Nehemia 9:17 - Deduamiti

¹⁷ Nga geng faka kuhagoc yenearu menec, imoc nigecyunuu ubaseri amma yenang songou sebiengenggoc enara meficyunugec. Amma enara imoc yeneng waraiyemmegec Aigita bangecfu wanac uau kecgec, imohai monggoc dzigenegecdeac negenggec. Anu geng ine kopocsic wawa nga ruaetoa amma wosoefacac Anutu nga herebuga tondzera amma songo fakagango mewakewakeguya, imocac amma ge mi ngadeheyununec.

Nehemia 9:17 ပူးပေါင်းရင်းမြစ်များ

Nehemia 9:31

Anu ge wosoefac nga ruaeac Anutu, imocac ubamangang ayemmema mi ngadeheyunuma meicyununa homedacgec.

Mitiyegec 106:13

Nga yeni ine bic yombong ye uaya mekefec, imoc nigecyunuu yoac dederecge ayemmeudeac tomai mong mi anggec.

Mitiyegec 106:7

Esangabofocnina yeni Aigita bangecfu kecma geac kuc fakaga bibiagoc hengwa anggec. Geng yoac dedzege amma imoc modacnade, imoc wiac engena. Yeneng ine imoc nigecyunuu kondung sacsac tegiau kecma Anutu Engenatoaac yoac kpegec

Mitiyegec 130:4

Nga gearu sifu kopocsic wawa fedeac eweheiheigoc hoanggubesonga.

Mitiyegec 78:10

Yeni Anutungo dzadzahac meec nga yeac dedeseriyoac mi modacma wadacgec.

Mitiyegec 78:11

Yeng wiac bic meec nga kucfakaya bibiagoc edzacyunuu kicnginango imoc henggec, yeni wiac imoc nigecyunudarec.

Mitiyegec 78:38

Yeni kopocsicnginagoc kecgec, forangoc, nga yeng sifu yeneac ubea manganeu manganangina wama mi kpetotieyunuec. Ye naso homac ngabaya dzegema herebuya erebacac imoc kpetarimiec.

Mitiyegec 86:15

O Kebu, ge Anutu ubamangang nga wosoefac mingina. Ge ngaba bic mi annade nga geng yoac dedzege amma imoc modackecnec, fakaga imoc wiac engena. Ge yoac modac modacac Kebu nga faka imocngo wake wakea fegende.

Mitiyegec 86:5

Ge gombunga anemmema kopocsic wanemmenade. O Kebu, geng yoac dedzege amma imoc modackecnec. Nga ngic yeneng hofocgugec geng faka imoc modacma wiac gombunga efea kpac ayemmenade.

Makekeng 32:9

Ifi dema yofi edeec, “Negennec, ngicngac imoc yeni yenengkecba ubaseri yombong andae anu ge ifingoc yennennec.

Danicel 9:9

Kebu Anutunina geng neneac ubaga manganeu kopocsicnina wanadeac numugenduae. Neni geac yoacga nga ubaga kpekefing.

Yoele 2:13

Amma ngeni kopocsicngina heregoc yombong deficgedacbisia nga ngakpingina witiau eng mi kpesuckebisia.” Ngeni Kebu Anutungina yearu dzigenebisia, imoc yofiac, ye ruae nga wosoefactoa mingina amma herebuya tondzera nga songo fakayango mewakewakea. Amma ye kopocsicnina wama ebicfunac mesimesinunudeac efaikecde.

Nahum 1:3

Kebu ye herebuya dengecdengec hakecde nga ye kuctoayagoc amma ngicngac kopocsicnginaac turung kpoukpou faka imoc mi waande nga hoengngo hanititiyaac yube angkecde amma firang kuhagoc nga gbungparandanggac manau sing kengande.

Bangec kisiu 14:11

Henggec KebungoMose yofi edeec, “Ni ngicngac yomoc botucnginau kucfaka hania hania meanduae, imoc sasawa henggec anu yeni ngadenuma kecdae, faka imoc ine mong mi wagecde amma mi negensinnudae.

Bangec kisiu 14:41

Ifi degec Mosengo yofi merengyemmeec, “Ngeni nocac Kebuac dederecgeyoac ferahegecdeac ambeso andae? Ngeni ifi anggecdeu firang mi anggecde.

Bangec kisiu 16:14

Amma ge bangec namu nga hanifosoc doku isoc hakecde imohai mi fainununec. Amma bangec semeng ua nga waing uagoc imohai mi hesicnununa kening. Nga ge kicnina mepisickenadeac denec me? Imocac neni mi erenide.”

Aposoro 7:39

“Kisicfocnina yeni yengena wama yoara membaickema Aigita bangecfu dzigenegecdeac ubangina suema

Roma 9:15

Yeng Mose yofi edeec, “Ni mong wosoefac ammibadeac negemma ye wosoefac ammibade. Nga monggac ubamangang ammibeso negenduae, ye ubamangang ammibade.” (Mke 33:19)

Hebiraio 12:25

Imocac ngeni ngic yoac edengunukecde, ye ngadehebauac garengngina mema kecbisia. Imoc yofiac, Mosengo bangecfu kecma ngicngac goroyoac seria edeyunuu yeni yeac yoac negenggecdeac wama kecma kopocsicac turunga, imohacnac naric mi woragec. Nga yeng kurumenga kurumenga imohacnac mama goroyoac edenunumanu yoara ngadehenideu kopocsicac turung imohacnac ifingoc naric mi woranide.