga ngade bangec siriha mong haude, imohai Kebungo kekecseri ifingoc mibesande.

Yohane 10:28

Modacnugec kekecseri yemmeba yeni wiac mongngo naric mi memanganeyunuude. Nga ngic mongngo marinaunac naric mi mesiyunuude nga mesiyunubesande.

Yohane 17:2

Geng bangecngicngac sasawa yeac kuc bageau faiyununec. Nga yeac areng denec yeng kekecseri yemmeudeac yeni yeac bageau kecgecdeac uayoac nga kuc ye minec.

Yohane 17:24

Manggac, bangec nga kurumeng mi fingecmaec ge bic heresongogoc hoannuma kuc nga kibikperagi nennec. Nga ngicngacfocna nennec, yeni neac kuc kibikperagiagoc imoc henggecdeac neng kecbade, imohaingoc nenahafoc kecbesandimbeac anende.

Yohane 5:39

Mitikibingo kekecseri meficgengemmebesande, ngeni ifi negensinggema kibi imoc osonegeng angkecdae. Kibi imocngonoc neac hepuc amma neac hania dekperagiude.

Yohane 6:54

Imoc yofiac, neac fusi, imocngo yaka fora nga neac sac, imocngo doku fora, imocac amma ngic mong ye sacfusina neude, yeng kekecserigoc anu neng naso wisic wisickeau ye megboribesandua.

Yohane 6:68

Ifi deu Simong Petorongo yofi meremmiec, “Kebu, gearu kekecseriac yoac fora fedeac neni ngic monggaru naric mi kennide.

Aposoro 15:18

Kebu ye bicngoc yoac ifia deereecngo dedenoc.

Roma 1:2

Yeng siduc gombung imocnoc warac profete yenearu yoac dedzege amma habesandeac deu yeneng imoc mitikibi kpetiacfu ohogec fede.

Roma 16:25

Nenang sasawango Anutu kpackuneng minide. Ni Yesu Kristoac dekperagingemmema siduc gombung edengunuai. Anutungo imohainoc meseringunuu seria nanggecdeac yearu kuc ifia femide. Anu yoac imoc warac hanac hanaheaunacngoc sufu sufuu feerekefec.

Roma 2:7

Mong ye mamangkima faka gombunga mekecma kurumenggac kuc kibikperagiagoc nga eweheihei amma kekecseri meudeac ammiu uatoa mekecde, Anutungo ye kekec wisic wisickea kpac miude nga mibesande.

Roma 5:2

Yeng sing meficgenemmeu Anutuac danggunuc manau yofinenggac kecdimbe. Nga Anutuac kuc kibikperagiagoc ngade fingecnemmebesande, imoc wiac engena, ifi negemma sogaima kecdimbe.

Roma 5:21

Imoc yofiac, kopocsicngo homec meficgema yenenggareng anec, ifi isocngoc danggunucngo garennina anu Anutungo Kebunina Yesu Kristoac amma dindingac denemmema kekec wisic wisickea kpac nemmebesande.

Roma 5:4

Meseriu modzotitia kpac kecma seserigoc nannide nga eucererenggac fora fingecbesandeac negensinggema kecdimbe.

Roma 6:23

Imoc yofiac, kopocsicac buma imoc homec megecde nga Anutuac wosoefac, imoc Kebunina Yesu Kristoac amma kekecseri buma kpac nemmebesande.

Kolosai 1:27

Anutungo yoac sufu sufuya feec, imoc kpetiac areng ngenearu dekperagiudeac negenec. Yoac sufu sufuya yofi feec, yeng bangec monnunac ngicngac, yenearu kuc nga kibikperagi homacngoc edzacyunuude. Imoc yofi, Kristongo ubaherenginau kecde nga yeac uaac amma Anutungo kurumennu ngeneac kuc nga kibikperagi faiu tomaingina fede.

1 Tesaronike 2:15

Yenennoc Yesu nga profete yunuhomegec nga yeneng ifingoc nunukporac anemmegec. Bangec monnunac ngicngac yeneng komoc kpegecdeac neni Anutuac yoac edeyunuandimbe. Anu yeni imoc mi anggecdeac yudangic yeni uanina kpetarima ngicngac sasawa ngadeyunuandae. Anutungo imoc hemma negenu mi ngereeande, yeni nasosoc kopocsicngina torokpeu torokpe kecdae. Yudangic yeneng ifi anggec yeng imocac turunga wisic wisickeau yemmeec.

1 Tesaronike 5:8

Anu nenang wenacac arengfora. Imocac amma sebiac songo wadacma garengemebisina. Negen negensing nga heresongogoc hoangemekekec, imocngo marikunina ambeso nga kecma komoc kpebesandimbeac negensidimbe, imocngo aieng opocnina anu heima nambisina.

1 Timoteo 6:12

Negen negensinnu magubacac dzikac gombunga kpema nedzibesena. Amma uatoa mema nedzima kekecseriu hasikebesannec. Imoc menadeac Anutungo kpacguec. Amma sing gombunga imoc modacbeso annec, imoc warac ngicngac yeneac kicfu deficgena hepuc anggenggec.

1 Timoteo 6:19

Yeni ifi mekecma kekecngina ngade haude, imohai dzofinacngina tohong kpema tatac gombunga mengeregecde. Mengerema kekec forau hasikebesandae.

2 Timoteo 1:1

Ni Pauro Anutungo negennenu Yesu Kristoac aposoro anai. Nga Yesu Kristoaru kpeketahema yearunac kekec menide, yoac dedzege imoc dekperagiyemmebadeac suenuec.

2 Timoteo 1:9

Nga komoc kpenideac negemma ebicfunac mesinunuma kpetiac kecnideac Anutungo kpacnunuec. Nenang faka gombunga aninggac ifi mi anec, kpac. Ye yengenaoc arenga negenu feec, imoc bicngoc yombong bangec nga kurumeng mi fingecmaec Yesu Kristoac gombunggac amma wosoefac anemmeec.

2 Timoteo 2:10

Yesu Kristongo meisingfora ebicfunac mesiyunuu yeneng ifingoc komoc kpema kekecseriac kibikperagia megecdeac ni kpendzeng sasawa naric kpema serima namma imoc tofohoduae.

2 Timoteo 2:13

Amma dedeserinina wama mi modacnideu yeng sifu dedeseria modacmangoc kefude, nocac ye monde mondea kpac.

2 Timoteo 2:15

Anutuac hehenu ngereeudeac seserigoc kecma uaga mebesena. Amma yoac fora gbomea tongganang dena gamengo uangic geac witiu mi embeso.

Tito 2:7

Amma wiac sasawau geanggaoc angammemega gombungangoc kecma sirihau anna modacgubisia. Ge kpoukpouga mekecma eweheiheiagoc kecma yoac fora kpouyemmena.

Tito 3:7

Kpakenemmema wosoefahaac amma dindingac denemmeu kecdimbe. Amma eucererengau emma kekec wisic wisickea kpac, imoc mebesandimbeac negensima tomai kecdimbe.

1 Yohane 2:25

Medac ye yengenaoc kekecserinoc nemmeudeac deserinemmeec.

1 Yohane 5:20

Anu nenang yoac fora Mingina negemminideac Medahango hama negen negentegec nemmeec, imoc negendimbe. Amma Anutu yoac fora mingina, yeac heremanau nga Medaha Yesu Kristo, yeac heremanau momoc kecdimbe. Yennoc Anutu fora amma kekecseri.

Yuda 1:21

Anutuac heresongou kecgecdeac ua mekecbisia. Nga ifi kecmagec Kebunina Yesu Kristongo ubamangang angemmema kekec wisic wisickea kpac ngemmeudeac tomai kecbisia.

Yohaneac kpefing 13:8

Ifi migec ngicngac sasawa bangecfu kecdae, yeneng wasaipusi numumigecde amma ramamedaha kpebucgegec, yeac kekecac kibiu ngicngac kpacngina bangec meficmeficgeaunac mi fede, yeneng wasaipusi numumigecde.

Yohaneac kpefing 17:8

Ge wasaiyang henna ye bicngoc kefec nga yaguc mi kecde. Ye teng buya kpac imohacnac erebeso ande nga ye manganedacma kpac anudeac kenude. Anu ngicngac bangecfu kecgec kpacngina bangec hanac hanaheaunac kekecac kibiu oho ohoya mi fede, yeni wasaiyang bicngoc kefec nga yaguc mi kecma haude, imocac amma yeni hemma kpidohogecde.