Nehemia 5:12 - Deduamiti

¹² Ifi deba yeneng yofi degec, “Neni monggoc merengyemmenide, amma turunggac yoac yenearu monggoc mi denide nga geng denec ifi isoc andacnide.” Degec ni womonggareng kpacyunuba hama, yeneac kicfu dzadzahac imoc modacgecdeac deserigec.

Nehemia 5:12 ပူးပေါင်းရင်းမြစ်များ

Nehemia 10:29

Amma yeni sasawango Isracelareng ngickiwafocngina torokpeyunugec kpeturanggema Anutuac singyoac nga dedeseriyoac nga nonoyoac amma dederecgeyoac uangiha Mosearu faiec, imoc gombunga henanggema modacgecdeac deserigec, amma yofi degec mongngo yoac yomoc mi modarudeu ye homebeso. Ifi demaKebu nenang Kebu, yeac singseria kengecgoc yombong modacgecdeac deserigec.

Nehemia 10:30

Amma ngicngac oronnunuma wegenac kecdae yeneac medacfocngina yeneng naroangfocnina mi meyunugecde nga yeneac naroangfocnginango neneac medac mi meyunugecdeac deseriing.

Nehemia 10:31

Amma ngicngac wegenac kecdae yeneng emenecac iwai me wit gbomea Sabata nasou me kpetiac nasotoau suegecdeu, neni imoc mi bummenide. Amma kifa 7 nu neni amaua wani heikpenec sobengngo fenegenu turunnina meicke-kecnide.

Nehemia 13:25

Ifi hemma yoac kucgoc ayemmema sowecyunuyai amma goa yunuma orucdzongina memoronggeai. Amma yeni Anutuac kpacfu deserigecdeac edyunuyai, “Ngeni naroangfocngina ngicngac goa yeneac medacfocngina mi yemmebisia nga yeneac naroangfocngina yeneng medacfocngina mi meyunubisia amma ngenang ifingoc.”

Nehemia 5:11

Amma ngeni yaguc yombong heikpenec sobengngina nga waing uangina amma oliwa nga amagerecngina imoc sasawa monggoc merengyemmebisia. Amma imocngo dzo kirecgeu, bali, waing gboria nga kerec tosea torokpema mekecgec, imoc hafoangoc merengyemmedacbisia. Anu yeni dzo me waing me wit me oliwa kereha imocngo turung mi kpoubisia.”

Mataio 26:63

Ifi deu Yesungo ine waickema nanec. Nanu womonggarengtoango edeec, “Anutu kekec mingina, yeac kicfu kpesigemba ge deserina, geng Messia Anutuac medac me kpac, imoc edenununa.”

Ruka 19:8

Ifi degec Sakaiongo ine ihai namma Kebuac deec, “Kebu negenna, finacna mekecduae, imocac noboha ngicngac makpekpea yemmebade nga goa ikoc ayemmema wiac meai, yeneac turung atac fo meemma monggoc yemmebade.”