Ruka 7:6 - Deduamiti

^6-7 Edegec Yesungo yenigoc kemma ama mewegenemanu wasai garengngo ogofora goa sueyunuu yofi edegecdeac kenggec, “Kunenna, nasoga homac mi wana. Ge noc gombunnaac amawarocnau erenade, ni ifiango gearu naric mi habade, imocac ge ihai namma yoac dena medacna ngereeu.

Yoak kekehagocac Dzadzahac gboria nga Mitiyegec

^6-7 Edegec Yesungo yenigoc kemma ama mewegenemanu wasai garengngo ogofora goa sueyunuu yofi edegecdeac kenggec, “Kunenna, nasoga homac mi wana. Ge noc gombunnaac amawarocnau erenade, ni ifiango gearu naric mi habade, imocac ge ihai namma yoac dena medacna ngereeu.

Ruka 7:6 ပူးပေါင်းရင်းမြစ်များ

Fingec fingec 32:10

Nga ge enac tofoc tofohongicnecga makpekpea, ni yasunasac mekecma Yarden doku yomoc ferecge kenai anu ge nigoc yoac dedzege amma imoc modackecnec. Amma ge yoacga modacma nigoc kecnecac yaguc ine habu yohockang yenigoc haduae.

Mataio 3:11

Ni uba dzigec dzigeneac doku nadzicngemmebade. Nga ngic ngadenau hama kecde, yeng ine Tiri Asu nga gerec nadzicngemmeude. Nga yeac kucngo neac kuc ferahade. Ni ifiango yeac hanitabe hesimiba naric mi ngereeude.

Mareko 5:24

Edeu negemma kemmaec ngicngac habutoango hefacemema yearu hagec.

Ruka 5:8

Simong Petorongo faka imoc hemma Yesuac haniu makpema fafoc heimima deec, “Kebu, ni ngic kopocsicnagoc anduaeac wanuma kenna.”

Ruka 7:5

Ye israengic nenanggac songea negengande nga yeng kiwa amma kpekpeturang amanina meec.”

Ruka 8:49

Amma ye yoac denammanungoc kpebung gareng, yeac amaunac yoac yofi haec, “Naroangga bic homedac, ge kpoukpou monggoc ebic mi mina.”

Aposoro 10:38

Anu Anutungo Yesu Nadzaretenac kuc nga Tiri Asu faimiu yeng bangec yerecgema kengha amma ngic meficyunuma mengereyunukefec nga mangana minginaac kucngo ngicngac kekecngina memanganedarec, yeni mengereyunudarec. Anutungo nonggo tacmimanu yeng ua imoc meec.

Yakobo 4:10

Ngeni Kebuac kicfu memaemegec yeng miacngunuude.

Yakobo 4:6

Anu yeng ferahema wosoefac kuneng anemmeude, imocacnoc mitikibingo yofi dede, “Anutungo ngic sebiengenggoc kecdae, yeni kekecngina memaude nga ubasebingina memama kecdae, yeni wosoefaha yemmeude.” (Yneg 3:34)