Roma 10:3 - Deduamiti

³ Amma yeni yenaocngoc sing dindingac meficgegecdeac arenggema uaya mekecdae. Nga Anutungo sing mong bic meficgema ngicngac dindingac deyemmeande, sing imoc ine mi negendae. Ifi amma yeni Anutuarunac kekec dindingac fede, imocac bageau kecgecdeac waandae.

Yoak kekehagocac Dzadzahac gboria nga Mitiyegec

³ Amma yeni yenaocngoc sing dindingac meficgegecdeac arenggema uaya mekecdae. Nga Anutungo sing mong bic meficgema ngicngac dindingac deyemmeande, sing imoc ine mi negendae. Ifi amma yeni Anutuarunac kekec dindingac fede, imocac bageau kecgecdeac waandae.

Roma 10:3 ပူးပေါင်းရင်းမြစ်များ

Nehemia 9:33

Nga wiac sasawa imoc fingecnemmeec, naso imohai ge fakaga dindingac modacma garennunukecnec nga neneng ine mangana haniahania angkefing.

Mitiyegec 71:19

O Anutu, geac fakaga dindingac imocngo wi engkecma kurumenga kurumenga kpesereyunuude. Geng wiac engena mema kecnec. O Anutu, ge isoc mong mi kecde.

Danicel 9:24

Yoac yofi deserigec, geac taongga kpetiac nga ngicngacarengga yeneac ebicngina imoc sonda sewenti anu wisickeude. Imohai sing feraheandae imocac faka kpac ambeso nga kopocsicngina kpae faima kopocsicac ngaba meickebesandae. Amma dindingac kekec feengkefude imoc mehabesandae nga kpefinnu onga nga profeteyoac foraya fingecbeso amma kpetiac yeneac Kpetiac yombong kerecdoku nadzicmibesandae.

Ruka 10:29

Nga ngic ye Yesungo yeac ngic dindingac debeso, ifi negemma kpesimiec, “Nga ngicngac neac wegenac kecdae, imoc merac yombong?”

Ruka 16:15

Ammigec Yesungo yofi edeyunuec, “Ngic yeneng dindingac dengemmegecdeac ngeni imoc yeneac kicfu faka dindingac angkecdae. Nga Anutungo ine wiac ubaherenginau fede, imoc negendacde. Imoc yofiac, ngic yeneng wiac monggac negenggec engena angkecde, imoc Anutungo henu faka mangana yombong ande.

Roma 1:17

Anutungo ngicngac dindingac denemmeande, imocac siduc gombunnu yofi fingectegecande, negen negensinggoc hanahema negen negensinggoc mesibesonga. Amma yoac yofi bic oho ohoya fede, “Ngic dindingac ye negen negensinggoc kecma kechereema kecbesande.” (Hab 2:4)

Roma 10:2

Amma ni yeneac hepuc amma yofi deduae, yeni Anutuac kingang kpegecdeac ngombongemema seseri angkecdae. Nga ye dafi kingang kpemibesonga, imocac negen negentegec ine mi feyemmede.

Roma 10:20

Yesaiango kengeha kpac imocac torokpema bangeha bangeha ngicngac, yeneac yoac yofi deec, “Ngicngac yeneng ni mi hofocnuma eng meficnugec. Nga neac dekpesia kpac kecgec, yenearu fingecyemmeai.” (Yes 65:1)

Roma 11:7

Imocac amma yofi fede, Isracel yeni wiac megecdeac uatoa mekecma imocac fora mong mi meficgegecde. Nga Anutungo ngicngac yeneac botucfunac meisingyunuec, yeneng ine wiac imoc meficgegecde. Anu Isracel noboha yeni ubaseri nga ubafong amma kecdae.

Roma 3:22

Anutungo Yesu Kristo fainemmeec nga ngicngac ye negensinggedae, yeneac dindingac deyemmeude. Nga ngicngac sasawa nenang siricnina mong mong mi ande,

Roma 3:26

naso herea modzotitia kpac tomaingina kefec. Ye naso yofinenggac ngicngac Yesu negensinggekecdimbe, nenang dindingac denemmeude. Ye yengena dindingac, imoc edzacnunuudeac negensima Yesuac uaac amma dindingac denemmeude.

Roma 5:19

Nga ngic mocgungo enac tofoc tofoho faka wau ngicngac ebiriangoc yeni kopocsicnginagoc andacgec. Nga ifi isocngoc ngic mocgungo enac tofoc tofoha anecac amma Anutungo ngicngac ebiriangoc yeneac dindingac deyemmeec nga deyemmeude.

2 Korinti 5:21

Kristo ye yengena kopocsiha kpac. Amma yeng donina mema kopocsicac ebicfu enec. Enu nenang yegoc kpeketahema Anutuac ngicngac dindingac amma kecdimbe.

Firipi 3:9

Dedeseriyoac modacma neanna kucfu ngic dindingac ambadeac mi negensikecduae. Anutungo negen negensinggac sing yofi faiec, ngic mong ye Kristo negensinggeude, ye ngic dindingac anude. Ifiac amma Kristoaru kpeketaheba Anutungo nenu ngereeudeac anengande.

2 Petoro 1:1

Ni Simong Petoro, Yesu Kristoac wanacngic nga aposorongo kibi yomoc ohoduae. Nenang Anutu nga memengerecnina Yesu Kristo, yeri dindingac, imocac amma ngeni nigoc negen negensinggac nadunga mocgu meficgenemmeoc. Imoc wiac engena yombong. Kibi yomoc ngenearu kende.