Ruti 2:12 - Deduamiti

¹² Wiac sasawa andacnec imocac turunga Kebungo ubangerec kpegembeso. Ge Kebunina Isracelac Anutu yeac kpegang bageau sufunadeac hanec, imocac yeng turunga sasawa kpougembeso.”

Ruti 2:12 ပူးပေါင်းရင်းမြစ်များ

Mitiyegec 17:8

Ge geangga kicga garenggeannec, ge ifi isoc ni garennuma kpeganggaac debannu fainuma mesufununa.

Mitiyegec 19:11

Dederecgeyoacgango kingang ngicga goroya kpeu ye imoc modackefu, imocngo ubangerec wiac engena miude.

Mitiyegec 36:7

O Anutu, geng yoac dedzege amma imoc modackecnec, fakaga imoc wiac engena yombong. Neni, ngicngac yeneac nambaracfocnginango, geac hoannu hadacma kpegangga marabeau sufuma kecnide.

Mitiyegec 57:1

O Anutu, ge neac ubaga manganeu. Ubaonganagoc geac hoannu sufuduaeac amma ge neac ubamangang negenna. Ni geac kpeganggaac debannu sufuma kecbare kiafirang mangana kpac andacbeso.

Mitiyegec 58:11

ngicngac yeneng degecde, “Foracngoc, ngicngac dindingac yeni angammemenginaac foraya gombunga fingecyemmeude. Foracngoc, Anutu kecde, ye bangecfu desi desi ua mekecde.”

Mitiyegec 61:4

Ge kporucamagau fainuna ni nasoya nasoya ihai kecbade nga kecbesandua. Ni geac kpegangga bageu sufuma kecbadeac anende. Selac

Mitiyegec 63:7

Gennoc neac memeficngic, imocac geac kpegangga bageu sogaima kecma yegec heigembade.

Mitiyegec 91:4

Ye kpegang dzoeango kperacguu geng yeac kpeganga bageau sufuma kecnade. Ye yoac modac modac Kebu nga fakaya imocngo geac kasoga amma odaga seria ande.

Mataio 23:37

O, Yerusaleng, Yerusaleng, ge profete yunuhomeannec nga ngic gearu sueyunuyunuya, yeni hocngo yenereannec. Kokorec nonggeango nambaracfora kpeganga bageau foforacyunuande, ni naso homac ifi isoc nambaracfocga kpedzucyunubadeac negembare ngeneng ine imocac songo mi negenggec.

Mataio 5:12

Bungngina kunengngo kurumennu tomaingina fede. Ngeni imocac ubangerec negemma sogaibisia. Ngicngac yeneng warac profete yunukporac ayemmegec, yeni ifi isoc angemmegecdenoc.

Mataio 6:1

“Ngeni ngicngac yeneng ngenemma dengerengunugecdeac yeneac kicfu faka gombunga mi angkecbisia, kpac. Ngeni ifi anggecdeu kurumeng Mangngina yearunac faka gombunggaac buma mong mi megecde. Ifi fingecbacac henghomema kecbisia.

Ruka 6:35

Anu ngeni ine ngabafocngina heregoc yeneac songo negemma faka gombunga ayemmebisia. Amma ngeni turungngina wagec yenearu febeso nga kpougecdeac mi negembisia. Ngeni ifi anggecdeu faka gombungaac bungngina kuneng feude nga ngeneng Mangngina Anutu Engenatoa yeac nambaracfora anggecde. Yeng ngicngac ihoc bahoha nga kichodungnginagoc nga ngic mangana faka gombunga ayemmeude.

Kolosai 2:18

Nga goa yeni kpefing hania hania hengkecma ikocfu memaemema angero dengereyunuandae, yeneng firanggac iraga mebauac yeneac yoac mi modacbesena. Ngic ifia yeni ubangina eseaac negen negeng sicsauc modacma eng yenanggac negenggec wiac engena angkecde amma yoackpekpegoc kecdae.

2 Timoteo 1:18

Imocac Kebungo negemmanu nasotoayau wosoefac meficgemibeso. Anu Efeso taonnu warac kecbare yeng sebina garenggema ua kuneng yombong meec, imoc geanggaoc hemma bic negennec.

2 Timoteo 4:8

Yaguc kekec dindingacac ira neac tomai faifaia fede. Amma Kebungo faka dindingac ising isingngic, yeng naso imohai ira imoc nenude. Nga imoc nisac mi nenude, kpac. Ngicngac sasawa yeni yeac haha nasoya fingectegerudeac songo negendae, yeng imoc ifingoc yemmeude.

Hebiraio 11:26

Amma ye Aigita bangecac dzofinac imocac negenu mamea anec. Kristoac amma game meudeac negenu engena anec, imocngo Aigitaac dzofinac ferahede. Ye imoc negensima Anutuarunac bung meudeac kic fiec.

Hebiraio 11:6

Anu ngic mongngo Anutuac hoannu kembeso negende, ye yofi negensinggema kecbeso, Anutu ye kecdenoc nga ngicngac ye kpachofoc angandae, yeni turunga gombunga yemmeude. Nga mong ye negen negensinga kpac kecande, Anutungo yeac negenu naric mi anude, imoc kpac yombong.

Hebiraio 6:10

Anutungo sing dindingacfu yoac nga fakangina isinggeude. Ngeni uanina meandae nga kpara songogoc hoanggeandae, yeng imoc naric mi nigeckpeude. Amma ngeni kpetiac areng heimefic ayemmegec nga torokpema ayemmekecdaengoc, ye imoc ifingoc naric mi nigeckpeude.

Ruti 1:16

Deu Rutingo ine yofi meremmiec, “Ni ge waguma dzigenebadeac mi hatahenenna.

Ruti 2:11

Ifi deu Bocadzingo deec, “Ge ewega bic homeu kecma erangiga henggareng ammiannec. Ammima nonggomangfocga nga amabangecga imoc wadacma ngicngac mi negennununec nenearu kuric hama kecnec, siducga imoc sasawa bic edenugec negenai.

Ruti 2:13

Ifi deu Rutingo deec, “Kunenna, gearunac bacngisi meficgeduae. Ni uangacfocga yeni isoc mi ambare ge sifu wanacngacga gombunga anennec.”

Ruti 4:15

Amma ngac kpengeng ammana yennoc mekiriguma karuga anude. Imoc yofiac erangiga geac songo homac negengkecdengo sabac medac. Nga geac medac seweng kecbau debac, erangigango sifu yeni feracyunude.”