Nehemia 6:6 - Deduamiti

⁶ Kibi imocac manau yoac yofi oho ohoya feec, “Bangeha bangeha yeneng yofi degec Gesemngo imocac hepuc andac. Ge Yehudaareng yeneac ngictaungina ambesonga annec, imocac ngeni oda memengere amma here miacmiac anemmedae.

Nehemia 6:6 ပူးပေါင်းရင်းမြစ်များ

Nehemia 2:19

Anu Horoningic Sanbalat nga Among arennunac garengenara Tobia amma Arabangic Gesem yeneng siduc imoc negemma deendema anemmema memanunuma yofi degec, “Ngeni imoc noc ua medae? Ngeni ngictauac here miac miac faka andae me?”

Nehemia 6:13

Imoc yofiac, Semaingo seriyobonggema deu neng yeac yoac negemma womonnu emma kopocsicgoc ambade nga kpacna memanganeba memanugecde.

Nehemia 6:5

Kecma atac 5 imohai Sanbalatngo uangiha yengena wegenac kecande, ye kibi siriha imocngoc mima nearu sueec. Nga kibi mehaec, imocngo ine sangoya kpac.

Nehemia 6:7

Amma ge profete meisingyununa yeni Yerusalaimnu kemma geanggac negemma ‘Ngictau mong Yehuda kecde!’ Yoac imoc dekperagigec nga imocngo ngictauac Atadzeksisac kedzacfu kemebacac amma ge bic hana nenang yoac imoc desorongaini.”

Mataio 5:11

Nga ngeni neac arennu kecdaeac amma ngic yeneng desofoc nga ngunukporac angemmema ikoc amma ngeneac negemma yoac mangana hania hania angemmegecde. Yeni ifi angemmegecde, ngeni kenecnginagoc.

Ruka 23:2

imohai yoacfu namma haniaya yofi degec, “Ngic yoc ye ngicngacfocnina yenearu singngina mesufuma takesi Sisa minideac kpetarinemmema yengenaac ifi dekecde, ‘Ni Messia, ngictau mong.’ ”

Yohane 19:13

Ifi degec Piratongo imoc negemma Yesu wau kenudeac sing hoforec. Hofocma Yesu wangeru ama ngadeau mama bangecbisic botuha mong kpara Hocdzake, ihai desi desitatacfu emma tarec. Bangecbisic imoc hebiraio yoacfu kpara Gabata.

Roma 3:8

Goa yeni enacfu faifai anemmema deandae, “Wiac gombunga fingerudeac nenang angammeme goa mangana ambisina.” Nga goa yeneng neneac deandae, “Imocnoc kpounemmeandae.” Ngicngac yoac ifia deandae, yeni Anutungo kopocsicnginaac turunga, imocac sirihau yemmeude.

2 Korinti 6:8

Ngicngac goa yeneng ewehei anemmeandae nga goa yeneng demanganenunugecde. Goa yeneng enacfu faifai anemmeandae nga goa yeneng dengerenunugecde. Neni yoac fora deni goa yeneng imocac negemma ikoc degecde.

1 Petoro 3:16

Ngeni ine kpesi kpesiac turunga herebuya kpac, yumea nga eweheiheigoc amma here negen negeng kpataningau merembisia. Ngeni ifi anggecdeu, angammemengina gombunga Kristoac amma angkecdae, imocac ngic dedenggbaring angkecdae, yeni gameyunuude.