Nehemia 9:6 - Deduamiti

⁶ Ge mocgungo KEBU, geng kurumeng nga sawau asomeng amma angero habufocnginagoc meficyununec. Amma bangec nga bangec witiau wiac fekende nga kondung amma kondung manau wiac sasawa fedacde imoc meficyunudacnec, ge mocgungo wiac sasawa kekec yemmeannec. Anu kurumennu angero habuya habuya yeneng dengeregu kecdae.

Nehemia 9:6 ပူးပေါင်းရင်းမြစ်များ

Fingec fingec 1:1

Hanac hanaheaungoc Anutungo bangec nga kurumenga kurumenga meficyunuec.

Fingec fingec 1:9

Anu Anutungo yofi deec, “Sawa bageau doku mocgungoc kpedzucnebisia anu bangec gbanggebeso.” Deu ifi fingerec.

Fingec fingec 2:1

Anutungo deu bangec nga kurumenga kurumenga amma wiac sasawa imohai fede imoc ifi fingecdarec.

Fingec fingec 32:2

yenemma yofi deec, “Anutuac wasaifora yeneac habu yomoc.” Ifi dema amabangec imocac kpara Mahanayim kparec.

Nehemia 9:5

Anu Lewiareng kpacngina; Yesuha, Kadmier, Bani, Hatsabanie, Tserebia, Hodia nga Tsebania amma Petahia yeneng degec: “Yacma Kebu Anutungina dengeregec. Ye nasoya kpac kechereema kecbesande amma kpara imoc kibikperagiagoc nga engena kenehagoc, imocac dengereni.

Mitiyegec 102:25

Ge hanac hanaheaunacngoc kecma bangecac titiseri fainec imoc seria fede. Kurumenga kurumenga yeni geangga marikibinoc.

Mitiyegec 103:21

Kurumenggac wasai arengfora nga kingang ngicngacfora yeac songo modacandae, ngeni Kebu kenehebisia.

Mitiyegec 115:15

Kebu kurumeng nga bangec meficyuruec, yeng kenecngunubeso.

Mitiyegec 124:8

Kebungo kurumeng nga bangec meficgeec. Nga memeficnina imoc yeac kpacfu fede.

Mitiyegec 146:6

Anutungo kurumeng nga bangec meficgema kondung nga kondung manau wiac sasawa fede, imoc meficgedarec. Ye yoac modac modac Kebu. Ye ifi kecde nga nasoya nasoya ifi kecengkefude nga kecbesande.

Mitiyegec 24:10

Nga kuc nga kibikperagiaac ngictau imoc merac? Ye Kebu wasai habuya habuya yeneac kunengngina, yennoc kuc nga kibikperagiaac ngictau. Selac

Mitiyegec 33:6

Kebungo yoac dema kurumenga kurumenga meficyunuec. Ye enacasuyango wenac nga afo amma asomeng habutoanginagoc meficyunuec.

Mitiyegec 36:6

Tikitoa nangkendae, ifi isoc geac dindingac kekecga ande. Ge yoacfu sing dindingac modacma yoacngina desiyemmeannec, imocngo kondung keme kemea isoc ande. O Kebu, ge ngicngac nga yang hania hania momoc onggongyununade.

Mitiyegec 86:10

Ge mocgungo Engenatoa kecma faka bibiagoc mekecnec amma geng Anutu.

Yona 1:9

Ifi degec yofi deec, “Ni hebiraiongic amma ni kurumenggac Kebu Anutu yeac kengec amma eweheimianduae yennoc kondung nga bangec kerenga meficgeec.”

Yohane 10:30

Ni nga Manggac neri mocgu.”

Aposoro 4:24

Negemma yeni uba mocgu amma Anutu kpacma dengerema yofi degec, “Kuctoa mingina, ge kurumeng nga bangec amma kondung nga imocac iwai hania hania meficyununec.

Hebiraio 1:3

Anu Medac ye yengenaoc Anutuac kperagia amma yeri siricngira mocgu andape. Nga Medac ye yoara kucgoc amma imocngo wiac sasawa bangecfu nga sawau amma kurumennu fekendacde, imoc nanggedaru fede. Amma ye ngicngac sasawa nenanggac kopocsic heidzuac ua mesima kurumennu Ngictau kuhagoc yeac foiau enec tacde.

Hebiraio 1:6

Amma ye waracmedaha bangectoa bangecfu kefudeac hesicke haec, naso imohai yofi deec, “Anutuac angero sasawa yeneng ye ngonducnemima afehebisia.” (Dser 32:43; Septuaginta mitikibiunac.)

Yohaneac kpefing 14:7

enacudumeng kunengngo yofi deec, “Ngeni Anutuac damungunuu eweheimibisia. Anutungo ngeneac yoac desiude imocac naso bic hadeac ngeni kurumeng nga bangec amma kondung nga dokukiwa meficyunuec, ye numumibisia.”

Yohaneac kpefing 4:11

“Ge Kebu nga Anutunina. Geng wiac sasawa dena fingecdarec. Ifi arenggema meficgedacnecac geng kibikperagi nga eweheihei amma kuc sasawa medacna ngereeyombonggede.”