Nehemia 8:10 - Deduamiti

¹⁰ Anu Nehemiango yofi edeyunuec, “Uameme yomocngo Kebuac kicfu kpetiac andeac amma ngeni kemma semengngina nga waing songeagoc nesogai anggec. Amma ngicngac damoc yeneng semengngina memengere mi anggec, yeni yemmegec negec. Ngeni imocac ubamangang mi ambisia. Kebuac sogacsogai imoc ngeneac kucngina.”

Nehemia 8:10 ပူးပေါင်းရင်းမြစ်များ

Nehemia 8:11

Anu Lewiareng yeneng ifingoc ngicngac herengina mengisima yofi edeyunugec, “Uameme yomoc kpetiac, imocac ngeni ubahodung homac mi ambisia.”

Nehemia 8:12

Anu ngicngac yeni singyoac osoma negentegecgecac amanginasoc kengha amma nenedokungina songogoc nesogai amma tosea ngicngac kpedadanggegec yeni yemmegec negec.

Esta 9:19

Nga Yehuda guruama bisicbisic taong ngadeau kecgec yeneng ine afo Adarac uameme 14 imoc ifingoc kpabanggema ubangerecgoc nenesemeng nema yenaocngoc iwai emekpesi anggec.

Esta 9:22

Imoc yofiac, Yehuda yeni ngabafocngina yeneac mariunac mesiemegec dzoromorongo meremma sogacsogai meficgeec nga kiacubahodung nasongo heimeremma nesogai nasotoa anec. Afo imoc hau naso imohai yeni imoc kpabanggema sogacsogaigoc nenesemengngina emekpesi amma ubangerecac wiac makpekpea yemmegecde,” kibi imocnoc ohoyemmeec.

Mitiyegec 149:2

Yeng Isracel meficngunuu ngeni yeac ubangerec negembisia. Tsionggac medacfora, ngeni ngictaunginaac sogaibisia.

Mitiyegec 89:17

Ge ngicngac imoc yeneac kibikperagi nga kucngina. Amma ge wosoefac anemmena kucninagoc amma firang annide.

Yoele 2:23

Tsionggac ngicngac ngeni Kebu Anutungina yearu sogaibisia. Ye monde mondea mi fedeac amma kpeacac kiasisic ebiriangoc suede nga asomoronggac kia ngemmekecde kia imocac nasongirango warac fekefec, ifi isoc.

Dzekarya 14:21

Ammanu Yerusalaim taontoau nga Yehuda bangecfu enang kudzi tackende imoc dzuacma, kurumenggac wasaiareng habuya habuya yeneac Kebu yeac amma kpetiac dedea. Ammanu ngicngac sasawa sesegerec faigecdeac sikebesandae yeni enang kudzi imohacnac goa mema sesegerecngina ihainoc ohobesandae. Ifi anggec, kurumenggac wasaiareng habuya habuya yeneac Kebu yeac womonnu, ngicngac kenacanareng yeneac nemu afeheyunuandae yeni ihai monggoc mi tacbesandae.

Ruka 11:41

Ngeni imocac amma ngicngac makpekpea wiac heregoc yemmebisia. Ifi anggec wiacngina sasawa dzuac dzuara anude.

2 Korinti 8:2

Imoc yofiac, yeni makpekpea kecma ebic witiau kpendzeng kpema sifu kpebung kpetiac Yerusalennu kecdae, yeneac ubangerec negemma wosoefac amma sese ebirangoc faigec.

Firipi 3:4

Nga neannaaru negen negenna faiba feudeac negemma sifu naric ambai, fora. Nga ngic goa yeneng yenannu negen negengngina faigec feande, ifi isoc faiba febac dede neng ifingoc feracyunuma ambaiac siriha.

Yohaneac kpefing 11:10

Kpetariyemmegec ngicngac bangeha bangeha kecdae, yeni sasawango songo nga ubangerec negemma ubangerecac iwai goa emegecde. Profete yohockang yereng bangeha bangeha ngicngac kpendzennu faiyunuocac ifi ayecmegecde.