Ruka 10:2 - Deduamiti

² “Semeng fora homacngoc kpauedac fede nga uangic ine efeanecsac kecdae. Imocac ngeni semeng mingina numumigec yeng uangic sueyunuu yeneng kemma foraya mekpedzuc ambisia.

Yoak kekehagocac Dzadzahac gboria nga Mitiyegec

² “Semeng fora homacngoc kpauedac fede nga ua ngic ine efeanecsac kecdae. Imocac ngeni semeng mingina numumigec yeng ua ngic sueyunuu yeneng kemma foraya mekpedzuc ambisia.

Ruka 10:2 ပူးပေါင်းရင်းမြစ်များ

Mitiyegec 68:11

Kebungo yoac deu ngicngac homacngo siduc imoc tofohoma dekperagima

Dzekarya 11:17

Ye ramagareng uamemeacsoc kpacac amma ramafora wayunuande amma ye ebictoa yombong meficgeemeude. Ye wasaibeangngo maria herecgeu maria kuha kpac ambeso amma kiwa foiaubigeng imoc kpema kpefockeu kiwa pisickeyombonggebeso.

Dzekarya 11:5

Rama ifia bummema kpehou angandae yeni memetinnu mi enggecde. Nga sueandae yeneng yofi deandae, ‘Ni ifi amma dzotoanagoc anduaeac Kebu dengereni.’ Ammanu garengfocngina yeneng sifu ubahodung mong mi negengyemmedae.”

Bangec kisiu 11:17

Nammagec ni mama gegoc yoac denegeng amba gearu Asu fede, Asu imocac noboha ifingoc yeneac witiu faibade. Ifi anu ngicngacareng yeneac ebic gegoc momoc tofohogec geng imoc tembucga monggoc mi tofohonade.

Bangec kisiu 11:29

Ifi deu Mosengo yoac yofi meremmiec, “Ge neac keracmangang annec imoc mi ngereede. Kebuac ngicngac sasawa yeneac witiu Asuya faiu yeni profete ambau, imoc negemba ngereebac.”

Mataio 20:1

“Kurumenggac eucerereng imoc ngic mong amabangehagoc, siriha imocacsoc. Ye asoacngoc kemma ngic waing uayau ua megecdeac ngic yagura meyunuec.

Mareko 13:34

Imohai faka yofi isoc fingerude, ngic mongngo amea wama bangec monnu kenudeac negenec. Ifi amma ye amagareng wanacngicfora amaac wiac uanginaacsoc garenggegecdeac uayoac deyemmema nagugareng naguu kicfifi nanudeac edeec.

Mareko 16:15

Edeyunuma yoac yofi deec, “Ngeni bangectoa bangec, imohai kemma wiac sasawa Anutungo deu fingerec, yeni siduc gombung edekpou ayemmebisia.

Mareko 16:20

Anu medac yeni noboc noboc kemma siduc gombung ngicngac edekpou ayemmegec. Nga Kebungo yenigoc kefu yeni ua megec faka kuhagoc fingerec, imocngo yoara meseriec.

Ruka 9:1

Yesungo medacfora 12 kpacyunuu hadacgec hadehade nga yafing sasawa kporacyunugecdeac nga hafei hania hania mengeregecdeac uayoac nga kuc yemmeec.

Aposoro 11:19

Ngicngac yeni Stefano kpema Yesuac habu goa yunukporac ayemmegec ticpac tehema goango Foiniki bangecfu nga Kipiro nucfu amma Antiokia taonnungoc kensikegec. Kemma kecma yudangicsac siduc gombung dekperagiyemmegec.

Aposoro 13:2

Anu yeni naso monnu yakasege kecma Kebu afehegecdeac kpedzucnema kecgec Tiri Asungo yoac yofi edeyunuec, “Banaba nga Sauro yeri neac ua meecdeac kpacyuruma ua yemerai, ngeni imoc meecdeac desiyecmegec.”

Aposoro 13:4

Tiri Asungo ifi dema sueyuruu yeri Sereukia taonnu kemeoc. Ihai sikema kporucwageu emma kengkecma Kipiro nucfu enoc.

Aposoro 20:28

Ngeni ngenang garengemema Anutuac kpebung gombunga garengyunudacbisia. Ye yengena sacngo bummengunuec nga Tiri Asungo kpebung yeneac enarafocngina kecgecdeac meisingngunuecac ngeni ramagareng isoc Kebuac kpebungfora yenenggareng ambisia.

Aposoro 22:21

Ifi deba Kebungo yofi edenuec, ‘Kpahac, ni bangec hereau bangec monnunac ngicngac, yenearu sueguba kennadeac ge bic efaima kenna.’ ”

Aposoro 8:4

Yesuac habu yeni ticpac tehema kenggecngo ine guruamasoc kecma ngicngac siduc gombung dekperagiyemmekecgec.

1 Korinti 12:28

Amma Anutungo kpebunnu ngicngac goa yofi faiyunuec, warac warac aposoro nga yeneac ngadeau profete amma yeneac ngadeu mitiac kpoukpou faiyunuec. Ifi faiyunumaguc goa faka kuhagoc megecdeac faiyunuec. Ngicngac goa yeni hafei ua hania hania megecdeac Asungo imocac kuc yemmeec. Amma ngicngac meficyunugecdeac areng goa faiyunuec nga wiac garenggegecdeac ngicngac ifia faiyunuec amma goa nedzarangyoac hania hania degecdeac faiyunuec.

1 Korinti 15:10

Nga Anutungo wosoefahaac amma ye dafiugeng fainuu ni ifianoc yaguc kecduae. Kecbare wosoefaha eng mi feec. Ni sasawa feracyunudacma ua homac meai. Nga imoc neanna kucac kpac, Anutuac wosoefac nigoc feec, imocngo ua imoc meec.

2 Korinti 6:1

Nenang nenahafoc ua mekecdimbeac yofi serima edengunudimbe, “Ngeni Anutuac wosoefac bic megec, imoc eng kpedzonggebauac amma edengunudimbe.”

Firipi 2:21

Nga ngicngac homac yeneng yenang wiacacsac negemma Yesu Kristoac uaac mong mi negengkecdae.

Firipi 2:25

Anu tosona Epafodito sueba ye ngenearu monggoc haudeac negenduae. Ye nigoc ua mekecde amma nigoc kecma Kebuac wasaingic ande. Nga ngeneng ye suegec hama nanggekufung anenu wiac monggac mi obohobade.

Firipi 2:30

Nga ngeneng meficnugecdeac obohogecac yeng hama meficnuma Yesu Kristoac uaac amma sebia memanganema homebeso anecnoc.

Kolosai 1:29

Gorongina kpeni Kristo yengena kuctoango nanggenuma meficnumanu uatoa ebiriangoc mema kecduae amma mekecbadengoc.

Kolosai 4:12

Kristoac wanacngic Epafara, ye ngeneac arennunacnoc, yeac wenacngerecngo ngenearu hade. Amma ngeneng yadiseri amma nanggecdeac nga Anutuac negen negeng nga songo sasawa ireckema imohai hafoangoc kecgecdeac, ye ifi negemma ngeneac amma nasosoc nunumu ua ebiriangoc mekecde.

1 Tesaronike 2:9

Anutuac siduc gombung edekpou angemmeing, naso imohai ngenigoc kecma dzofinacac ebic mong mi meficgengemmenideac hadzing tofocnac uatoa kpendzenggoc mema kefing, imoc bic negendae.

1 Tesaronike 5:12

Tosofocnina, ngeni yofi anggec ngereeude, uangicngac yeneng ngeneac botucfu uatoa mema kecdae, ngeni yeni negensiyunubisia. Yeni Kebugoc kpeketahema garengngunuma gorongina kpema kecdae.

2 Tesaronike 3:1

Tosofocnina, torokpema yofi deni negenggec, ngeni neneac amma yofi numubisia, neni Kebuac yoac desaheni imoc bic yadima kendaru ngicngacareng goa imoc eweheima megec, ngenearu fingerec, siriha imocngoc ngicngac goa yenearu fingeckembeso.

1 Timoteo 4:10

Anutu kekehagoc, yearu kpeketahema kecdimbe, yeng ngicngac sasawa yeneac memengerecnina ande nga ye negensinggedimbe, nenanggac yombonnoc. Imocac amma uatoa kpendzenggoc mema kecdimbe.

2 Timoteo 4:5

Nga geng wiac sasawa isinggema geanggaoc garengemema ebic fingecgenu serima nambesena. Ifi namma Anutuac siduc gombung dekperagiyemmema Anutungo uayoac genec, imoc hafoangoc modacma kecbesena.

Firemong 1:1

Ni Pauro Yesu Kristoac amma witicngic nga negen negensinggoc tosonina Timoteo, nereng kibi yomoc faide Firemong gearu hade. Ge ua mocgunira nga heresongogoc hoangguma kecdipe.

Hebiraio 3:6

Mose ye kingangkpepe kecma Anutuac uayoac modackefec nga Kristongo Anutuac Medac kecma uayoac modacma yeac amagareng kecde. Amma nenang kengeha kpac kurumenggac wiac menide, imoc wiac engena negemma serima mekecnideu Anutuac amanoc angkecnide.

Yohaneac kpefing 2:1

“Ge Efeso kpebung, yeneac angeroaru kibi yomoc ohoma faina kenu.” “Ngic ye asomeng 7 marifoiau menande nga kifa nanangagoc 7 yeneac botucfu yerecgede, yeng ngeneac yofi dede,