Roma 2:7 - Deduamiti

⁷ Mong ye mamangkima faka gombunga mekecma kurumenggac kuc kibikperagiagoc nga eweheihei amma kekecseri meudeac ammiu uatoa mekecde, Anutungo ye kekec wisic wisickea kpac miude nga mibesande.

Yoak kekehagocac Dzadzahac gboria nga Mitiyegec

⁷ Mong ye mamangkima faka gombunga mekecma kurumenggac kuc kibikperagiagoc nga eweheihei amma kekecseri meudeac ammiu uatoa mekecde, Anutungo ye kekec wisic wisickea kpac miude.

Roma 2:7 ပူးပေါင်းရင်းမြစ်များ

Mitiyegec 27:14

Ge Kebuac tomai kecma seria nambesena. Heregango efaima kucgoc ambeso. Oc, ge Kebuac tomai kecbesena.

Mitiyegec 37:3

Ge Kebu negenserima kecma faka gombunga angkecbesena. Ge ifi amma bangecfu naso herea kecma bangec imocac hoannu sufuma ruaegoc kecnade.

Mitiyegec 37:34

Ge Kebuac tomai kecma yeac sing modacbesena. Ge ifi anna yeng miacguma bangecyombongga genu mingina annade. Nga yeni geac kicfu ngic Anutu ngadehema mangana megecdeac ayemmeande, meicyunugec kpac anggecde.

Mataio 25:46

Nga yeneng kopocsicac turunga kpendzeng nasoya kpac kpekecbesandaeac kenggecde. Nga areng dindingac yeneng kekecseriu enggecde.”

Ruka 21:19

Ngeni seriangoc namma kekecngina onggonggebesandae.

Ruka 8:15

“Anu gbome bangec kerehagocfu heiec, imoc ngic goa yeneng Anutuac yoac negemma ubaherenginau faima sing dindingac nga gombunga mekecgecde. Mekecma seserigoc kecma fora meficgegecde.”

Yohane 4:36

Ifi anu heihomec nga kpememengic yeri yerahafoc ubangerec negenecdeac kpememengicngo uayaac bung mema kekecseriac fora ifingoc mekpedzuc anude.

Yohane 5:44

Ngeni ngenaocngoc dengereemema Anutu mocgu yearunac dedengerec haande, imocac mi angemmeudeu ngeni ye negensinggegecdeac obohogecde.

Roma 2:10

Ngicngac faka nga angammeme gombunga angkecdae, yeni sasawango kurumenggac kuc nga kibikperagia nga eweheihei amma ruae meficgegecde. Yuda arengngo imoc waraima meficgemagec grik areng yeneng ifingoc meficgebesandae.

Roma 6:23

Imoc yofiac, kopocsicac buma imoc homec megecde nga Anutuac wosoefac, imoc Kebunina Yesu Kristoac amma kekecseri buma kpac nemmebesande.

Roma 8:18

Imoc yofi negensiduae, kuc kibikperagiagoc ngadeu nenannu fingectegecbesande, imoc wiac engena yombong nga yofinenggac ebic fingecnemmekecde, imoc wiac mamea.

1 Korinti 15:42

Homecfunac yacyac, imocac siriha ifinoc fede. Ngic sebingina bangecfu faiandimbe, imoc pereckema dzamema kpac anude. Nga Anutungo imoc monggoc megboriu imocngo fekengkecbesande.

1 Korinti 15:50

Tosofocna, sebi sacfusigocngo Anutuac eucererenggac mingina naric mi anude, kpac. Wiac pereckema dzameude, imocngo wiac fekengkefudeac mingina ifingoc naric mi anude, imocnoc edengunuduae.

1 Korinti 15:58

Tosofocna, Kebuac ua meandae, imoc sicsauc mi meandae, ngeni imoc negendae. Ngeni imocac Kebuac ua mi wabisia, kpac. Ngeni nasosoc seria namma imoc mekecbisia.

Garata 6:9

Imocac amma faka gombungaac kucmama mi ambisina. Nenang modzotitia kpac kecma faka gombunga amma kecmina nasoyada hau semeng fora gombunga menide.

Efeso 6:24

Ngicngac Kebunina Yesu Kristo heregoc yeac songo negendae, ngenearu danggunuc nga songotoaya wisic wisickea kpac imocngo fekengkecbeso.

Kolosai 1:27

Anutungo yoac sufu sufuya feec, imoc kpetiac areng ngenearu dekperagiudeac negenec. Yoac sufu sufuya yofi feec, yeng bangec monnunac ngicngac, yenearu kuc nga kibikperagi homacngoc edzacyunuude. Imoc yofi, Kristongo ubaherenginau kecde nga yeac uaac amma Anutungo kurumennu ngeneac kuc nga kibikperagi faiu tomaingina fede.

1 Timoteo 1:17

Ngictau wisic wisickea nga home homea kpac nga mi hengena ye mocgungo Anutu kecde. Ye eweheimima yeac dedengerec nga dedengerec fekengkecbeso, imoc fora.

2 Timoteo 1:10

Ifi femanu yagucnoc memengerecnina Yesu Kristongo hau Anutuac wosoefac areng imoc fingectegerec. Fingectegeru yeng homec meickema kekec dzonggo dzonggoya kpac, imoc kperagiau mehau hening. Yeng siduc gombung nemmeu kekecseriac faka hentegering.

Hebiraio 2:7

Naso wegenanecsac angero yeneac mamea anudeac geng faina kefec. Amma ye kuc kibikperagiagoc kekecac iraya heiminec.

Hebiraio 6:12

Imocac ngeni oyonga mi kecbisia. Ngicngac negen negensing seriangoc modzotitia kpac mekecdae, yeni eucererenggac wiac Anutungo warac deyemmeec, imoc mebesandae, ngeni ifi amma yeneac siric modacbisia.

Hebiraio 6:15

Anu Abarahang ye naso hereangoc tomai kefec. Amma ubea kuha mi mamanu Anutungo wiac miudeac deec, imocac fora fingeru henec.

1 Yohane 2:25

Medac ye yengenaoc kekecserinoc nemmeudeac deserinemmeec.