Ruka 4:18 - Deduamiti

¹⁸ “Kebuac Asungo nigoc kecde nga neng ngicngac makpekpea siduc gombung edeyunubadeac Kebungo dzimbonga nadzicnenec. Ngic witicfu kecdae, yeni witicngina kpac anude nga kicpisicngo kicfifi anggecde, imoc edeyunubadeac yeng suenuec. Suenuu hama ebicgoc kecdae, yeni ebicngina meickema wangecyunubade.

Yoak kekehagocac Dzadzahac gboria nga Mitiyegec

¹⁸ “Kebuac Asungo nigoc kecde nga neng ngicngac makpekpea siduc gombung edeyunubadeac Kebungo dzimbonga nadzicnenec. Ngic witicfu kecdae, yeni witicngina kpac anude nga kicpisicngo kicfifi anggecde, imoc edeyunubadeac yeng suenuec. Suenuu hama ebicgoc kecdae, yeni ebicngina meickema wangecyunubade.

Ruka 4:18 ပူးပေါင်းရင်းမြစ်များ

Fingec fingec 3:15

Anu ni ge anggemba ngacac ngabaya annade nga ngac ye ifingoc geac ngabaga kefude. Amma geac fingecsahe yeni ngacac bangecfora yeneac ngabafocngina anggecde. Amma yeac bangecfora yeni geac fingecsahegaac ngabafocngina anggecde. Amma ye geac orucga tidzameu geng meremma hania kinade.”

Mitiyegec 102:20

Ngic witicamau kecdae, yeng kiacngina negemma kiwa bangecfu fima homecac areng yungecyunuudeac kiwa fiu maec.”

Mitiyegec 147:3

Ngicngac herenginau ebic mema manganeyombonggeu yeng mengereyunuma kubecngina sangohoude.

Mitiyegec 2:2

Bangecac ngictau yeni efaigec ngicenara uayoacnginagoc, yeni kpeturanggema Kebu memagecde. Nga yeng ngic meisinggema kerecdokungo nadzicmiec, ye ifingoc memagecdeac yoac yofi deandae,

Mitiyegec 2:6

“Foracngoc, ni ngictauna neac Tsion tiki kpetiacfu bic faiba tacde.”

Mitiyegec 34:18

Ngicngac ubamanganggac wosongina toho tohoya kecgec Kebungo yeneac wegenac kefude nga ngicngac asuu kpungge kpunggea kecdae, yeni ebicfunac mesiyunuude.

Mitiyegec 45:7

Ge dindingac kekecac anggenu ngicngac Anutu ngadehema mangana megecdeac ayemmeande, yeneac faka ubagango waannec. Imocac amma Anutu, geac Anutungonoc sogac sogai kerecdokuya mema ge nga tosofocga nadzicngemmema geac witigau ine ebirangoc kpakeec.

Mitiyegec 51:17

O Anutu, ni ine asuna ebicngo kipac kipactanggea gemba imocngo sesena anude. O Anutu, ubamangangngo ngichereu ebic meficgema kipatanggeu ge imoc hemma naric mi wanade.

Danicel 9:24

Yoac yofi deserigec, geac taongga kpetiac nga ngicngacarengga yeneac ebicngina imoc sonda sewenti anu wisickeude. Imohai sing feraheandae imocac faka kpac ambeso nga kopocsicngina kpae faima kopocsicac ngaba meickebesandae. Amma dindingac kekec feengkefude imoc mehabesandae nga kpefinnu onga nga profeteyoac foraya fingecbeso amma kpetiac yeneac Kpetiac yombong kerecdoku nadzicmibesandae.

Tsefanya 3:12

Ni Isracel bangecfu ngicngac toseanecsac komoc kpegecdeac meyunuba yeni memaemema yumea kecbesandae. Amma neac kpacnaac debannu sufubesandae.

Dzekarya 11:11

Dzadzahac imoc wenac imohaingoc herec herecgea ammanu ramaareng ebicfu enggec yeneng nemma yofi negentegecgec, imoc Kebuac yoacnoc.

Malecaki 4:2

Anu kpacna eweheimiandae ngenearu dindingac kekec wenac isoc ereu memengerec meficgeyemmeude. Ifi anu burumakamedaha yeneng amanginaunac mesiyunugec bangecfu mama sogac sogai yuengyuma kengkecdae ngeni ifi isoc ambesandae.

Mataio 11:5

Ngicngac kicpisic yeni kicfifi andae nga hanimangang yeni sing kengkecdae amma ngicngac kukuseringinagoc yeni sebingina ngereeu kecdae. Kedzacfong yeneng yoac negemma kecdae nga homemea yeneng gborima kecdae amma ngic makpekpea yeneng siduc gombung negengkecdae.

Mataio 12:18

“Negenggec, ni uangicna meisinggeai nga heregoc yeac songo negemba ubaonganango yeac sogaide. Nga Asuna yeac witiu faiba yeng neac desi desifaka dindingac bangec monnunac ngicngac, yenearu dekperagiyemmebesande.

Mataio 12:20

Nga yeng komba mong bic manganedac, imoc mi tueude nga kifa mong witiha hosuhagoc, imoc mi mepisickeude. Ifi anu kecma ye desi desi faka dindingac garenggekefu faka imocngo faka mangana feraheude.

Mataio 4:16

Ngicngac kundunnu kecgec, yeni kperagi kuneng henggec nga ngicngac homecac bageu bangecfu kecgec, yeneac botucfu kperagia fingerec.” (Yes 9:1-2) Yoac imoc fora anudeac ye Kafanaung taonnu tacyac anec.

Mataio 5:3

“Ngicngac Asuac songou home homegoc kecandae, yeni kenecnginagoc, nocac kurumenggac eucerereng imoc yeneacnoc.

Ruka 4:17

yeni profete Yesaiaac kibi kpou kpouya migec ye imoc yungecma kibiu yoac yofi feec, imoc meficgeec.

Ruka 6:20

Ifi anggec Yesungo kiwa medacfora yenearu fima deec, “Ngicngac wanac kecdae, ngeni kenecnginagoc, nocac Anutuac eucerereng imocnoc ngeneac.

Ruka 7:22

Nga ngihoc yereng ifi edeec Yesungo deec, “Ngeri kemma wiac hennegeng andaoc, imocac siduc Yohane ammibesera. Ngic kicpisic yeni kicfifi andae nga hanimangang yeni sing kendae amma kukuseringinagoc yeni sebingina ngereede. Nga kedzacfong yeni yoac negendae amma homemea, yeneng gboridae nga ngicngac makpekpea yeneng siduc gombung negendae.

Yohane 1:41

Yeng Yesu hemma dzigenema warac warac yengena munea Simong meficgema yofi edeec, “Neri Messia meficgedic.” (Messia imocac titiha Kristo.)

Yohane 12:46

Nga ngicngac negensinnudae, yeni sasawango kundunnu monggoc mi kecgecde nocac bangecfu kperagia mama fingectegerec, imoc ni.

Yohane 3:34

Anutungo ngic sueec ye Anutuac yoac deude. Imoc yofiac, Anutungo Tiri Asu hendzicma nobohasac kpeteagoc mema mi yemmeude, kpac.

Aposoro 10:38

Anu Anutungo Yesu Nadzaretenac kuc nga Tiri Asu faimiu yeng bangec yerecgema kengha amma ngic meficyunuma mengereyunukefec nga mangana minginaac kucngo ngicngac kekecngina memanganedarec, yeni mengereyunudarec. Anutungo nonggo tacmimanu yeng ua imoc meec.

Aposoro 26:18

Amma ni yenearu sueguba ge kemma ngicngac kicngina merecgena kundung ngadehema kperagiu kembisia. Amma Satanggac kuc herecgena yeni Anutuaru kembisia. Ifi amma yeni Anutuarunac kopocsic wawa megecde. Mema kpetiac kekec yemmeyemmea nga Kebu ni negensinnudae, yeneac habuu torokpegecde.’

Aposoro 4:26

Bangecac ngictau yeni efaigec nga ngicenara uayoacnginagoc, yeni kpeturanggema Kebu memagec. Nga yeng ngic meisinggema kerecdokungo nadzicmiec, ye ifingoc memagecdeac yoac degec.’ (Myeg 2:1-2)

Aposoro 4:27

Geac enac tofoc tofohoga kpetiac, imoc Yesu Kristo nga geng ye kerecdokungo nadzicminec. Nga taong yomohainoc Herode nga Pontio Pirato, yereng bangec monnunac ngic Anutu mi negemmidae, yeneng Isracel ngicngac yenigoc kpeturanggema ye keracmangang ammigec.

Kolosai 1:13

Imoc yofiac, kundungngo garennunuudeac uayoac nga kuc mekefec. Mekecmanu Manggacngo imocac kucfunac meicnunuma Songomedahaac eucererennu fainunuec nga nenang yofinenggac ifi kecdimbengoc.

Yakobo 2:5

Songo tosofocna, ngeni kedzac kpema negenggec, ngicngac bangectoa bangec yomohai makpekpea kecdae, yeni negen negensinggoc kuneng anggecde amma eucererenggac mingina ambesandae, Anutungo ifi negemma meisingyunuec. Ngicngac heregoc Anutuac songo negengandae, imoc yeneac anudeac deyemmeec.

1 Petoro 2:9

Anu ngeni Anutuac faka kuhagoc dekperagigecdeac Anutungo ngeneac areng meisingngunuec. Meisingngunuma ngeni yengena areng ngicngac kpetiac anggecdeac mengunuma ngictauac arennu faingunuu womonggarengua mekecgecde. (Mke 19:5-6; Yes 43:20) Yennoc kundunnunac hagecdeac kpacngunuma kperagiau heitaingunuma yengena kperagi engena nga songea, imohai faingunuec.