Nehemia 8:9 - Deduamiti

⁹ Ngicngac yeneng negentegecma wosongina homac heihodungaiu kiac ubahodung anggec, gawana Nehemia, womonggareng nga singyoacac kpoukpou Edzera nga Lewiareng yeneng yofi edeyunugec, “Uameme yomocngo Kebu Anutuninaac kicfu kpetiac andeac amma ngeni kiac ubamangang mi ambisia.”

Nehemia 8:9 ပူးပေါင်းရင်းမြစ်များ

Nehemia 10:1

Anu ngic yomoc yeneng kpacngina ohoma memeseriac kpete faigec: Gawana Nehemia Hakariaac medac, yeac ngadeu Dzedekia,

Nehemia 12:26

Anu Yesuhaac medac Yoiakinngo Yodzadakac esea nga gawana Nehemia amma womonggareng Edzera singyoacac kpoukpou yeneac nasou ua ifi fingerec.

Nehemia 7:65

Imocac amma Yehuda yeneac gawanango yeni sese faikecdae imoc mi nenma kecmagec womonggareng mong fingecma, yeng wedzu hoc Urim nga Tummimgoc ua meu womonggareng ua megecde me kpac imoc heficgebeso, ifi dema kpetariyemmeec.

Nehemia 7:70

Amma kpebung enarafocngina yeni ama imohai uaac kpekpedzucfu maringina faigec. Anu gawanango gol ebiha imoc 8 kiro nga gol kude 50 amma womonggareng yeneac ngakpi 530 ifi faiec.

Nehemia 8:2

Anu afo sewengac uameme hanac hanaheau ngic nga ngac amma damoc yeneng naric negengtegecgecde, yeni hama kpedzucnemagec womonggareng Edzerango singyoacac kibi imoc yenearu mehaec.

Malecaki 2:13

Ammanu faka mong yofi angkecdae, Ngeni sese faiandae imoc Kebungo songogoc mi hoanggeande imocac kiac ubahodungnginaac kickumanginango yeac aratau sokodacma feande.

Roma 3:20

Ngic mong ye dedeseriyoac modackecma Anutuaru haude, ye Anutungo yofi naric mi demiude, “Ngic imoc ye dindingac.” Dedeseriyoac imoc ine kopocsicnina dekperaginemmeu negennide.

Roma 7:9

Ni warac dedeseriyoara kpac kecbare dedeseriyoacngo hau negenai. Negemba imohai ine kopocsicngo kekehagoc amma ua meu

Yakobo 4:9

Ngeni ubamangang nga ubahodung negemma homac kiacbisia amma dzomocgoc kecdae, ngeni meremma kiacgec nga sogac sogaigoc kecdae, ngeni meremma ubaebicgoc ambisia.