Nehemia 9:5 - Deduamiti

⁵ Anu Lewiareng kpacngina; Yesuha, Kadmier, Bani, Hatsabanie, Tserebia, Hodia nga Tsebania amma Petahia yeneng degec: “Yacma Kebu Anutungina dengeregec. Ye nasoya kpac kechereema kecbesande amma kpara imoc kibikperagiagoc nga engena kenehagoc, imocac dengereni.

Nehemia 9:5 ပူးပေါင်းရင်းမြစ်များ

Nehemia 9:4

Lewiareng yeneac kandzeu Yesuha, Bani, Kadmier, Tsebania, Buni, Tserebia, Bani nga Kenani yeneng namma kunengngoc arohoma Kebu Anutungina kpacsambic ammigec.

Nehemia 9:6

Ge mocgungo KEBU, geng kurumeng nga sawau asomeng amma angero habufocnginagoc meficyununec. Amma bangec nga bangec witiau wiac fekende nga kondung amma kondung manau wiac sasawa fedacde imoc meficyunudacnec, ge mocgungo wiac sasawa kekec yemmeannec. Anu kurumennu angero habuya habuya yeneng dengeregu kecdae.

Mitiyegec 106:2

Kebungo faka kuhagoc mekecde, ngic mongngo kucfaka ifia naric mi deude nga ye kucfaka imoc dengereudeacsoc kpac.

Mitiyegec 134:1

Kebuac kingang ngic Kebuac amau tofocnac nangandae, ngeni sasawango hadacma Kebu kenehebisia.

Mitiyegec 145:2

Ni wenacsoc kenecguma geac kpac kuneng nasoya nasoya heiwayong memibesandua.

Mitiyegec 145:5

Ge kibikperagiagoc nga ngictauac kucgagoc amma ua bibiagoc mekecnec, yeni imocac yoac degec ni imoc hennegeng amma negensikecbade.

Mitiyegec 146:2

Ni kekecnau Kebu afehema kekec kecbadesoc Anutunaac dedengerecyegec heibade.

Mitiyegec 16:2

Ni Kebu yofi ededuae, “Ge Kebuna, forangoc, gea kpac wiac mong gombunga naric mi mekecbai.”

Mitiyegec 66:2

yegec heima yeac kpac kuneng heiwayong memima ye oyang boyang memima

Mitiyegec 99:3

Geac kpacga imoc damu damuyagoc. Yeneng imoc dengerebisia. Kebu ye kpetiac.

Makekeng 15:11

O Kebu, nemuonga nga anutu hania hania yeneac botucfu ge isoc mong mi kecdae! O, ge isoc mong mi kecdae. Ge engenatoa ngictauac kucgagoc amma ge kpetiac. Ge damu damugagoc amma faka bibiagoc angkecnecac geac heiwayong anggemma yegec heigembesonga.

Makekeng 15:6

Kebu, geac marifoigaac kuc imoc damuyagoc yombong. O, Kebu marifoigango faka kuhagoc mema ngabafocga kpedzameyununec.

Danicel 2:20

yofi deec, “Anutuac kpara warac hanac hanaheaunac kecerema nasoya nasoya nga nasoya kpac kenehema kecbesonga. Ye Negen negentegec nga Kuctoa mingina.

Mataio 11:25

Naso imohai Yesungo yofi deec, “Manggac, kurumeng nga bangec mingina, ngicngacareng negen negentegecnginagoc nga fitira andae, geng yeni wiacga sasawa yomoc mesufuyemmenec. Amma nambaracbisic bisic, yeni ine wiac yomoc mekperagiyemmenec, imocac dengereguduae.

2 Korinti 4:6

Anutungo yofi deec, “Kundununac kperagi fingecna.” (Fing 1:3) Anutu yennoc ubaherenina mekperagikecde. Amma Kristo ye Anutuac kuc nga kibikperagia negentegecde, negen negentegec imocngo yeac kicmesuyaunac hama ubaherenina mekperagiude.

1 Petoro 1:3

Nenang Kebunina Yesu Kristo, yeac Anutu Manggac kenehebisina. Yeng wosoefactoa kpenemmema Yesu homecfunac megboriec. Sing imohai nenang kekec meficgenemmeu fingec fingec gboria fingering. Ifi fingecma yeac wiac kekehagoc fingecnemmebesande, imoc negensinggema kecdimbe.