Nehemia 9:20 - Deduamiti

²⁰ Ge Asuga gombunga yemmena dederecge ayemmeec. Nga mana yakaga mi segereyemmenec amma ubangina gbanggeu doku yemmenec.

Nehemia 9:20 ပူးပေါင်းရင်းမြစ်များ

Nehemia 9:30

Anu geng kifa homac yumiau tomaingina kecnecac amma Asugango profete yeneac enacfu yoac faiu gorongina kpemagec yeneng sifu yoacngina mi negenggec. Ifi anggec geng ngicngac wegenac kecgec yeneac mariu faiyununec.

Mitiyegec 105:41

Ye hoc kpendziru doku dundungngo mama bangec dokuya kpac, imohai dzuamagoc mekeng feec.

Mitiyegec 143:10

Ge neac Anutu. Ge imocac songoga kpounenna arenggeba geac Asu gombunggango bangec sorongau hesicnubeso.

Makekeng 16:15

Nga Isracelngicngac yeni hemma imoc noc wiacngo ande, imocac obohoma yenaocngoc yofi dekpesi angemegec, “Imoc noc wiac?” Ifi anggec Mosengo yofi edeyunuec, “Imoc icsogong, Kebungo imoc negecdeac faidac.

Makekeng 16:35

Nga Isracelngicngac yeni ine manyaka nema kengkecmagec kifa foti wisickeec. Yeni ngickekecfu kensikegec imohai manyaka kpac anec. Yeni manyaka nema kecma Kenacanbangecac ma fekende ihai kensikegec.

Makekeng 16:4

Ifi degec Kebungo Mose yofi edeec, “Negennec, neng deba icsogong kurumennunac kiadzimbong isoc makefude. Mau ngicngac yeni wenacsoc yaka neandae, imocacsoc wenaha wenaha kemema mekpedzuc ambisia. Ifi ammagec ni faka imohai yeni singyoac seria edeyunuai, imoc modacma kecdae me kpac, imocac hania hembesare.

Makekeng 17:3

Nga ngicngac yeni imohai dokuac homac ayemmeecac Mose ubakpekpeyoac demima edegec, “Ge Aigitabangecfunac meicnunuma neni nga naroangmedacfocnina nga ramaburumakafocnina momoc sasawa wangecnunu hana yei dokuac homebeso andimbe, imoc mi ngereede.”

Makekeng 17:6

Negennec, ni edi Horew tiki haniau hoc witiau ihai hoanggau nambade. Nambareng ge hoc kpena doku eremau ngicngac yeni nebisia.” Ifi deu Mose ye isracel enarafocngina yeneac kicfu ifinoc anec.

Haggai 2:5

Ngeni Aigitabangec wama hagec, naso imohai yofi edengunuai: Ni ngenigoc kecduae. Yoac imocngonoc ngenigoc dzadzahac anai. Anu neac Asu imoc ngenigoc kecde. Imocac ngeni kengec mi ambisia.

Bangec kisiu 11:17

Nammagec ni mama gegoc yoac denegeng amba gearu Asu fede, Asu imocac noboha ifingoc yeneac witiu faibade. Ifi anu ngicngacareng yeneac ebic gegoc momoc tofohogec geng imoc tembucga monggoc mi tofohonade.

Yohane 4:10

Ifi deu Yesungo yofi edeec, “Ge Anutu haringaac hania nga merang dokuac kpesigende, imoc negentegecma kpesimibang debac yeng doku kekehagoc gembac.”

Yohane 4:14

Nga mong ye neng doku miba neude, yeng dokuac monggoc mi ammiude nga ammibesande. Nga doku mibade, imocngo yearu dokukiwa sike sikea fingecma kekecseri meficgemiude.”

Roma 15:30

Negen negensinggoc tosofocna, ngeni Kebunina Yesu Kristoac amma Asungo heresongogoc kekec meficgenemmeande, yeac amma yofi edengunuduae, ngeni seriangoc meficnuma Anutu yofi numumibisia,

1 Korinti 10:3

Amma yeni sasawango Asuac yaka siriha mocgu nekenggec.

Efeso 5:9

Amma kperagiaac faka fora yofi fingeckecde, angammeme gombunga nga dindingac kekec amma faka nga yoac fora dede. Imocac ngeni kperagiaac nambaracfora amma imocac sirihau kecma

2 Petoro 1:21

Imoc yofiac, profeteyoac imoc ngic songou fingeru mi degec, imoc Anutuarunac nga Tiri Asungo imoc mehama enacnginau faiu degec.