Nehemia 8:8 - Deduamiti

⁸ Yeni Anutuac singyoacac kibi osomasoc hania deireckeyemmegec, ifi anggec ngicngac yeni singyoac osogec imocac titiha negentegecgec.

Nehemia 8:8 ပူးပေါင်းရင်းမြစ်များ

Nehemia 8:12

Anu ngicngac yeni singyoac osoma negentegecgecac amanginasoc kengha amma nenedokungina songogoc nesogai amma tosea ngicngac kpedadanggegec yeni yemmegec negec.

Nehemia 8:7

Ifi amma nammagec Lewiareng yenearunac Yesuha, Bani, Tserebia, Yaming, Akub, Tsabetai, Hodia, Maseia, Kerita Adzaria Yodzabad, Hanang nga Peraia yeneng singyoacac hania ngicngac monggoc dekpou ayemmegec.

Nehemia 8:9

Ngicngac yeneng negentegecma wosongina homac heihodungaiu kiac ubahodung anggec, gawana Nehemia, womonggareng nga singyoacac kpoukpou Edzera nga Lewiareng yeneng yofi edeyunugec, “Uameme yomocngo Kebu Anutuninaac kicfu kpetiac andeac amma ngeni kiac ubamangang mi ambisia.”

Nehemia 9:3

Deficgema nammagecngoc Kebu Anutunginaac singyoac kibi imoc aua harebecac manau osogec. Osoma aua harebec mong imocac manau koposicngina deficgema Kebu Anutungina dengeregec.

Ruka 24:27

Yengena siduc imoc mitikibiu oho ohoya fedacde, imoc Moseac kibiunac hanahema kengkecma profete sasawa yeneng yeac siduc ohogec, ye imocac hania deireckeyemerec.

Ruka 24:32

yeraocngoc denegeng amma deoc, “Yeng sinnu mitikibiac hania edekpou anecmema deireckenemeru herenirango yacyombonggedac, imoc fora yombong.”

Ruka 24:45

Ifi dema ye imohaingoc negen negengngina meireckeyemmeu yeni mitikibiac yoac negentegecgec

Aposoro 28:23

Ifi dema tutumanggac naso mong degec naso imoc hau yudangic kpetengina homacngo Pauroac amau kpeturanggegec. Kpeturanggemagec, yeng Anutuac eucererenggac hania edeyunuec. Amma ye Moseac dedeseriyoac nga profete yeneac yoac, imoc osoma yenang negen negengngina wama Yesu negensinggegecdeac deireckeyemmeudeac ua meec. Ye asoacngoc hanahema ifi dema kecmanu ama toforeyemmeec.