Roma 1:9 - Deduamiti

^9-10 Ni numuanduae, imohai nasosoc ngeneac negensima numukecduae. Anutungo imoc hemma hepucna ande. Nga ongaasunango uaya mekecma yengena Medahaac siduc gombung dekperagianduae. Amma ni nasosoc Anutu numumiba yeng negenu naric anu ngenearu bic habade.

Yoak kekehagocac Dzadzahac gboria nga Mitiyegec

^9-10 Ni numuanduae, imohai nasosoc ngeneac negensima numukecduae. Anutungo imoc hemma hepucna ande. Nga ongaasunango uaya mekecma yengena Medahaac siduc gombung dekperagianduae. Amma ni nasosoc Anutu numumiba yeng negenu naric anu ngenearu bic habade.

Roma 1:9 ပူးပေါင်းရင်းမြစ်များ

Mareko 1:1

Yomoc Yesu Kristo Anutuac Medac, yeac siduc gombung hanahema fingerec,

Ruka 18:1

Medac yeneng nasosoc modzotitia kpac nunumu ua megecdeac Yesungo yoac mong heima yofi edeyunuec.

Aposoro 12:5

Ifi anggec Petoro ye witicamau tacmanu kpebung yeni tatahoc Anutuaru numukecgec.

Aposoro 19:21

Paurongo mising ua imoc mesidacma yofi deec, “Asungo ubanau negen negeng nendeac Makedonia nga Akaia bangec ferecgema Yerusalennu kemma tacba wisickeu Roma taonnu kembesare.”

Aposoro 24:14

Amma mong deficgegemba negenna: Sing gboria goango miti miti deandae, imoc modacduae. Imocac sinnu kisicfocnina yeneac Anutu eweheimima yoac sasawango dedeserinina modacde, imoc nanggeanduae. Amma profete yeni yoac deoho anggec, imoc negensinggeduae.

Aposoro 27:23

Worang tofocnac Anutunaac enac tofoc tofohoya kecduae, yeac angero mongngo nearu hama namma

Aposoro 3:26

Ngeneacnoc bic negensima Anutungo medaha sueu mama fingerec, imoc ngeni sasawa kpenggodzuac sinnunac merengngunudacma kenecngunuudeac ifinoc anec.”

Roma 9:1

Ni Kristogoc kpeketahema yoac fora deduae, ikoc mi anduae. Nga Tiri Asungo here negen negenna midiu imocngo hepucna anu yofi deduae.

2 Korinti 1:23

Anu Korinti amau mi hayai, imocac hania yofi, ni botucnginau demeting yoacsac debaiac imoc wama mi hayai. Dedena imoc Anutu yengenaoc negemma hepucna ande.

2 Korinti 11:31

Ni ikoc mong mi deduae, imoc Yesu Kristoac Anutu nga Manggacngo negende. Ye wisic wisickea kpac nasosoc dengerebesonga.

Garata 1:20

Yoac ohoduae imoc ikoc kpac, imoc Anutuac kicfu deduae.

Efeso 6:18

Asungo ngenearu ua meu nasosoc Anutu kpacsambic ammima kecma nunumungina numumibisia. Ngeni gaugbori kecma seserigoc amma kpetiac areng sasawa yeneac negensima ifi angkecbisia.

Firipi 1:3

Ni ngeneac negensianduae, naso imohai Anutuna ubangerec edeanduae.

Firipi 1:4

Siduc gombunggac ua hanaheaiunac erema yaguc ande, ngeni nigoc ua areng mocgu mema kefing, imocac amma ngeneac negensima sogac sogaigoc numuanduae.

Firipi 2:22

Nga Timoteo ye fakaya gombunga, ngeni imoc negendae. Ye medacngo mamagoc ua mekecde, ifi isoc nigoc siduc gombunggac ua meficnuu mekecdipe.

Firipi 3:3

Anutuac Asungo faka nenearu meu Anutuac ua mekecdimbe, nenannoc sebi tosa herec herecgea areng andimbe. Neni Yesu Kristoac negenni engena ande amma negen negensinnina nenannu mong mi fainide.

1 Tesaronike 1:2

Neni tatahoc ngeneac amma dangge dema Anutu Manninaac kicfu nunumuninau negensingunukecdimbe. Ngeni negensinggema angammeme gombunga meficgema ngicngac heresongogoc hoangyunugecdeac uatoa meandae. Amma ngeni modzotitia kpac kecma Kebunina Yesu Kristo, yeac negenserima kecdae.

1 Tesaronike 3:10

Nga neni kicmesungina hennideac hadzing tofocnac heregoc seriyombonggema numukecdimbe. Nga negen negensingnginau kpedadanggedae, imoc meficngununideac negendimbe.

1 Tesaronike 5:17

Amma ngeni tatahoc numuma kecbisia.

1 Timoteo 2:7

Ni yoac imoc dekperagibadeac Anutu yengenaoc meisinnuma aposoro fainuec. Fainuu yeac yoac negensinggema bangec monnunac ngicngac, yeni yoac fora edekpou ayemmeai. Imoc fora yombong, ikoc mi anduae.

2 Timoteo 1:3

Esangabofocna yeni Anutu eweheimigec, ifi isocngoc herenegen negenna kpetiacgoc kecma eweheimima dangge deduae. Ifi dema hadzing tofocnac numuma imohai ge negensiguma kecduae.

Firemong 1:4

Negen negensinggoc tosona, Kebu Yesu negensinggema kpetiac areng sasawa heresongogoc hoangyunukecnec, geac siduc ifi negengkecduae. Imocac amma nunumunau geac negemma nasosoc Anutu dangge edekecduae.