Nehemia 7:4 - Deduamiti

⁴ Yerusalaim taontoa sawea kuneng nga hereaherec yombong. Anu ngicngac efeanecngo kecgecac amma amagerecngina monggoc mi medzuacgecngoc.

Nehemia 7:4 ပူးပေါင်းရင်းမြစ်များ

Nehemia 11:1

Naso imohai kpebunggac enara yeneng Yerusalaimnu tacngisigec. Anu ngicngac tosea yeneng ngic tennunac mocgu meisinggegec, yeng ine kpetiac taong Yerusalaimnu kemma kefudeac kpeing kpegec. Nga ngicngac tosea 9 yenengsac taongnginasoc kecgecde.

Nehemia 11:2

Anu ngicngac goa yeneng Yerusalaimnu kecgecdeac efaigec, yeni demeseri ayemmegec.

Nehemia 7:3

Ifiac amma ni faiyuruma yofi dema edeyuruyai, “Odagareng yeni gareng kecgecde nga Yerusalaimgac nagungo ine heiheia nammanu wenac seriuguc nagu witibisia. Amma maraiac ifingoc nagu heima aiengngo faima kpetingnga meseribisia. Nga Yerusalaim manaunac ngic meisingyunuec yeneng gareng ua mebisia amma goa nanangngina dedea, imohai nanggec goango ine yenang amangina wegenac namma garenggegecdeac ifingoc edeyunubesera.”

Nehemia 7:5

Anu Anutunango negennegeng herenau faiu ngickiwa nga garengenara amma ngicngac, waraima dzigenege yeneac kpacarengngina mengerebadeac negenai. Amma fingecsahengina feereec, imocac kpacarengngina meficgeai. Imohai yofi oho ohoya imoc meficgeai.

Mataio 6:33

Imocac ngeni warac warac yombong Anutuac eucerereng nga yeac faka dindingac meficgegecdeac uatoa mebisia. Ngeni ifi anggec yeng wiac sasawa imocnoc ifingoc torokpeu torokpe ngemmeude.