Nehemia 6:14 - Deduamiti

¹⁴ Ifi negemma yofi numuai: O Anutuna, ge Tobia nga Sanbalat yeri noc faka andaoc imoc negensina. Amma profete ngac Noadia nga profete sasawa goa yeni kengec meficgenengkecgec, imoc ifingoc negensibesena.

Nehemia 6:14 ပူးပေါင်းရင်းမြစ်များ

Nehemia 13:29

O Anutuna, yeni womonggarenggac ama nga womonggareng ua amma Lewiareng yenigoc dzadzahac menec imoc marisako megec, imoc negensibesena.

Nehemia 5:19

O Anutuna; Ni ngicngac yomoc yeni wiac ayemmedarai, imocac negennenna ngereeu negensinuna!

Mitiyegec 137:7

O Kebu, ngic yeneng Yerusalaim kpetotiegec, naso imohai Edomgac ngic yeneng degec, “Kpembarackegec, kpembarackegec mama seringau wisickeu.” Kebu ge imoc negenna febeso.

Mitiyegec 22:1

Anutuna, Anutuna, ge ngadenuma wanudang, imoc naric mi ande. Ge neac hereau yombong kecma ebicfunac mi mesinunec, imoc mi ngereede. Ni asoring anenu kiacba ge nocac hereau namma yoacna mi negennec, ifi isoc ande.

Mitiyegec 63:1

O Anutu, neac Anutuna, ni ge hofocgukecduae, imoc bangec gbangge gbanggeango dokuac ammiande, ni geac ifi isoc anende.

Makekeng 15:20

Anu Miryam profetengac, ye Aharon naina, yeng tambaring mariau meu ngac sasawa yeni ye modacma tambaringngina mema kpema yegec fedegec.

Mataio 24:11

Nga profete ikoha homacngo fingecma ngicngac homac ikocfu wangecyunugecde.

Mataio 24:24

Imoc yofiac, Messia ikoha nga profete ikoha yeneng fingecma ngicngac uba mesufu ayemmegecdeac tobangyunuma faka morora nga faka kuhagoc engena megecde. Amma yeni sing meficgegecdeu ngicngac isingyunuyunuya ifingoc ikocfu wangecyunugecde.

Mataio 7:15

Profete ikoha yeneng memanganengunubauac ngeni yeneac henghomema kecbisia. Yeni sebinginango rama sebi nga ubanginango ine katekasi anu yeni godzuac arennu iwaingina wangecngunugecdeac ngenearu hagecde.

2 Timoteo 3:8

Nga bicngoc Yane nga Yambere yeri Moseac yoac waoc, ifi isoc ngic deduae, yeni negen negeng ikohagoc kecma yoac fora kpeandae amma negen negensinggac sing segegecde.

1 Yohane 5:16

Ngic mongngo kopocsic mong homecac sinnu mi kende, ifia meficgeu tosoyango imoc hemma yeac numuudeu Anutungo kopocsicmeme ye kekec miude. Nga kopocsic goango homecfu kengkenggac sinnu fede, kopocsic ifiaac numugecdeac ine mi deduae.

Yohaneac kpefing 19:20

Nga profete ikohango wasaipusiac kicfu faka kuhagoc mekefu ngicngac wasaipusiac kibi megec nga yeac ongea numumigec, yeni ubamesufu ayemmeec. Anu yeneng wasaipusi nga profete ikoha yeri meyuruma kondung gerec nga sarfango dzema kecde, imocac manau gbori ukuyurugec.