Ruka 11:34 - Deduamiti

³⁴ Kicga imoc sebigaac kifa amma kicga gombunga fema sebiga sasawa mekperagidarude. Nga ge kickerec me kicmangang mekecma kicgango manganeudeu ine sebiga sasawa kundung kpeude.

Yoak kekehagocac Dzadzahac gboria nga Mitiyegec

³⁴ Kicga imoc sebigaac kifa amma kicga gombunga fema sebiga sasawa mekperagidarude. Nga ge kickerec me kicmangang mekecma kicgango manganeudeu ine sebiga sasawa kundung kpeude.

Ruka 11:34 ပူးပေါင်းရင်းမြစ်များ

Fingec fingec 19:11

Anu yeri ngic manggac nga medac ngadeau nanggec imoc yeneac kicngina imohaingoc mekundungkpeec yeni ama naguya hofocgec.

Mitiyegec 119:18

Wiac gombunga gombunga dedeseriyoacgau fede, imoc hembadeac kicna merecgena.

Mitiyegec 81:12

Imocac wangunuba ngeni ubaseringinagoc kecma ngenang negen negeng modacgec.

Mareko 4:12

Ifi anu ‘Yeni kicnginango hemma wiac mong ine mi henggecde nga kedzacnginango negemma wiac mong sifu mi negentegecgecde. Imocac yeni ubangina dzigenebacac Anutungo kopocsicngina mi wayemmeude.’ ” (Yes 6:9-10)

Mareko 8:18

Ngeni kicnginagocngo wiac mi hengandae nga kedzacnginagoc ammanu wiac mi negengandae.

Ruka 11:35

Imocac amma ge kperagia fegende, imoc kundung kpebacac amma garengemema kecbesena.

Aposoro 13:11

Imocac yaguc Kebuac kuc gearu fingeru hembesena. Kicga kundung kpeu naso botuc yomoc wenac kperagia mi heheng kecbesena.” Ifi deu imohaingoc wiac hoeng hoeng isocngo kiwa sangoheu kiwa kundung kpeu mariango meang kpeang amma mariau megecdeac deec.

Aposoro 2:46

Nga ngicngac wenacsoc Anutuac womonnu uba mocgu amma kpedzucnekecgec, yeni uba urecfu amaya amaya yaka nekecma yakangina imoc ubangerecgoc mederema emenec angkecgec.

Aposoro 26:18

Amma ni yenearu sueguba ge kemma ngicngac kicngina merecgena kundung ngadehema kperagiu kembisia. Amma Satanggac kuc herecgena yeni Anutuaru kembisia. Ifi amma yeni Anutuarunac kopocsic wawa megecde. Mema kpetiac kekec yemmeyemmea nga Kebu ni negensinnudae, yeneac habuu torokpegecde.’

2 Korinti 1:12

Ngicngac yeneac kicfu nga ngeneac kicfu amma Anutuac kicfu angammemenina gombunga nga kpetiac amma kongaha kecdimbe. Amma here negen negennina kpetiac bangec yomohai ifi kecma negenni engena angkecde. Nga uba eseaac negen negeng modacma botucnginau mi kecandimbe, kpac. Anutuac danggunucngo sing edzacnunuu kpetiac kekec kpetofohoma kecandimbe.

2 Korinti 11:3

Ngeneng Kristo hoanggema kongaha kecma heregoc yeac songo negendae. Nga boidzocngo Ewa ikoc ammima tobanggeec, ngic mongngo ifi isoc kekecngina kongaha nga Kristoac songo negendae imoc wangecngunubacac kengecnude.

2 Korinti 4:4

Kristo ye Anutuac onga nga yeac siric. Anu bangec yomocac nemu Satang, ye ngicngac mekundungkpeyunuu negen negensingngina kpac kecdae nga yeni Kristoac siduc gombungngo ngicngac mekperagiyemmeande, imoc mi henggecdeac kicpisic anggec.

Efeso 1:17

yofi numuanduae, Kebu Yesu Kristo yeac Anutu, kibikperagiaac Manggac, yeng negen negengtegec nga wiac sufu sufuya mekperac kperagi Asu ngemmeu Anutu hafoangoc negemmigecde.

Efeso 6:5

Wanacngic mingingina bageau kecdae, ngeni uanginau negengyohoa kpac, yumea kecma ngisima bangecfu mingingfocngina yeneac yoac tofohokecbisia. Dzonongngina fedeu yoacngina ferahebauac Kristoac enac tofohokecdae, ifi isoc yeneac yoac heregoc tofohobisia.

Kolosai 3:22

Ngic wanac kecdae, ngeneac mingingfocngina yeneng imoc me imoc degec ngeni yoacngina negemma hafoangoc modacbisia. Yeni ubangerec negenggecdeac yeneac kicfusac enac tofoc tofoho mi ambisia. Ngeni uau ubangina suema Kebu eweheimima uangina mekecbisia.