Ruka 17:6 - Deduamiti

⁶ Ifi degec Kebungo yofi merengyemmeec, “Negen negensingngina kapia mastet gbomea isoc fengemmeudeu ngeni fig ic yomoc ye yengenaoc godeagoc fukema kondunnu kemema nanudeac edegec ye enacngina tofohoma naric kemema nanude.”

Yoak kekehagocac Dzadzahac gboria nga Mitiyegec

⁶ Ifi degec Kebungo yofi merengyemmeec, “Negen negensingngina kapia mastet gbomea isoc fengemmeudeu ngeni fig ic yomoc ye yengenaoc godeagoc fukema kondunnu kemema nanudeac edegec ye enacngina tofohoma naric kemema nanude.”

Ruka 17:6 ပူးပေါင်းရင်းမြစ်များ

Mataio 14:29

Ifi deu Yesungo deec, “Ge hana.” Ifi deu Petoro ye gombaunac mama doku witiau tima Yesuaru kenec.

Mataio 17:20

Kpesimigec Yesungo yofi merengyemmeec, “Foracngoc, ngeni negen negensingngina kapianecsac fedeac obohoma wadau. Ngeni negen negensingngina mastet gbomea isoc fengemmeu debac ngeni tiki yomoc naric edegecde, ‘Tiki, ge yomohacnac yacma edimoc kenna.’ Ifi edegec ye kenude. Nga ngeni wiac monggac naric mi obohogecde.

Mataio 21:21

Ifi dema kpesimigec Yesungo yofi edeyunuec, “Foracngoc, ngeni negen negensingnginagoc kecma negengyohoc mi anggecdeu icfu faka medua, faka imoc naric megecde, imoc edengunuduae. Nga imocsac kpac, ngeni ifingoc tiki yomocac yofi naric degecde, ‘Tiki ge miacemema kondunnu ukuemema kemena.’ Ngeni ifi edegec, ifinoc anude.

Mareko 4:31

Anutuac eucerereng imoc mastet gbomea isoc. Mastet gbomea imoc gbome sasawa yeneac kapiangina. Nga imoc bangecfu faini erema yadima semeng uaac mondzang feracyunuma fawa kuneng angande. Nga sawau neng yeneng imocac nokumucfu hama faec heima tacgecde.”

Mareko 9:23

Ifi deu Yesungo yofi edeec, “Imoc ambadeacsoc, denec. Ngic mong ye negensinggede, yearu wiac sasawa naric fingerude.”

Ruka 13:19

Imoc mastet gbomea isoc, ngic mongngo mastet gbomea mema uayau homeru yadima ic wegenac anu sawau neng yeneng hama fawau faec heigec.”

Ruka 17:7

“Anu ngenearunac mongngo wanacngiha bangec mendzic mendzic kefude me ramaburumaka garenggekefude, yeng semeng uaunac hama amau ereu minginango matacma yaka neudeac mi deude.

Ruka 19:4

Ifi anu Yesungo sing kenudeac kenec, ye ngicngac yeneac botucfunac ihai waraima nedzi kemma fig ic mong nanec, imocac witiau emma kic fima tarec.

Ruka 7:13

Ifi magec Kebungo ngac imoc hemma ubea manganeu deec, “Ge mi kiacna.”

1 Korinti 13:2

Amma profeteyoac debai dede nga negen negeng keme kemea sasawa negentegecbade amma negen negentegecnagoc kecbai dede tiki meickebadeac negen negensinna imocacsoc fenende amma ngicngac yeni heresongogoc ine mi hoangyunubai foraya mong mi meficgebai.