Nehemia 9:8 - Deduamiti

⁸ Amma ye here nengennegenga hafoangoc gearu feecac geng imoc henna ngereeu Kenacangareng, Hitiareng, Amoriareng, Peridziareng nga Yebuareng amma Gilgarareng, yeneac bangec sasawa imoc esamedacfora yemmenadeac yegoc dzadzahac menec. Ge dzadzahacga imoc modacnec amma geac fakaga imoc dindingac.

Nehemia 9:8 ပူးပေါင်းရင်းမြစ်များ

Fingec fingec 12:7

Imohai Kebungo Awram fingecmima yofi dema edeec, “Ni bangec yomoc geac bangecga mibeso anduae.” Amma Awram ye imohai Kebu fingecmiecfu yeac arata mong meec.

Fingec fingec 15:6

Anu Awram ye Kebu negensinggeec imocac amma Kebungo yeac ngic dindingac demiec.

Fingec fingec 22:12

Ifi deu yofi meremmiec, “Ge medacgaaru mariga mi sinena nga wiac mong mi ammina. Ge medacga mocgu ye mi segerenendanggac amma ge Anutuac yoac modacma eweheihei ammiannec imoc yaguc negengguduae.”

Nehemia 9:33

Nga wiac sasawa imoc fingecnemmeec, naso imohai ge fakaga dindingac modacma garennunukecnec nga neneng ine mangana haniahania angkefing.

Mitiyegec 116:5

Kebu ye wosoefac nga faka dindingacac Kebu. Anutuninango ubamangang anemmeude.

Makekeng 3:17

Ifi anu deserima yofi deduae, ni Aigitabangecac sisic kpendzennunac wangecngunu kengkecma kenacanngic, hittingic, Amoringic, peridzingic nga hiwingic amma yebusingic, yeneac bangecfu faingunubade. Bangec imohai namu nga hanifosoc doku isoc hakecde.

Makekeng 3:8

Imocac ni aigitangicngac yeneac mariunac yungecyunuma onggongyunuba komoc kpegecdeac negemma madua. Amma bangec imohacnac wangecyunuma kemma bangec gombunga nga kunengtoa ihai faiyunubade. Bangec imohai namu nga hanifosoc doku isoc hakecde. Imoc kenacanngic, hittingic, Amoringic peridzingic nga hiwingic amma yebusingic yeneac bangecfu faiyunubade.

Bangec kisiu 13:29

Amalekareng yeni Negewbangecfu kecdae nga hitingic, yewusingic nga amoringic yeni sifecbangecfu kecdae. Amma kenacangngic yeni ine kondung tegiau nga Yardendokuac tegiau kecdae.”

Bangec kisiu 23:19

Anutu ye bangecngic kpac, imocac ikoc mong naric mi anude. Ye bangecngicac medac mi ande, imocac ye monde mondeya mong mi fede. Yeng yoac mong dema faka imoc meude. Ye yoac dema ua imoc mesiude.

Aposoro 13:22

Kecmanu ye meickema ngictaungina Dawidi faiec. Amma yeac hania yofi dekperagiec, ‘Ni Dawidi, Isaiac medac yeac ubana ngereeu ye hengising ammiai. Yennoc enac tofoc tofohona kefude.’ ”

Tito 1:2

Yoac imocngo kekecseri meficgeude, imoc negensinggedimbe. Anutu memengerecnina yearu ikoc mong mi fede, yeng hanac hanaheaunacngoc kekecseri menideac enarango deseriec.

Hebiraio 11:17

Anutungo Abrahang faitobannu faiu, yeng yoara negensinggema medaha faiu sesegereha ambeso anec. Nga Anutungo medac yeac warac yofi deec, “Isakaarusing geac bangecfocga yombong debesandae.” (Fing 21:12) Medaha mocgu imocnoc ye dzadzahacac areng kefec ye sifu mema sesegereha anudeac deec.

Hebiraio 6:18

Ye ifi dema yoac seria yohockang meficgenemmeec. Yoac yohockang ifi feecac yoara ikoc naric mi anude. Fakaya ifia negenni imocngo ebiriangoc meserinunuu bangecac wiac naric wama wiac ngade menideac deec, imoc seria mekecnide.

1 Yohane 1:9

Nga kopocsicnina deficgenideu Anutu faka dindingac mekecdengo yoac dedea modacma kopocsicnina wanemmema mangananina sasawa dzuarude.