Ruti 1:6 - Deduamiti

⁶ Ifi kecmanu, Kebungo ngicngacfora monggoc hoangyunuma yenenggareng ayemmema semeng monggoc meficgeyemmeec, siduc imoc Mocawbangecfu kenu negemma Nacomi nga erangihora yenahafocngoc Mocawbangecfunac dzigenegecdeac wiacngina sasawa mekpedzuc amma efaigec.

Ruti 1:6 ပူးပေါင်းရင်းမြစ်များ

Fingec fingec 21:1

Anu Kebungo deec isocngoc Sara garenggema gombunga ammiec nga deseriec imocac sirihau Sara meficgeec.

Fingec fingec 28:20

Nga Yacakow ye yoac yofi deseriec, “Anutu ye nigoc kefu sing herea yomoc kengkecbare nenggareng anenudeu nga sebinaac mefic yaka meficgenenu nebadeu nga wamba nganoc meficgenenu heibadeu

Fingec fingec 48:15

Anu ye Yosef kenehema yofi deec, “Mangesahocna Awraham nga Itsak yeri Anutuac kicfu kefoc yeng neac gareng kefec nga yaguc kecde.

Fingec fingec 50:25

Anu Yosef ye Isracel medacfora yeni Anutuac kicfu yoac imoc deserigecdeac yofi deec, “Foracngoc, Anutungo yugucngunuude naso imohai ngeni neac sicna momoc yeihanac mema kembisia.”

Mitiyegec 102:14

Kingang ngicngacfocga yeneng Tsionggac hoc songea negemma yeac sendunggac ubamangang negendae.

Mitiyegec 111:5

Ngicngac eweheihei ammiandae, ye yeni yaka yemmeude nga dzadzahac meec, imoc nasoya nasoya negensikefude.

Mitiyegec 132:15

Nga imohai wiac sasawa fede, imoc homac yombong kenehebade. Yeac ngicngac makpekpea semeng gumecyunuba negebec anggecde.

Mitiyegec 145:15

Geng nasoya hau yaka yemmenadeac sasawango geac negeung amma kicngina gearu figecde.

Mitiyegec 146:7

Ngic goa yeneng ngic ogofocngina ebicfu faiyunugec ubaebicgoc kecgec Kebungo sing dindingac modacma isingyunuma yoacngina desiude. Ngicngac herenginaac homegec yeng yaka gumecyunuude. Kebungo ngicngac witicamau tacandae, yeni witicngina yungerude.

Mitiyegec 147:14

Ye bangecgau ma faima ngicngacfocga onggongngunuu ruaegoc kecgecde. Ye wit semeng gombunga yombong meficgengemmeu negebec anggecde.

Makekeng 3:16

Anu ge kemma Isracel enarafocngina kpedzucyunuma yofi edeyunubesena, ‘Kebu kisicfocnginaac yeneac Anutu, imoc Awraham, Itsak nga Yacakow yeneac Anutu, yeng fingecnemma yofi edenuec, “Ni ngeneac kekecngina hennegeng angkecduae nga Aigitabangecfu faka hania hania angemmema kecdae, imoc momoc hemma negendacduae.” ’

Makekeng 4:31

Meu yeni negensinggegec amma “Kebu ye Isracelngicngac nenanggac dzoickpendzeng hennegeng anec,” yeniifi negemma fafoc heimima kicmesungina bangecfu hetutuckemanumumigec.

Yoele 2:19

AmmaKebungo turunga yofi merengyemeec, “Ni wit nga bali, waing gboria amma oliwa kereha socngina ngemmeba mewakengunuude. Anu bangeha bangeha yeneng desusuic monggoc mi angemmegecde.

Tsefanya 2:7

Bangec imoc yehudahabu toseanec yenengsac komoc kpegecde yeneac bangec ammanu ramafocngina ihai faiyunubesandae. Faiyunuma ama marai anu yenang ine Askelon taonnu ama tackendesoc ihai fenegembesandae. Kebu Anutunginango yeneac negensima feackekecngina monggoc kpakeyemmebesande.

Mataio 6:11

Ge yaguc yaka socnina nemmena.

Ruka 1:68

“Kebu Israeac Anutu kenehebisina. Yeng ngicngacfora nenannu hama witicfunac bic yungecnunuec.

Ruka 19:44

Igocguma yeneng memanganeguma nambaracfocga geac botucfu kecdae, yeni yunuhomedacgec bangecfu fegecde. Amma geac manau hoc mong wagec mongngo monggac witiu mi tarude, nocac Kebugango hadac, ge imoc mi hentegecdang.”

1 Timoteo 6:8

Semeng nga wambanina soha fenemmeudeu ruaegoc dewaidzoha kpac yumia kecbisina.

1 Petoro 2:12

Ngeni bangec monnunac ngicngac, yeneac botucfu faka nga angammeme gombunga angkecbisia. Ifi anggec yeni ngeneac dedeseriyoac kpekpeareng dema enacfu faifai angemmema angammemengina gombunga henggecde. Ifi hemmagec Anutungo yeni yugucyunuu naso imohai dengeregecde.

Ruti 1:5

Ifi kecma Mahelon nga Kilyon yeri ifingoc homeoc. Homeec Nacomi ye ewemedacfora kpac kefec.

Ruti 1:7

Efaima erangihora yerigoc bangec kecgec, imoc wama Yehuda bangecac sing imoc modacma Yehuda bangecfu monggoc dzigenegec.