Nehemia 4:17 - Deduamiti

¹⁷ goa yeneng ua megec. Ifi amma oda memeac iwai kisangha faiac ngic yeni maringina nobohango odaac iwai megec nga nobohango ine dzikacac wiac mema kecgec.

Nehemia 4:17 ပူးပေါင်းရင်းမြစ်များ

Nehemia 4:13

Ifi anggec neng ngicngac arengnginasoc hendzicyunuma wasaibeang, tebe nga sangara yemmema, oda mi medzic medzickea imohai gareng nanggecdeac faiyunudarai.

Nehemia 4:16

Ifi amma wenac imohaingoc ngicfocna noboha hendzicyunuba ua megec nga noboha yeni dzikacac mariku heigec kemeu, tebe kpandabu nga tebeac saiya mema nanggec. Ammanu ngickiwafocngina yeneng Yehuda ngicngac yeneac ngadeu nanggeyunuma tacmagec

Nehemia 4:18

Anu oda memengic yeni wasaibeang fadengnginasoc tigec kemeu namma ua megec. Nga ngic merang tomeng fifiande, yeng ine nigoc wegenac kefec.

Mitiyegec 149:6

Ngeni bangec monnunac ngicngac yenearu dzikacac turungngina kpouyemmebisia. Ngeni ngiha ngiha kopocsicnginaac turunga momoc kpouyemmebisia. Ngeni seng mema imocngo ngictaufocngina witicyunuma ngickunengfocngina aiennu mendangyunubisia. Yoac bic oho ohoya fede, yeneac yoac imoc modacma yoacngina isinggema desibesonga. Ifi fingerudeac ngeni enacnginango dendzerenggema Anutu dengerema maringinau soe mana ngadea enaragoc mema kecbisia. Imocngo Anutuac ngicngac yeac yoac modacma kecdae, yeneac kuc kibikperagiagoc anude. Kebu eriendzong memini, hallelu Yac.

Danicel 9:25

Imocac amma ge yomoc negemma negentegecna, Yerusalaim ama monggoc mengere mebesonga yoac ifi fingec fingera erema Ngictaumedac kerecdokungo nadzicmimia yeng habeso ande, naso imoc yereac botucngirau sonda sewen nga sonda 62 anude. Naso imohai ebicnginagoc kecma taonnu sing gboria megecde amma ngaba yeneac kasoac dokuac sing keme kemea momoc usugecde.

Yoele 2:8

Amma yenaocngoc mi heihefacfu arennu feracmarabaha kpac dindingac enggec. Nga yeni kpaea kpac socfungoc kucgoc emmegec.

1 Korinti 16:13

Ngeni garengemema efaima kecma negensinggema serima nambisia. Ngeni ngicsiric amma seserigoc kecbisia.

1 Korinti 16:9

Yomohai ua kuneng yombong mebadeac sing sarima fede. Nga ngabafocna homac yomohai ifingoc kecdae.

1 Korinti 9:12

Nga ngic goa yeni ngenearunac wiac goa naric megecdeu neneng imoc torokpema monggoc menide, ngeni ifi negenggec ngereebeso. Nga neni Kristoac siduc gombung kpae heibinggac negemma ngenearunac semeng memeac dede fedemoc, imoc wama mong mi mema sebiac ebic hania hania tofohoma kecdimbe.

2 Korinti 6:7

Anutuac kuc mekecma yoac fora dema kekec dindingac, imocngo dzikacac wiacnina angkecde nga imoc mari foininau mema ua meandimbe nga kanau mema garengemeandimbe, faka imoc sasawa amma Anutuac kingangkpekpe kecdimbe.

2 Timoteo 2:3

Anu Yesu Kristoac wasaingic gombunga amma kpendzenggoc kecma modzotiti mi ambesena.

2 Timoteo 4:7

Dzikac gombunga kpema bic mesiai. Amma ngic firang anggecdeac nedziandae, ifi isoc hafoa nedzima bic mesiai nga negen negensinna seria mekecma mi ukuba kpeec.