Nehemia 9:32 - Deduamiti

³² Anutunina ge Anutu engenatoa amma kuctoagagoc nga damudamugagoc amma ge dzadzahac mema songoga edzacnunuannec. Imocac ge ngictaufocnina, enarafocnina, womonggarengfocnina, profetefocnina nga esangabofocnina amma ngicngacfocga sasawa Asiriaac ngictau yeneac nasounac erekecma yaguc ebic sasawa fingecnemmede, imoc hemma meficnununa.

Nehemia 9:32 ပူးပေါင်းရင်းမြစ်များ

Nehemia 1:5

Amma yofi deai, “Kebu kurumenggac Anutu, ge Anutu Engenatoa amma damudamugagoc. Ngicngac geac songo negemma dedeserigango modackecdae geac songoga nga dzadzahacgango yenearu fekecde.

Mitiyegec 47:2

Kebu Engenatoa ye bibiagoc, ye bangectoa bangec imocac ngictautoa.

Mitiyegec 66:3

yofi debisia, “Geng wiac angannec, imoc wiac engena yombong, imocac kerectegec andimbe. Ge kucga monggoc, imocac ngabafocga geac bageu kecma ngonducnegecde.

Mitiyegec 66:5

Ngeni hama Anutungo ua meec, imoc hembisia. Ye bangecngicngac nenanggoc kecma ua bibiagoc meude.

Makekeng 18:8

Emma Mose ye Kebungo Isracel yeneac amma Pareco nga Aigitangicngac yenearu faka sasawa meec imocac yoacsiduc yofea ammidarec. Amma sinnu kemmagec ebic hania hania sasawa kucngina memaudeac fingecyemmeu Kebungo ebic imohacnac onggongyunuec imocac siduc momoc ammiec.

Danicel 9:4

Amma ni neanna nga ngicngacfocna yeneac kopocsicngina deficgema Kebu Anutunaac numuma yofi deai, “Kebu Anutu Engenatoa ge damugagoc. Nga ngicngac ge songogoc hoangguandae nga geac dederecgeyoac modacma kecandae ge yenigoc dzadzahacga menec imoc modacma kecnec amma ge wosoefac ayemmeannec.

Danicel 9:6

Amma enactofoc tofohofocga profete yeni geac kpacfu ngictaufocnina nga ngicenarafocnina nga mangesafocnina amma bangecninau ngicngac sasawa yoac edeyunugec neni imoc yeneac kedzac kpema mi negengyemmeing.

Danicel 9:8

O Kebu, neni geac kicfu kopocsic meficgeinggac game kpekpe imoc ngictaufocnina nga ngictaufocnina yeneac medacfocngina amma bangecfocnina neneac ande.