Ruka 11:4 - Deduamiti

⁴ Kopocsicnina wanemmena. Neni ifingoc ngic yeneac kopocsicnginaac turung kpoukpouac wayemmekecdimbe. Faitobannu mi fainunubesena.’ ”

Yoak kekehagocac Dzadzahac gboria nga Mitiyegec

⁴ Kopocsicnina wanemmena. Neni ifingoc ngic yeneac kopocsicnginaac turung kpoukpouac wayemmekecdimbe. Faitobannu mi fainunubesena.’”

Ruka 11:4 ပူးပေါင်းရင်းမြစ်များ

Fingec fingec 48:16

Kebuac angerongo ebic sasawa imohacnac mesinudarec yeng medac yohockang yomoc kenecyuruu neac kpacngo yerearu fingecma febeso. Amma mangesahocna Awraham nga Itsak yereac kpacngira yerearu ifingoc fingecbeso. Nga medac yeri bangectoa bangecfu fingecsahe amma seregurutoa ambesera.”

Mitiyegec 121:7

Kebungo onggongguu yarefaka hania hania fede, imocngo naric mi memaguude. Kebu ye kekecga onggonggeude.

Mitiyegec 25:11

O Kebu, ni kopocsic ebira yombong meficgeai nga ge kpac kunenggaac amma imoc sifu wana.

Mitiyegec 25:18

Ge kpendzenna nga hereebicna negensima kopocsicna wadacna.

Danicel 9:19

O Anutuna, taontoaga nga ngicngacfocga neni geac kpacga mekecdimbe, imocac ge kedzac kpema kopocsicnina wanemmena. Ge naso mi ukuna, faka mema meficnununa. O Kebu, imoc geanggaac amma ifi fingecbeso.”

Mataio 18:35

Anu ngeni sasawango ogofocngina tembuc tembuc yeneac kopocsic ubaherenginango yombong mi wagecdeu Manna kurumennu kecde, yeng siriha ifingoc ngeni angemmeude.”

Mataio 26:41

Ngeni faitobannu embauac ubagbori kecma numugec. Foracngoc, ongaasungo efaiande nga sebingo ine ebiriude.”

Ruka 11:5

Ifi dema yofi edeyunuec, “Ngenearunac mongngo tofocnac dzongiau ogea monggac amau kemma debac, ‘Ogona, ge ic sogong harebec meficnuna turunga ngade gembade.

Ruka 13:4

Nga Siroang amaherecngo barackema ngicngac 18 witinginau mama yunuhomeec. Imocac ngeni dafi negensidae, yeneac kopocsicngo Yerusalennu ngicngac sasawa kecdae, yeneac ferahade me?

Ruka 22:46

yofi edeyunuec, “Ngeni nocac gau fedae? Ngeni faitobannu embauac yacma numugec.”

Ruka 8:13

Gbome harongannu heiec, imoc ngic goango Anutuac yoac negemma heresongogoc bic hoanggegecde nga yoacngo ubanginau godea mong mi meecac naso wegenanecsac taru faitobannaso hau yeni wagecde.

Yohane 17:15

Ge bangecfunac meicyununadeac mi numugenduae, kpac. Manganaac minginango memayunubacac geng kaso ayemmebesena, imoc numugenduae.

1 Korinti 10:13

Anu faitobang ngicngac goa yenearu fingecgec, siriha ifia ngenearu ifingoc fingecngemmeude. Nga Anutungo yoac dema imoc modarude. Faitobang fingecngemmeu ngeni ebic imoc tofohoma kecgecde. Nga imocngo kucngina mi feraheudeac faitobang ebiria kpae heimiude. Faitobang hangemmeu yeng imohacnac woragecdeac sing meficgengemmeu faitobangngo kucngina mi memaudeac garengngunuude.

Kolosai 3:13

Amma ngeni ngicngac ogofocngina yeneac modzongina mi tiu kopocsicngina waemebisia. Kebungo ngeneac kopocsic bic wangemmeec, ifi isoc ngic mongngo ngic monggac yoac mekecdeu kopocsicngina waemekecbisia.

2 Tesaronike 3:3

Nga Kebungo yoacdedea modacma meseringunuu mangana minginango mi memanganengunuudeac kasongina kpeude.

2 Timoteo 4:18

Ngic yeni ebic hania hania anembesonga negendae nga Kebungo imohacnac ifingoc mesinuu komoc kpeba kurumeng eucererengau fainubesande. Yearu dedengerec nga dedengerec fekengkecbeso, imoc fora.

Yakobo 2:13

Ngic mong ye ngicngac ogofora wosoefacgoc mi ayemmekecde, yeac wosoefac faka mong yoacfu mi fingerude. Nga wosoefacgoc kekecngo yoacfu namma firang ambesande.

Yohaneac kpefing 2:10

Ge kpendzeng kpenadeac kengec mi ambesena. Mangana mingina yeng faitobannu faingunuudeac negemma ngenearunac goa witicamau faingunuu ngeni uameme 10gac manau ubahodunggoc kecgecde. Goa ngunuhomegecde isoc geng ine yoacdedena modacma seria kecmana kekecac ira gembesandua.”

Yohaneac kpefing 3:10

Ge modzotitia kpac serima kecnadeac edeguai, imoc seriangoc mekecnecac amma ni faitobannunac meicgubade. Faitobang imoc bangectoa bangecac ngicngac yenearu fingerudeac dedea fede. Nga imoc fingeru neng ifingoc hoangguma imohacnac meicgubesandua.’