Owadya 1:21 - Deduamiti

²¹ Amma Isracelngicngac ngabaunac mesiyunugec yeneng Tsiontikiu emma ihai tacma Edombangecac sifec garenggebesandae. Garenggegec ngictau ua imocngo Kebuac ambeso.

Owadya 1:21 ပူးပေါင်းရင်းမြစ်များ

Fingec fingec 25:23

Kpesimiu yofi dema edeec, “Heregau areng yohockang tacdape. Nga ngichabu yohockang gearunac fingecma faiemeecde. Mongngo seseri amma mong ferahaude nga darango ine muneaac kingang kpebesande.”

Nehemia 9:27

Anu geng ngabafocngina yeneac mariu faiyununa yeneng meenti memati ayemmegec. Ifi amma meficyununadeac kpacsambic anggenggec geng kurumennunac kiacngina negemma onggong-onggongngic meisingyununa yeneng ngabafocngina yeneac mariunac mesiyunugec.

Mitiyegec 102:15

Bangeha bangeha ngicngac yeneng Kebuac kpac kunenggac kengec amma eweheimigec bangecfu ngictau sasawa yeneng geac kuc nga kibikperagigaac ewea heibisia.

Mitiyegec 22:28

Kebu, kuc minginango bangec monnunac ngicngac garengyunuude.

Mitiyegec 22:29

O, bangecac ngicngac yeni yenanggac negenggec wiac engena ande, yeni sasawango yeac kicfu ngonducnegecde. Yeni sasawango yeac kicfu ngonducnema bangecfu sendunnu kenggecde. Ngic yeni kekecngina garenggegecdeacsoc mi amma homedacgecde, yeni yeac kicfu ngonducnegecde.

Mitiyegec 47:7

Anutu ye bangectoa bangec imocac ngictau. Ngeni yeac yegec heimima ye dengerebisia.

Mitiyegec 67:4

Ge monde mondega kpac kecma ngiha ngiha siric mocguu isingyununade nga bangec monnunac ngicngac sing edzacyununa imoc modacgecdeac yeni ubangerec negemma sogac sogai yegec heigembisia. Selac

Danicel 12:3

Anu negen negengngina irec ireckea yeni sawaac kperagia isoc kperagiagoc anggecde. Nga goa yeni ngicngac homac dindingackekecac sinnu faiyunugec, imoc yeni asomeng isoc kperaginginagoc amma nasoya nasoya feengkecgecde. Yoac imoc fora.

Danicel 2:35

Hedzameyuruu aieng, bangec nga aieng sacsac nga silwa amma gol imoc yeni wiac mocgu isoc dzamedacgec, yeni wenacnasou witsebera meic meicke amau fingecande ifi isoc firangngo fifirangyunuu kendacma kpac andacgec. Anu hocngo ongatoa kpeecmoc ye meremma tikitoa amma bangectoa bangec sasawa mewakedarec.

Danicel 2:44

Anu ngictau, imoc yeneac nasou kurumenga kurumengaac Anutungo eucerereng mong fefeseri feudeac faiude, imoc naric mi kpetotiebesandae. Nga imoc garenggegecdeac kuc ngicngac mong mi yemmegecde. Eucerereng imocngo eucerereng sasawa imoc kpedzamedaru kpac anggecde. Nga yengena ine fefeseri febesande.

Danicel 7:14

Anu yeng garengyunuudeac kuc mima kuc kibikperagiagoc nga eucerereng migec ngicngacareng nga bangecareng amma yoacareng sasawango yeni yeac enactofoc tofohoareng amma eweheimibesandae. Ye ngickuneng amma nasoya nasoya garengyunu kecengkecbesande, imoc wisic wisickea kpac. Yeac eucererenga imoc mong mi kpetotiebesandae, kpac.

Danicel 7:27

Anu eucerereng nga ngictau kecgecdeac kuc nga ngickuneng amma garengyunugecdeac kuc imoc Engenatoaac kpetiac ngicngac yeni yemmegec yeneng kurumenggac bageu eucerereng sasawa garengyunuma kecgecde. Yeac eucerereng imoc feengkecbesande. Ifi feu ngictau bangec kucnginagoc sasawa yeni ye eweheimima yoara tofohobesandae.”

Yoele 2:32

Nga damoc yeneng Kebuac kpac kpacgecde, yeni komockpegecde. Imocac Kebungo yofi deec; ngicngac goa Tsion tikiu nga Yerusalaimnu kecdae, yenearu yungecyungec fingerude nga ebic imocngo ine mi memayunuude. Kebungo ngicngac meisingyunuec, yenennoc komockpegecde.

Mika 4:7

Anu neng ngicngacfocna hani mangang tosea damoc meicyunukenggec, yeni meseriyunuba bangecareng kucnginagoc anggecde. Nga Ni Kebu neannaoc Tsion tikiu ngictaungina amma nasoyakpac bubungyunuma kecengkecbesanduae.

Dzekarya 14:9

Anu Kebu yengenaoc bangeha bangehaac ngictau amma kecbesande. Naso imohai Kebu mocgungosac kecbesande amma ye mocgu kpara Kebunoc.

Mataio 6:10

Nga eucererengga hanemmebeso. Kurumennu geac songo nga negen negeng modacgec fede, siriha imocngoc bangecfu nenearu fingecbeso.

Mataio 6:13

Ge faitobannu mi fainununa nga manganaunac mesinunubesena.’

Ruka 22:30

Kecma ngeni eucererennau yaka nga doku nema tacgecde. Amma ngeni ifingoc ngictautatac mema Isracel kisic 12 yeneac fakangina isinggema desibesandae.

1 Timoteo 4:16

Mekecma geangga garengemema yoac edekpou ayemmekecnec, imoc ifingoc garenggebesena. Ifi annadeu ge nga ngicngac yoacga negengandae, ngeni ngenahafoc komoc kpegecde.

Yakobo 5:20

yeng yofi negembeso, ngic tosoya manganaac sinnunac merende, ye ngic yeac ubaongaya homecfunac mesimiu kopocsic homac kperaheude.

Yohaneac kpefing 11:15

Anu angero wisic wisickeango trampeha fifiu kurumennunac enacudumengtoa mong fingecma yofi degec, “Kebunina nga yeac danggunucngic Kristo yeri yaguc bangectoa bangec sasawaac mingina andape. Amma Kebuninango ngictau kecde nga kecengkecma kecbesande.”

Yohaneac kpefing 19:6

Ifi deu udumeng mong negemba, imoc areng kuneng yeneac enacudumeng isoc anec. Imoc doku homac yeneac udumeng nga gbururungtoaac udumengtoa isocngo yofi degec, “Kebu Anutunina kuctoa minginango ngictau bic amma kecde, halleluya.

Yohaneac kpefing 20:4

Anu ni ngictau tatac homac henai. Ngictau tatac imocac witiau tacgec, yeni ngicngac yoacfu faiyunugecdeac uayoac yemmeyemmea. Amma wasaipusi nga ongea mi numumima kibia mesunginau me maringinau mi megec yeneng Yesuac dedekperagi amma Anutuac yoac dekperagigec. Imocac amma ngic yeneng ubangina herecgegec, yeneac ubaongangina henai. Hemba yeni sasawango kifa 1 tausenggacsoc Kristogoc kecma ngicngac garengyunugecdeac ua megec.