Nehemia 4:14 - Deduamiti

¹⁴ Faiyunuma hemba ngicngac yeni wosodamugoc nanggec yacma gareng nga ngickiwafocngina amma ngicngac yofi dema edeyunuai, “Ngeni kengec mi anggec, Negendae Kebu ye Kuctoayagoc, imocac ngeni serima namma enengfocngina, naroangfocngina, medacfocngina nga dacmunafocngina amma amagerecngina imocac dzikaha ngenaoc kpebisia.”

Nehemia 4:14 ပူးပေါင်းရင်းမြစ်များ

Nehemia 1:5

Amma yofi deai, “Kebu kurumenggac Anutu, ge Anutu Engenatoa amma damudamugagoc. Ngicngac geac songo negemma dedeserigango modackecdae geac songoga nga dzadzahacgango yenearu fekecde.

Mitiyegec 143:5

Ni warac naso, imoc negemba fede nga geng ua mekecnec, imoc hennegeng amma negensikecduae. Ge marigango marikibi meficgenec, imocac ubangerec negemma hennegeng angkecduae.

Mitiyegec 20:7

Ngic goa yeni dzikacac keretac negenggec wiac engena anu yoac homac osogecde. Nga goa yeni becosiac negenggec wiac engena anu yoac homac osogecde. Nga nenang Kebu Anutuninaac kpac kuneng negenserima negenni wiac engena ande.

Mitiyegec 27:1

Kebu ye neac kperagi nga memengerec, ni wiac monggac kengec naric mi ambade. Ye sufu sufuamana amma ye kekecna onggonggema kecdeac monggac kengec mi ambade.

Mitiyegec 46:11

Kebu kurumenggac wasaiareng kunengnginango nenanggoc kecde, Yacakowac Anutu ye sufu sufuamanina. Selac

Mitiyegec 65:5

O Anutu, memengerecnina, ge nunumunina negemma fakaga mi hehena amma turunga merennemmema ebicfunac mesinununade. Bangec tegia fekende, imocac ngicngacfora nga ngicngac kondung ferahema tegiau kecdae, yeni sasawango kekecnginau wiac fora fingerudeac ge negensiguma tomaiga kecgecde.

Mitiyegec 66:3

yofi debisia, “Geng wiac angannec, imoc wiac engena yombong, imocac kerectegec andimbe. Ge kucga monggoc, imocac ngabafocga geac bageu kecma ngonducnegecde.

Mitiyegec 66:5

Ngeni hama Anutungo ua meec, imoc hembisia. Ye bangecngicngac nenanggoc kecma ua bibiagoc meude.

Makekeng 14:14

Kebungo ngeni meficngunuudeac yenigoc eweude. Imocac ngeni wosongina makiu tacbisia.”

Makekeng 14:25

Nga ye deu keretacnginaac wilya merenu yeni kucgoc kenggecdeac ambibiegec. Ifi fingeru aigitangic yeni yofi degec, “Kebu yengenaoc Isracelngicngac meficyunuma nenanggoc ewema kecdeac nenang bic yombong wayunuma worama kenni.”

Danicel 11:32

Anu dzadzahac yoara kpegec yeng ikoc amma yoac songea songea edeyunuma dzadzahac imoc wagecdeac sinnu hodzingyunuude. Anu ngicngac Anutungina negemmidaemoc yeni serima nanggecde amma yeneac kucngina mi kpac anude.

Dzekarya 14:3

Ifi fingecmanu Kebungo yacma warac dzikac kpekefec ifi isoc kpema ngic habuya habuya yenigoc ewekpekpe ambesande.

Bangec kisiu 14:9

Nga ngeni Kebuac yoara kpekecma ebic meficgedae. Ngeni faka mangana imoc wayombonggebisia. Amma ngeni bangec imocac ngicngac yeneac kengec amma mi kecbisia. Nenang yunukporac naric ayemmenide, imoc wiac efea anude. Yeneac memeficngina imoc bic meickeec nga Kebungo nenanggoc kecma meficnunuude, imocac ngeni yeneac mi kengecngunubeso.”

Mataio 10:28

Ngicngac yeni sebingina kpehomema ubaongangina naric mi kpehomegecde, ngeni yeneac mi kengecngunubeso. Anutungo sebi nga ubaonga yerahafoc hofeu memanganeude, ngeni yeac ine damungunubeso.

Hebiraio 13:6

Imocac serima kengeha kpac kecma yofi naric denide, “Kebu ye neac memeficna nga ngic mongngo wiac mong anenu imocac naric mi kengecnuude.” (Myeg 118:6-7)