Nehemia 9:26 - Deduamiti

²⁶ Anu yeneng ine ifi ammaguc yoacga kpema ngadegugec nga singyoacga uba ngadenginau faiandae. Amma faka wonongagoc eweheiheiya kpahac amma Profetefocga yeneng ubangina dzigeneudeac goroyoac edeyunugec, yeneng imoc kpebucyunudacgec.

Nehemia 9:26 ပူးပေါင်းရင်းမြစ်များ

Nehemia 9:18

Yeni ubanginaac netohoma golngo burumaka ongea mema yofi degec, ‘Yomocngo neneac anutu. Yennoc Aigita bangecfunac wangecnunu haec,’ Dema faka wonongagoc eweheiheiya kpac anggec.

Nehemia 9:29

Nga ge singyoacga ngadehebauac gorongina kpenec ammanu yeneng ine ubaseri amma dederecgeyoacga mi modacgec. Nga yeni dedeseriyoacga bic dedea feec, imohai kopocsic meficgegec. Amma yeneac botucfunac yoacga modacgec yenengsac kekec gombung meficgegec. Nga ubaseri amma ngadegugec, yeni dzingfong kpema geac yoacac kedzac mi kpegec.

Nehemia 9:30

Anu geng kifa homac yumiau tomaingina kecnecac amma Asugango profete yeneac enacfu yoac faiu gorongina kpemagec yeneng sifu yoacngina mi negenggec. Ifi anggec geng ngicngac wegenac kecgec yeneac mariu faiyununec.

Mitiyegec 50:17

Ngeni neac dederecgeyoacac modzongina tiu yoacna ngadehema waandae.

Mataio 21:35

Kenggec ua gareng yeneng ine minginaac wanacngicfora meyunuma mong kpema mong kpehomema mong hocngo heigec.

Aposoro 7:52

Kisicfocngina yeni profete sasawa yunukporac ayemmegec. Profete yeneng dindingac mingina fingecbesandeac kpefingyoac degec nga ngeneac kisicfocngina yenennoc yenahafoc profete imoc yunugec. Kecma Ngic Dindingac yengena fingeru ngenennoc doc mema ye kpehomegec.