Ruka 13:34 - Deduamiti

³⁴ Yerusaleng Yerusaleng, ge profete yunuhomeannec nga ngic gearu sueyunuyunuya, yeni hocngo yenereannec. Nga Kokorec nonggeango nambaracfora kpeganga bageau foforacyunuande, ni ifi isoc naso homac nambaracfocga kpedzucngunubadeac negembare ngeneng ine imocac songo mi negenggec.

Yoak kekehagocac Dzadzahac gboria nga Mitiyegec

³⁴ Yerusareng Yerusareng, ge profete yunuhomeannec nga ngic gearu sueyunuyunuya, yeni hocngo yenereannec. Nga Kokorec nonggeango nambaracfora kpeganga bageau foforacyunuande, ni ifi isoc naso homac nambaracfocga kpedzucngunubadeac negembare ngeneng ine imocac songo mi negenggec.

Ruka 13:34 ပူးပေါင်းရင်းမြစ်များ

Nehemia 9:26

Anu yeneng ine ifi ammaguc yoacga kpema ngadegugec nga singyoacga uba ngadenginau faiandae. Amma faka wonongagoc eweheiheiya kpahac amma Profetefocga yeneng ubangina dzigeneudeac goroyoac edeyunugec, yeneng imoc kpebucyunudacgec.

Nehemia 9:30

Anu geng kifa homac yumiau tomaingina kecnecac amma Asugango profete yeneac enacfu yoac faiu gorongina kpemagec yeneng sifu yoacngina mi negenggec. Ifi anggec geng ngicngac wegenac kecgec yeneac mariu faiyununec.

Mitiyegec 149:2

Yeng Isracel meficngunuu ngeni yeac ubangerec negembisia. Tsionggac medacfora, ngeni ngictaunginaac sogaibisia.

Mitiyegec 17:8

Ge geangga kicga garenggeannec, ge ifi isoc ni garennuma kpeganggaac debannu fainuma mesufununa.

Mitiyegec 36:7

O Anutu, geng yoac dedzege amma imoc modackecnec, fakaga imoc wiac engena yombong. Neni, ngicngac yeneac nambaracfocnginango, geac hoannu hadacma kpegangga marabeau sufuma kecnide.

Mitiyegec 57:1

O Anutu, ge neac ubaga manganeu. Ubaonganagoc geac hoannu sufuduaeac amma ge neac ubamangang negenna. Ni geac kpeganggaac debannu sufuma kecbare kiafirang mangana kpac andacbeso.

Mitiyegec 81:13

O ngicngacfocna, ngeni neac yoac modacma kedzac kpebau, imocac yombong anende. Nga Isracel ngeneng neac sing modacbau, imocac homac anende.

Mitiyegec 91:4

Ye kpegang dzoeango kperacguu geng yeac kpeganga bageau sufuma kecnade. Ye yoac modac modac Kebu nga fakaya imocngo geac kasoga amma odaga seria ande.

Yoele 2:23

Tsionggac ngicngac ngeni Kebu Anutungina yearu sogaibisia. Ye monde mondea mi fedeac amma kpeacac kiasisic ebiriangoc suede nga asomoronggac kia ngemmekecde kia imocac nasongirango warac fekefec, ifi isoc.

Dzekarya 1:4

Ngeni bangecfocngina warac keceregec yeni isoc mi ambisia.’ Warac profete kecgec yeneng yoacna dekperagiyemmema yofi degec, ‘Ngeni kopocsicac sing nga faka manganangina sasawa wadacma monggoc dzigenema hadacbisia.’ Ammanu yeneng yoacnaac kedzac mi kpema yoacna ngadehegec.

Mataio 22:3

Amma ngictaungo wanacngicfora sueyunuu yeni ngicngac memeturanggac amma bic heitaiyunuec, yeni wangecyunugecdeac kenggec. Kenggec ngicngac yeneng ine modzongina tiu wagec.

Mataio 22:6

Nga ngicngac tosea yeneng ngictauac wanacngicfora ngaba ayemmema yunuhomegec.

Ruka 15:28

Ifi deu dara ye herebu meficgema ngadeau namma amau enudeac mi ammiu mamango mama amau enudeac demekiri ammiu

Ruka 19:44

Igocguma yeneng memanganeguma nambaracfocga geac botucfu kecdae, yeni yunuhomedacgec bangecfu fegecde. Amma geac manau hoc mong wagec mongngo monggac witiu mi tarude, nocac Kebugango hadac, ge imoc mi hentegecdang.”

Ruka 23:28

Ifi anggec Yesungo dzigenema edeyunuec, “Yerusalennac ngacnaroang, ngeni neac mi kiacgec. Ngeni ngenang nga nambaracfocngina, yeneac amma ine kiacbisia.

Aposoro 7:52

Kisicfocngina yeni profete sasawa yunukporac ayemmegec. Profete yeneng dindingac mingina fingecbesandeac kpefingyoac degec nga ngeneac kisicfocngina yenennoc yenahafoc profete imoc yunugec. Kecma Ngic Dindingac yengena fingeru ngenennoc doc mema ye kpehomegec.

Aposoro 7:59

Guruhema Stefano hocngo heigec yeng yofi dema numuec, “O Kebu Yesu, ge ubaongana mena.”

Aposoro 8:1

So, naso imohaingoc Yerusalennu kpebung kecgec, yeni hanahema yunukporac ayemmegec. Ayemmegec ticpac tehema Yudaia nga Samaria bangectoau kendacgec aposoro yeneng ine tacgec.

Yohaneac kpefing 11:8

Kpebucyuruu farengngira taonggac sinnu feecde. Taongtoa imocac kpara kpefing yoacfu Sodong nga Aigita nga bangec imohaingoc Kebunina mariponnu kpegec homeec.

Ruti 2:12

Wiac sasawa andacnec imocac turunga Kebungo ubangerec kpegembeso. Ge Kebunina Isracelac Anutu yeac kpegang bageau sufunadeac hanec, imocac yeng turunga sasawa kpougembeso.”