Tito 1:11 - Deduamiti

¹¹ Ngic ifia yeneac enac medzickebesonga. Yenennoc dzofinactoa ikocfu meficgegecdeac yoac dedesifucgoc edekpou ayemmegecde. Ayemmegec ama areng goa hafoangoc tohoma manganegecde.

Yoak kekehagocac Dzadzahac gboria nga Mitiyegec

¹¹ Ngic ifia yeneac enac medzickebesonga. Yenennoc dzofinactoa ikocfu meficgegecdeac yoac dedesifucgoc edekpou ayemmegecde. Ayemmegec ama areng goa hafoangoc tohoma manganegecde.

Tito 1:11 ပူးပေါင်းရင်းမြစ်များ

Mitiyegec 107:42

Ngicngac ikoc nga hamangecngina kpac kecandae, yeneng imoc hemma ubangerec negenggecde. Nga ngic Anutu ngadehema mangana megecdeac ayemmeande, yeneng ine yoacngina waickegecde.

Mitiyegec 63:11

Ngictaungo Anutuac sogaiu ngicngac sasawa yeac kpacfu dedeseri deandae, yeneng yeac negenggec engena angande. Ikocngic yeneac enac ine fitec kpegecde.

Mika 3:11

Ammanu enara ngeni ngicngac yeneac desidesi ua gombunga megecdeac dzongo kererengunuandae amma womonggareng ngeni bummengunugecdeac dederecge ayemmeandae nga profete ngeni hiedzo ngemmegecdeac negemma wiac ngade fingerudeac edeyunukecdae. Ifi ammaguc ineKebuacmemeficarugeng fima yofi deandae, “Kebungo nenang botucfu kecmanu ebicngo naric mi hanemmebesande.”

Mika 3:5

Kebungo yofi dede: “Profete yeni ngicngacfocna ikocfu wangecyunuandae amma mongngo semeng gumecyunude, yeac witiu ruae dekperagiandae. Nga mongngo imoc mi anudeu ine yare fingecyemmeudeac dekengec ayemmeandae.

Mataio 23:13

Mitiac negen negengngic nga farisaio, ngeni kurumeng eucererenggac nagu kpebung yeneac kicnginau heiandae. Ngeneng imohai enggecdeac segeandae nga kpebung yeneng embesonga ammagec kpae ifingoc heiyemmekecdae. Ngeni ikocfakangina ifia mekecdaeac ngeni sowecnginagoc.

Ruka 20:40

Anu imocac ngadeau yeni kengecyunuu mongngo kpesi kpesi monggoc mi kpesimigec.

Yohane 10:12

Nga ngic mong ye yagura kemma ngic monggac ramagareng kecde, yeng rama yeneac mingingngina mi amma kecmanu katekasi hau ine hengkpatema woraude. Worau katekasingo rama yininegiric ayemmeude.

Roma 3:19

Neni yofi negendimbe, dedeseriyoac imocngo ngicngac dedeseriyoacac bageau kecdae, imoc yeneac enacngina medzickeudeac nga bangeha bangeha ngicngac sasawa yeni Anutuarunac turunga megecdeac amma yoara dede.

2 Korinti 11:10

Nga Kristoac yoac forau kecduaeac ngicngac Akaia bangecfu kecdae, yeneng dedengerecna imoc naric mi meickegecde.

1 Timoteo 5:13

Amma yeni oyong kecma amayuguc kengkecgecde. Nga imocsac kpac, yeni ifingoc yoac gubekisang amma kpounec nga yoac goa yeneac wiac me dedeacsoc mi ammanu imoc sifu degecde.

1 Timoteo 5:4

Anu ngachotsec mong ewea homemea ye nambaracforagoc me esaforagoc kefudeu yenaoc ine warac warac nongoatangina henggareng ammigecdeac ua mebisia. Yeneng ifi amma nonggomangfocnginaac turung kpouyemmebisia. Faka imocngo Anutuac kicfu ngereeude.

1 Timoteo 6:5

Ngicngac ifia yeni negen negengngina fonggou ngaba wisic wisickea kpac angemeandae. Yoac fora imoc ubanginaunac bic meic meickea, monggoc mi fede. Yeni dzofinac meficgegecdeacsac Anutuac faka nga sing modacbesonga negensidae.

2 Timoteo 2:18

Yereng yoac fora wama sing segema deandape, “Homecfunac gborima yacyac, imoc bic fingerec.” ifi dema ngicngac goa yeneac negen negensingngina memanganeecde.

2 Timoteo 3:6

Yenearunac ngic goango gombunga siric kemma amayuguc amma ngac goa yoacfu yukpe kecdae, yeni metai ayemmeandae. Ngac ifia yeni yukpe yukpe fakangina amma songongina hania hania modackecgec kopocsicngina ebiriude.

Tito 1:7

Imoc yofiac, kpebunggac enara ye Anutuac wiac garenggeude, imocac yeng ngic soronga kecbeso. Nga ye yengenaac negenu engena mi ambeso. Amma ye ngic gerea mi ambeso. Ye waing doku nema ubasufu ngic anu mi ngereeude. Ye yarengic mi ambeso amma kichodung faka mi mekecbeso.

Tito 1:9

Nga yoac fora edekpou aning, yoac imoc seria mekecbeso. Ifi amma ngicngac sing dindingac kpouyemmema ubangina midiude. Nga yoacnina kpeandae, yeneac yoac negen negentegecgoc merengyemmeu kucngina mabeso.

Tito 3:10

Gurunegic ngic mongngo hau naso mocgu nonoyoac edena mi negenu edena atac yohockang ambeso nga yoacga mi negenudeu wana tembuha kecbeso.