Nehemia 2:17 - Deduamiti

¹⁷ Anu neng yofi edeyunuyai, “Hendae, Yerusalaimngo manganedarec nga oda naguya sasawa gerecngo dzedaru nenang ebic imocac manau kecdimbe. Imocac amma hagec nenang Yerusalaimgac oda monggoc medzuacma yeneac deendemaac bageu mi kecbisina.”

Nehemia 2:17 ပူးပေါင်းရင်းမြစ်များ

Nehemia 1:3

Ayemmeba yofi edenugec, “Ngic witicuaunac worama prowinsnginau dzigenegec yenearu ebic kuneng fingeru deendema witiau kecdae. Nga Yerusalaimgac oda imoc barackeu oda naguya sasawa gerecngo dzedarec.”

Nehemia 2:13

Anu neni tofocnacngoc Tumea Nagu ferecgema, Katekasi Dokutennu bigeng kemma nagu kpara Seuc naguu singngoc Yerusalaimgac oda barackeu naguya sasawa gerecngo dzembarackeu manganeec, imohai hennegeng amma kening.

Nehemia 2:16

Ni Yehudangic me womonggareng me ngickiwa me garengenara amma ngicngac goa ua megecde, yeni yoac mong mi edeyunuyaiac amma garengenara yeneng dahai kenai nga noc ua meai, imoc mi negenggec.

Nehemia 3:15

Nga Kohodzeac medac Sarung ye Yerusalaim bangec noboha Mitspa areng yeneac gareng mong, yeng nagu kpara Dokukiwa nagu, imocac oda mengerema nagu imohai bubuyagoc mema memeseria faidarec. Amma ye Siroang dzohong tegiaunac oda mengereu kengkecma ngictauac ua ferecgema Dawidac taonggac tire nanec, ihaigeng kemeec.

Mitiyegec 102:15

Bangeha bangeha ngicngac yeneng Kebuac kpac kunenggac kengec amma eweheimigec bangecfu ngictau sasawa yeneng geac kuc nga kibikperagigaac ewea heibisia.

Mitiyegec 44:13

Ge ngicngac wegenac kecdae yeni sing meficgeyemmenecac yeneng deendema anemmeandae nga ngicngac oronnunuandae, yeni detenic anemmema desofoc anemmegecde.

Mitiyegec 44:14

Nga ge bangec monnunac ngicngac sing meficgeyemmena yeneng neneac yoac dekecgec yeneac dzomoc tirea andimbe. Ngicngacareng hania hania yeni dedzomoc anemmema orucngina kpatitickenemmegecde.

Mitiyegec 79:12

O Kebu, ngicngac nenigoc wegenac kecdae, yeni ge deendema anggenggecac kopocsicnginaac turunga naso seweng kekecnginau kpouyemmena.

Mitiyegec 79:4

Ngicngac nenigoc wegenac kecandae nga oronnunuma kecdae, yeneng deendema anemmema dzomorenemmedae.

Mika 7:11

Anu hocodaga memeac naso mong haude, imohai bangec botuc imoc meyadigecde.