Nehemia 2:20 - Deduamiti

²⁰ Ifi degec neng merengyemmema yofi deai, “Kurumenggac Anutungo meficnunuudeac amma uangicfora neni oda medzuacnide. Nga ngeneac wiac mong Yerusalaimnu mi fede, imocac wiac monggac kperi naric mi anggecde amma ngeneac kpacsiduc yei mong mi yombong fede.”

Nehemia 2:20 ပူးပေါင်းရင်းမြစ်များ

Nehemia 1:4

Anu siduc imoc negenai naso imohai neng ubahodung negemma matacma kiarai. Ifi amma uameme goau ubahodunggoc yakasege amma kurumenggac Anutu numumiai.

Nehemia 2:4

Ifi debare ngictaungo kpesinenec, “Ge nocwiacac anggende?” Deu neng kurumenggac Anutu numumima,

Esta 4:11

Ammima yofi edeec, “Ngictaungo ngic me ngac mong mi heitaimanu engpekac ngictauac amamanaac sobennu emmeude ye homebeso nga emmanu ngictaungo gol kaponga mema gbong kpeudeu ye onggonggegecde. Dedeseri imoc ngickiwa nga ngictauac prowinsu ngicngac kecdae yeni sasawango negendae. Ammanu ngictaungo ine mi kpacnuma kecmanungoc uameme 30 wisickede.”

Mitiyegec 102:17

Ye ngicngac makpekpea neneac nunumuac kedzac faiu wiacac desambic ammini imoc naric mi waude.

Mitiyegec 122:6

Ngeni ruae Yerusalaimnu feudeac numubisia. “Geac songo negengandae, yeni naric kecma wiac monggac mi obohobisia.

Mitiyegec 20:5

Ge firang andanggac ubangerecac arohoma sogac sogai ambisina. Nenang Anutuninaac kpacfu firanggac ma kpedzini embeso. Kebungo kpesi kpesiga sasawa negemma foraya meficgebeso.

Mitiyegec 35:27

Nga ngicngac yeni neac yoacac fora dindingac fingerudeac ayemmeande, yeni ge negemmana ubangerec negemma sogaima dendzerenggema arohobisia. Yeni nasosoc yofi dekecbisia, “Kebu ye engena yombong, ye kingang ngihango gombunga kefudeac songo negenude.”

Mitiyegec 51:18

Ge Tsionggac songo negemma gombunga ammima Yerusalaimgac hocodatoa monggoc heimengere anna.

Makekeng 28:29

Anu Aharon ye kpetiac womonnu enude, imohai Isracel medacfora yeneac kpacngina imoc yoac isinggema desigecdeac kasou woucboraac witiau heima kpetiac amau engkecbeso. Imoc Kebungo yeneac negenu fekefudeac yeac kicfu tatahoc heikefude.

Dzekarya 6:14

Anu ngicngac yeneng ira imoc hemma Helem, Tobiya nga Yedacya amma Tsefanyaac medac Hen yeni negensiyunukecgecdeac Kebuac womonnu faigec tacbesande.

Bangec kisiu 10:10

Nga sogac sogainginau me nasotoanginau me afo mong monggoc gboria ereude, imohai trampet fifima wama fifima wama, ifi anggec arohobesera. Nga sesegerecngina hafoangoc ohogecde nga ruaeac sese ngenahafoc negecde, imohai ifingoc fifigec arohoec imocngo Anutuac kedzacfu udumeng meficgeu yeng negengngemmeude. Ni KebuAnutungina.”

Aposoro 10:31

yofi edenuec, ‘Konerio negenna, Anutungo nunumuga nga ubangerecgaac wiac makpekpea yemmeannec, imocac negengngereede.

Aposoro 10:4

Ifi deu kpidohoma kengec kpeu kiwango gbong henserimanu deec, “Kebu noc wiac?” deu yeng deec, “Nunumuga nga ubangerecgaac wiac makpekpea yemmeannec, imoc sese isoc Anutuaru enu ye imocac negengngereekecde.

Aposoro 8:21

Anutungo uba ikocga hendeac kuc yomocngo mong mi yafinggumanu entegeng kecnade.