Nehemia 5:9 - Deduamiti

⁹ Ifi anggec yofi torokpeyemmeai, “Ngeni faka andau, imocngo naric yombong mi ande nga mikicfocnina yeneng deendema mi anemmegecdeac ngeni Anutuninaac kicfu eweheiheigoc naric kecbau me?

Nehemia 5:9 ပူးပေါင်းရင်းမြစ်များ

Fingec fingec 20:11

Ifi deu Awrahamngo yoac turunga yofi meremmiec, “Ni yofi negensima faka imoc andua. Bangec yomohai ngic sasawa yeni Anutuac kengec mi angandae imocac yeneng enennaac amma ni kpebucnubauac.

Fingec fingec 42:18

Anu uameme harebec ammanu Yosefngo yofi dema edeyunuec, “Ni Anutu eweheimianduae imocac ngeni kekecngina onggonggegecdeac yofi ambisia.

Nehemia 4:4

Yeri ifi dema deendema anemmeec neng Anutuaru yofi dema numumiai, “O Anutunina, ge neneac nunumu yomoc negenna, deendema anemmedae imoc merengyemmena yenangarungoc kembeso nga geng ngaba yeneac mariu faiyununa yeneng iwaingina medacma witicamau bangec hereau meyunuma kembisia.

Nehemia 5:10

Ni sactosofocnagoc amma uangicfocna neni ngicngac wayununi nenearunac dzo nga bali turung anggec. Imocac nenang turungngina witiau faima kpougecdeac yoac mi debisina.

Nehemia 5:15

Nga warac gawana keceregec yeni ine ngicngac yenearunac waing nga semeng amma silwa dzo 40ac torokpema mema ngicngac ebic kuneng yemmekecgec. Amma yeneac uamedacfocngina yeneng ine ngicngacfocngina yenearu siric ifiugeng wangecyunugec. Nga neng faka ifia mi angang Anutuac kicfu kengec nga eweheiheigoc kefai.

Mitiyegec 90:11

Ngic mongngo geac ngabagaac kuc mi negensiude, kpac. Kengecgoc geac eweheihei kuneng anggembesonga nga heregerecga kuneng imoc ifingoc imocacsoc ande.

Aposoro 9:31

Anu kpebung Yudaia nga Gariraia amma Samaria bangecfu kecgec, yenearu ruae fingerec. Fingeru ruaegoc kecgec kpetengina kuneng anu serima kecma Kebu eweheimima ubango hoanggema afehegec. Anu Tiri Asungo ubaebicngina meickema meseriyunuec.

Roma 2:24

Mitikibiu yoac yofi oho ohoya fede, “Ngeni ifi angkecdaeac amma bangec monnunac ngicngac, yeneac botucfu Anutuac kpac denggbaringgegecde.” (Yes 52:5; Edz 36:22)

1 Timoteo 5:14

Imocac amma ngachotsec afo engeng kecdaengoc yeneac negemma areng yofi faiba modacbisia. Yeneng ngic monggoc mema sabac meficgema amangina garenggebisia. Yeni ifi anggec ngabafocnina kecdae, yeneng yoac mangana deyemmegecdeac sing naric mi meficgegecde.

Tito 2:5

garengemema kpetiac kecbisia. Amma yeni ama uangina negen negenggoc nga ubangerecgoc mema kecma ewefocngina yeneac yoac tofohobisia. Ifi anggec ngic mongngo Anutuac yoac naric mi demanganeude.

1 Petoro 2:12

Ngeni bangec monnunac ngicngac, yeneac botucfu faka nga angammeme gombunga angkecbisia. Ifi anggec yeni ngeneac dedeseriyoac kpekpeareng dema enacfu faifai angemmema angammemengina gombunga henggecde. Ifi hemmagec Anutungo yeni yugucyunuu naso imohai dengeregecde.