Nehemia 8:12 - Deduamiti

¹² Anu ngicngac yeni singyoac osoma negentegecgecac amanginasoc kengha amma nenedokungina songogoc nesogai amma tosea ngicngac kpedadanggegec yeni yemmegec negec.

Nehemia 8:12 ပူးပေါင်းရင်းမြစ်များ

Nehemia 8:10

Anu Nehemiango yofi edeyunuec, “Uameme yomocngo Kebuac kicfu kpetiac andeac amma ngeni kemma semengngina nga waing songeagoc nesogai anggec. Amma ngicngac damoc yeneng semengngina memengere mi anggec, yeni yemmegec negec. Ngeni imocac ubamangang mi ambisia. Kebuac sogacsogai imoc ngeneac kucngina.”

Nehemia 8:11

Anu Lewiareng yeneng ifingoc ngicngac herengina mengisima yofi edeyunugec, “Uameme yomoc kpetiac, imocac ngeni ubahodung homac mi ambisia.”

Nehemia 8:13

Anu afo imocac uameme yohockanggac ngadeau amamanasoc oruha nga womonggareng amma Lewiareng yeneng singyoacac kpoukpou Edzerango singyoac monggoc kpouyemmeudeac yearu kenggec.

Esta 9:22

Imoc yofiac, Yehuda yeni ngabafocngina yeneac mariunac mesiemegec dzoromorongo meremma sogacsogai meficgeec nga kiacubahodung nasongo heimeremma nesogai nasotoa anec. Afo imoc hau naso imohai yeni imoc kpabanggema sogacsogaigoc nenesemengngina emekpesi amma ubangerecac wiac makpekpea yemmegecde,” kibi imocnoc ohoyemmeec.

Mitiyegec 119:111

Geac dedekperagiyoac, imoc nasoya nasoya meficnuma fefeseri fenenude. O, herenango imoc negemma sogaima kecbade.

Mitiyegec 119:127

Ni imocac geac nonoyoacac songo negenduae. Nga imocngo golac songo ferahaude, imoc goltegeng pirac pirac, imocac songo ferahaude.

Mitiyegec 119:130

Ge yoacgaac nagu witina imocngo ngicngac mekperagiyemmema ngicngac negen negengngina efea, yeni negen negentegec yemmeude.

Mitiyegec 119:14

Ngicngac yeneng dzofinacnginaac sogaiandae, ni ifi isoc geac dedekperagiyoac negemma sing imoc modacma sogaibade.

Mitiyegec 119:16

Ni singyoacgaac ubangerec negemma geac yoac naric mi nigecnuude, kpac.

Mitiyegec 119:171

Geng singyoacgaac negen negeng kpounengannecac enacbibicnango geac dedengerec yoac homac dekecbeso.

Mitiyegec 119:174

O Kebu, geng ebicfunac mesinunadeac anende nga ni dedeseriyoacgaac songo negenduae.

Mitiyegec 119:72

Geac enacgaac dedeseriyoac, imocngo wiac engena ande. Imocngo ngereenende nga imoc hoc gol nga silwango memea taoseng nga taoseng feracyunuude.

Mitiyegec 119:97

O, ni geac dedeseriyoacac songo homac yombong negemma asoacnac kemma marai imoc hennegeng amma negensima kecanduae.

Ruka 24:32

yeraocngoc denegeng amma deoc, “Yeng sinnu mitikibiac hania edekpou anecmema deireckenemeru herenirango yacyombonggedac, imoc fora yombong.”

Roma 7:18

Neac hereu wiac gombunga mong mi fede, ifi negenduae, imoc uba eseaac deduae. Imoc yofi, ni faka gombunga ambadeac negengkecma ine faka nga angammeme gombunga ambadeac obohoanduae.

Yohaneac kpefing 11:10

Kpetariyemmegec ngicngac bangeha bangeha kecdae, yeni sasawango songo nga ubangerec negemma ubangerecac iwai goa emegecde. Profete yohockang yereng bangeha bangeha ngicngac kpendzennu faiyunuocac ifi ayecmegecde.